لال قلعہ میں 25 ویں بھارت پرو کے مہمانوں کو جھارکھنڈ کے  معتبر اور وقت کے مطابق ذائقوں کا مزہ لینے کے لیے انسٹی ٹیوٹ آف ہوٹل مینجمنٹ (آئی ایچ ایم) رانچی اسٹال پر مدعو کیا گیا ہے جو جھارکھنڈ ٹورازم کے  توسط  سے پیش کیا گیا ہے۔ آئی ایچ ایم رانچی کی طرف سے سوچ سمجھ کر تیار کیا گیا یہ اسٹال ریاست کے بھرپور غذائی ورثے کے ذریعے ایک پکوان کے سفر پیش کرتا ہے، جس کی جڑیں قبائلی روایات، دیہی طریقوں اور پائیدار موٹے  باجرا پر مبنی کھانوں سے جڑی ہوئی ہیں۔

صداقت اور سادگی کی عکاسی کرنے کے لیے ڈیزائن کئے گئے اس اسٹال میں دیہی  بلیک بورڈ طرز کا مینو پیش کیا گیا ہے، جو جھارکھنڈ کے کھانے کی ثقافت کی زمینی جڑوں کی علامت ہے۔ یہ بصری نقطہ نظر مینو کے فلسفے کی تکمیل کرتا ہے - دیسی اجزاء کا جشن منانا، کھانا پکانے کے روایتی طریقے، اور ہر ڈش کے پیچھے ثقافتی کہانیاں۔

یہ نمائش مینو روایتی اور تہوار کی تیاریوں کی ایک وسیع رینج کو نمایاں کرتا ہے جو پورے جھارکھنڈ میں روزمرہ کے کھانے کے طریقوں کی نمائندگی کرتے ہیں۔ ایک خاص پیشکش- آلو چنا کی سبزی کے ساتھ دھوسکا، خمیری خمیر شدہ دال چاول کی روٹی کو ایک صحت بخش آلو اور چنے کے سالن کے ساتھ پیش  کی جاتی ہے، جو ریاست بھر میں ایک پسندیدہ پکوان ہے۔ روایتی مٹھائیاں جیسے ‘ارشا پیٹھا’، جو چاول کے آٹے اور گڑ سے  تیار کی جاتی  ہیں، تہوار کی پرانی تراکیب بتاتی ہیں، جب کہ ‘ڈمبو ’جیسے غیر معروف دیسی ناشتے  یہاں آنے والوں  کو جھارکھنڈ کی منفرد کھانا پکانے کی شناخت کو دریافت کرنے کی دعوت دیتے ہیں۔

آئی ایچ ایم رانچی اسٹال کا ایک اہم فوکس موٹے اناج  پر مبنی کھانوں پر اس کا زور ہے، جو غذائیت، پائیداری اور آب و ہوا سے لچکدار زراعت کو فروغ دینے والے قومی اقدامات کے ساتھ ہم آہنگ ہے۔ ‘راگی سیو’ اور ‘راگی سموسے’ جیسی اختراعی پیشکشیں غذائیت سے بھرپور ‘فنگر باجرا’ کا استعمال کرتے ہوئے مقبول ناشتے کی دوبارہ تشریح کرتی ہیں۔ صحت بخش کھانے کے  متبادل  جیسے سبزی کے ساتھ ‘چاول چھلکا ’اور سبزی کے ساتھ ‘میدوا چھلکا’ روایتی اناج پر مبنی غذا کی عکاسی کرتے ہیں، جو متوازن اور غذائیت بخش کھانا فراہم کرنے کے لیے موسمی سبزیوں کے ساتھ  استعمال کیا جاتا ہے۔

مشروبات کے انتخاب میں چاول کی چائے شامل ہے، چاول پر مبنی ایک مخصوص چائے جو روایتی چائے کا ہلکا، آرام دہ متبادل پیش کرتی ہے، جو مزید مقامی اجزاء کے استعمال اور روایت میں جڑی پاکیزہ اختراع کو اجاگر کرتی ہے۔ تحفہ دینے اور لے جانے کے لیے پرکشش طریقے سے پیک کی گئی اشیاء جیسے ‘میدوا کوکیز’ اور ‘میدوا لڈو’ روایتی ذائقوں کو جدید سہولت کے ساتھ جوڑتے ہیں۔ ‘میدوا راگی ریپ’ جیسی عصری پیشکشیں ایک جدید ٹچ کا اضافہ کرتی ہیں اور متنوع سامعین کو راغب کرنے کے لیے مانوس فارمیٹس کے ساتھ دیسی اناج کو ملاتی ہے۔

سوچ سمجھ کر تیار کیے گئے اس مینو کے ذریعے‘ بھارت پرو’ میں آئی ایچ ایم رانچی کا اسٹال نہ صرف جھارکھنڈ کے پکوان ثقافتی ورثے کا جشن مناتا ہے بلکہ کھانے کے پائیدار طریقوں، غذائیت سے متعلق آگاہی اور ثقافتی  افتخار کو بھی فروغ دیتا ہے، جویہاں آنے والوں  کو ریاست کی بھرپور اور متنوع کھانے کی روایات کا مستند و معتبر ذائقہ پیش کرتا ہے۔

*****

ش ح – ظ  ا- ج

UR No. 1126

(रिलीज़ आईडी: 2219147) आगंतुक पटल : 13