ਟੈਕਸਟਾਈਲ ਮੰਤਰਾਲੇ ਅਧੀਨ ਇੱਕ ਜਨਤਕ ਖੇਤਰ ਦੇ ਅਦਾਰੇ, ਕੌਟਨ ਕਾਰਪੋਰੇਸ਼ਨ ਆਫ਼ ਇੰਡੀਆ ਲਿਮਟਿਡ (ਸੀਸੀਆਈ) ਨੇ ਅੱਜ ਨਵੀਂ ਦਿੱਲੀ ਵਿੱਚ ਆਯੋਜਿਤ ਇੱਕ ਸਮਾਗਮ ਵਿੱਚ ਕੇਂਦਰੀ ਟੈਕਸਟਾਈਲ ਮੰਤਰੀ ਸ਼੍ਰੀ ਗਿਰੀਰਾਜ ਸਿੰਘ ਨੂੰ ਵਿੱਤੀ ਸਾਲ 2024-25 ਲਈ 8.89 ਕਰੋੜ ਰੁਪਏ ਦਾ ਲਾਭ-ਅੰਸ਼ ਚੈੱਕ ਭੇਟ ਕੀਤਾ। ਇਸ ਸਮਾਗਮ ਵਿੱਚ ਟੈਕਸਟਾਈਲ ਸਕੱਤਰ ਸ਼੍ਰੀਮਤੀ ਨੀਲਮ ਸ਼ਮੀ ਰਾਓ ਅਤੇ ਸੰਯੁਕਤ ਸਕੱਤਰ ਸ਼੍ਰੀਮਤੀ ਪਦਮਿਨੀ ਸਿੰਗਲਾ ਵੀ ਮੌਜੂਦ ਸਨ। ਇਹ ਚੈੱਕ ਸੀਸੀਆਈ ਦੇ ਮੁੱਖ ਪ੍ਰਬੰਧਕ ਸ਼੍ਰੀ ਲਲਿਤ ਕੁਮਾਰ ਗੁਪਤਾ ਵੱਲੋਂ  ਸੌਂਪਿਆ ਗਿਆ।

ਕੇਂਦਰੀ ਟੈਕਸਟਾਈਲ ਮੰਤਰੀ ਨੇ ਸੀਸੀਆਈ ਦੇ ਨਿਰੰਤਰ ਯਤਨਾਂ ਦੀ ਸ਼ਲਾਘਾ ਕੀਤੀ ਅਤੇ ਭਾਰਤ ਦੀ ਕਪਾਹ ਅਤੇ ਕੱਪੜਾ ਮੁੱਲ ਲੜੀ ਨੂੰ ਮਜ਼ਬੂਤ ​​ਕਰਨ ਵਿੱਚ ਵਿਕਾਸ, ਕੁਸ਼ਲਤਾ, ਪਾਰਦਰਸ਼ਤਾ ਅਤੇ ਨਵੀਨਤਾ ਦੀ ਮਹੱਤਤਾ ’ਤੇ ਜ਼ੋਰ ਦਿੱਤਾ। ਉਨ੍ਹਾਂ ਨੇ ਐੱਮਐੱਸਪੀ ਕਾਰਜਾਂ ਅਧੀਨ ਕਪਾਹ ਕਿਸਾਨਾਂ ਨੂੰ ਲਾਹੇਵੰਦ ਕੀਮਤਾਂ ਯਕੀਨੀ ਬਣਾਉਣ ਅਤੇ ਘਰੇਲੂ ਕਪਾਹ ਬਾਜ਼ਾਰ ਵਿੱਚ ਸੰਤੁਲਨ ਬਣਾਈ ਰੱਖਣ ਵਿੱਚ ਸੀਸੀਆਈ ਦੀ ਮਹੱਤਵਪੂਰਨ ਭੂਮਿਕਾ ’ਤੇ ਜ਼ੋਰ ਦਿੱਤਾ।

ਸਾਲ ਦੌਰਾਨ ਕੀਤੀਆਂ ਗਈਆਂ ਪਹਿਲਕਦਮੀਆਂ ਦੀ ਸਮੀਖਿਆ ਕਰਦੇ ਹੋਏ ਟੈਕਸਟਾਈਲ ਸਕੱਤਰ ਨੇ ਸੀਸੀਆਈ ਦੇ ਪ੍ਰਬੰਧਨ ਅਤੇ ਸਟਾਫ਼ ਨੂੰ ਉਨ੍ਹਾਂ ਦੇ ਸਮਰਪਣ ਅਤੇ ਪ੍ਰਦਰਸ਼ਨ ਲਈ ਵਧਾਈ ਦਿੱਤੀ ਅਤੇ ਭਵਿੱਖ ਦੇ ਟੀਚਿਆਂ ਨੂੰ ਪ੍ਰਾਪਤ ਕਰਨ ਅਤੇ ਭਾਰਤ ਦੇ ਟੈਕਸਟਾਈਲ ਸੈਕਟਰ ਦੀ ਵਿਸ਼ਵ-ਵਿਆਪੀ ਮੁਕਾਬਲੇਬਾਜ਼ੀ ਨੂੰ ਵਧਾਉਣ ਵਿੱਚ ਮੰਤਰਾਲੇ ਦੇ ਨਿਰੰਤਰ ਸਮਰਥਨ ਦੀ ਪੁਸ਼ਟੀ ਕੀਤੀ।

ਟੈਕਸਟਾਈਲ ਸਕੱਤਰ ਨੇ ਭਾਰਤ ਵਿੱਚ ਪ੍ਰਮਾਣਿਤ ਕਪਾਹ ਦੇ ਉਤਪਾਦਨ ਨੂੰ ਵਧਾਉਣ ਵਿੱਚ ਸੀਸੀਆਈ ਦੀ ਮਹੱਤਵਪੂਰਨ ਭੂਮਿਕਾ ’ਤੇ ਚਾਨਣਾ ਪਾਇਆ। ਭਾਰਤ ਦੀ ਪ੍ਰਮਾਣਿਤ ਕਸਤੂਰੀ ਕਪਾਹ ਦਾ ਲਗਭਗ 97% ਹਿੱਸਾ- 1.58 ਲੱਖ ਗਠੜੀਆਂ ਵਿੱਚੋਂ 1.51 ਲੱਖ ਗਠੜੀਆਂ - ਸੀਸੀਆਈ ਵੱਲੋਂ ਪੈਦਾ ਕੀਤੀਆਂ ਗਈਆਂ ਸਨ, ਜਿਸ ਨਾਲ ਗੁਣਵੱਤਾ ਭਰੋਸਾ, ਪਤਾ ਲਗਾਉਣ ਦੀ ਸਮਰੱਥਾ ਅਤੇ ਪ੍ਰੀਮੀਅਮ ਗਲੋਬਲ ਕਪਾਹ ਬਾਜ਼ਾਰਾਂ ਵਿੱਚ ਭਾਰਤ ਦੀ ਵਧਦੀ ਮੌਜੂਦਗੀ ਨੂੰ ਮਜ਼ਬੂਤ ਕਰਦਾ ਹੈ ।

ਵਿੱਤੀ ਸਾਲ 2024-25 ਵਿੱਚ ਸੀਸੀਆਈ ਨੇ 20,009 ਕਰੋੜ ਰੁਪਏ ਦਾ ਕਾਰੋਬਾਰ ਪ੍ਰਾਪਤ ਕੀਤਾ, ਜੋ ਕਿ ਕਾਰਪੋਰੇਸ਼ਨ ਦੇ ਇਤਿਹਾਸ ਵਿੱਚ ਸਭ ਤੋਂ ਵੱਧ ਕਾਰੋਬਾਰਾਂ ਵਿੱਚੋਂ ਇੱਕ ਹੈ। ਲਾਭਅੰਸ਼ ਦੀ ਘੋਸ਼ਣਾ ਸੀਸੀਆਈ ਦੇ ਮਜ਼ਬੂਤ ​​ਵਿੱਤੀ ਪ੍ਰਦਰਸ਼ਨ, ਸੰਚਾਲਨ ਕੁਸ਼ਲਤਾ ਅਤੇ ਭਾਰਤ ਸਰਕਾਰ ਦੇ ਪ੍ਰਤੀ ਇਸਦੇ ਨਿਰੰਤਰ ਯੋਗਦਾਨ ਨੂੰ ਦਰਸਾਉਂਦੀ ਹੈ, ਨਾਲ ਹੀ ਕਿਸਾਨਾਂ ਦੇ ਹਿੱਤਾਂ ਦੀ ਰਾਖੀ ਅਤੇ ਬਾਜ਼ਾਰ ਸਥਿਰਤਾ ਨੂੰ ਯਕੀਨੀ ਬਣਾਉਣ ਲਈ ਆਪਣੀ ਜ਼ਿੰਮੇਵਾਰੀ ਨੂੰ ਵੀ ਪੂਰਾ ਕਰਦੀ ਹੈ।

ਐੱਮਐੱਸਪੀ ਖ਼ਰੀਦ ਅਤੇ ਕਿਸਾਨ ਸੰਪਰਕ ਨੂੰ ਮਜ਼ਬੂਤ ​​ਕਰਨਾ

ਐੱਮਐੱਸਪੀ (ਘੱਟੋ-ਘੱਟ ਸਮਰਥਨ ਮੁੱਲ) ਮੁਹਿੰਮ ਦੇ ਤਹਿਤ ਵਿਆਪਕ ਅਤੇ ਵਧੇਰੇ ਪ੍ਰਭਾਵਸ਼ਾਲੀ ਪਹੁੰਚ ਨੂੰ ਯਕੀਨੀ ਬਣਾਉਣ ਲਈ, ਸੀਸੀਆਈ ਨੇ ਪਿਛਲੇ ਸੀਜ਼ਨ ਦੇ 508 ਕੇਂਦਰਾਂ ਦੀ ਤੁਲਨਾ ਵਿੱਚ 150 ਕਪਾਹ ਉਤਪਾਦਕ ਜ਼ਿਲ੍ਹਿਆਂ ਵਿੱਚ 571 ਖ਼ਰੀਦ ਕੇਂਦਰ ਖੋਲ੍ਹ ਕੇ ਆਪਣੇ ਖ਼ਰੀਦ ਬੁਨਿਆਦੀ ਢਾਂਚੇ ਦਾ ਵਿਸਤਾਰ ਕੀਤਾ ਹੈ। ਖ਼ਰੀਦ ਕੇਂਦਰ ਖੋਲ੍ਹਣ ਲਈ ਉਦਾਰਕਰਨ ਨਿਯਮਾਂ ਨਾਲ ਆਖਰੀ ਮੀਲ, ਵਿਸ਼ੇਸ਼ ਰੂਪ ਨਾਲ  ਛੋਟੇ ਅਤੇ ਸੀਮਾਂਤ ਕਿਸਾਨਾਂ ਤੱਕ ਪਹੁੰਚ ਵਿੱਚ ਮਹੱਤਵਪੂਰਨ ਸੁਧਾਰ ਹੋਇਆ ਹੈ, ਨਾਲ ਹੀ ਆਵਾਜਾਈ ਦੇ ਖ਼ਰਚੇ ਅਤੇ ਉਡੀਕ ਸਮੇਂ ਵਿੱਚ ਕਮੀ ਆਈ ਹੈ।

ਕਪਾਹ ਕਿਸਾਨ ਮੋਬਾਈਲ ਐਪ ਰਾਹੀਂ ਕੇਂਦਰ ਸਰਕਾਰ ਦੀਆਂ ਐੱਮਐੱਸਪੀ ਸੰਚਾਲਨ ਯੋਜਨਾਵਾਂ ਵਿੱਚ ਕਿਸਾਨ ਸਸ਼ਕਤੀਕਰਨ ਨੂੰ ਸਭ ਤੋਂ ਵੱਧ ਤਰਜੀਹ ਦਿੱਤੀ ਗਈ ਹੈ, ਜਿਸ ਵਿੱਚ 46 ਲੱਖ ਤੋਂ ਵੱਧ ਕਿਸਾਨ ਰਜਿਸਟਰਡ ਹਨ। ਇਸ ਐਪ ਨੇ ਐੱਮਐੱਸਪੀ ਖ਼ਰੀਦ ਨੂੰ ਇੱਕ ਪਾਰਦਰਸ਼ੀ, ਕਾਗਜ਼ ਰਹਿਤ ਅਤੇ ਕਿਸਾਨ-ਕੇਂਦ੍ਰਿਤ ਪ੍ਰਣਾਲੀ ਵਿੱਚ ਬਦਲ ਦਿੱਤਾ ਹੈ, ਜਿਸ ਨਾਲ ਰਜਿਸਟ੍ਰੇਸ਼ਨ ਅਤੇ ਖ਼ਰੀਦ ਤੋਂ ਲੈ ਕੇ ਬਿੱਲ ਨਿਰਮਾਣ ਅਤੇ ਭੁਗਤਾਨ ਤੱਕ ਹਰ ਪੜਾਅ ਵਿੱਚ ਸਵੈ-ਰਜਿਸਟ੍ਰੇਸ਼ਨ, ਐਡਵਾਂਸ ਬੁਕਿੰਗ, ਆਧਾਰ-ਨਾਲ ਜੁੜੇ ਭੁਗਤਾਨ ਅਤੇ ਅਸਲ ਸਮੇਂ ਵਿੱਚ ਐੱਸਐੱਮਐੱਸ ਚੇਤਾਵਨੀਆਂ ਦੀ ਸਹੂਲਤ ਮਿਲਦੀ ਹੈ।

ਹਰੇਕ ਖੇਤੀਬਾੜੀ ਅਤੇ ਕਿਸਾਨ ਕੇਂਦਰ (ਏਪੀਐੱਮਸੀ) ਵਿਖੇ ਸਥਾਨਕ ਨਿਗਰਾਨੀ ਕਮੇਟੀਆਂ (ਐੱਲਐੱਮਸੀ) ਰਾਹੀਂ ਖ਼ਰੀਦ ਕਾਰਜਾਂ ਦੀ ਨਿਗਰਾਨੀ ਕੀਤੀ ਜਾ ਰਹੀ ਹੈ ਅਤੇ ਤੁਰੰਤ ਸ਼ਿਕਾਇਤ ਨਿਵਾਰਣ ਲਈ ਸਮਰਪਿਤ ਹੈਲਪਲਾਈਨਾਂ ਅਤੇ ਵਟਸਐਪ ਨੰਬਰ ਵੀ ਮੁਹੱਈਆ ਕਰਵਾਏ ਗਏ ਸਨ। ਪ੍ਰਿੰਟ, ਰੇਡੀਓ, ਸੋਸ਼ਲ ਮੀਡੀਆ ਅਤੇ ਸਥਾਨਕ ਭਾਸ਼ਾਵਾਂ ਰਾਹੀਂ ਚਲਾਈਆਂ ਗਈਆਂ ਵਿਆਪਕ ਜਾਗਰੂਕਤਾ ਮੁਹਿੰਮਾਂ ਨੇ ਕਿਸਾਨਾਂ ਦੀ ਸੂਚਿਤ ਅਤੇ ਸਮਾਵੇਸ਼ੀ ਭਾਗੀਦਾਰੀ ਨੂੰ ਯਕੀਨੀ ਬਣਾਇਆ ਹੈ ।

ਡਿਜੀਟਲ ਪਰਿਵਰਤਨ ਅਤੇ ਪਤਾ ਲਗਾਉਣ ਦੀ ਸਮਰੱਥਾ

ਸੀਸੀਆਈ ਨੇ ਆਪਣੇ ਬਲਾਕਚੇਨ-ਅਧਾਰਤ ਬੇਲ ਆਈਡੈਂਟੀਫਿਕੇਸ਼ਨ ਐਂਡ ਟਰੇਸੇਬਿਲਟੀ ਸਿਸਟਮ (ਬੀਆਈਟੀਐੱਸ) ਰਾਹੀਂ ਕਪਾਹ ਦੀਆਂ ਗਠੜੀਆਂ ਦੀ 100% ਟਰੇਸੇਬਿਲਟੀ ਪ੍ਰਾਪਤ ਕੀਤੀ ਹੈ, ਜਿਸ ਨਾਲ ਕਿਊਆਰ ਕੋਡ ਦੀ ਵਰਤੋਂ ਕਰਕੇ ਖ਼ਰੀਦਦਾਰੀ ਤੋਂ ਲੈ ਕੇ ਪ੍ਰਕਿਰਿਆ ਤੱਕ ਪੂਰੀ ਟਰੈਕਿੰਗ ਨੂੰ ਸਮਰੱਥ ਬਣਾਉਂਦਾ ਹੈ।

ਖ਼ਰੀਦਦਾਰਾਂ ਲਈ ਸੀਸੀਆਈ ਨੇ ਆਪਣੇ ਔਨਲਾਈਨ ਕਪਾਹ ਬੀਜ ਅਤੇ ਗਠੜੀਆਂ ਦੀ ਬਿਲਿੰਗ ਪ੍ਰਣਾਲੀ, ਕਾਟਬੀਜ ਰਾਹੀਂ ਕਾਰੋਬਾਰ ਕਰਨ ਦੀ ਸੌਖ ਨੂੰ ਵਧਾ ਦਿੱਤਾ ਹੈ। ਕਾਟਬੀਜ ਰੀਅਲ-ਟਾਈਮ ਡੈਸ਼ਬੋਰਡ, ਡਿਜੀਟਲ ਇਕਰਾਰਨਾਮੇ, ਚਲਾਨ ਅਤੇ ਗੇਟ ਪਾਸ ਰਾਹੀਂ ਸਮਰਥਿਤ, ਸਿੱਧੀ ਅਤੇ ਕਾਗਜ਼ ਰਹਿਤ ਈ-ਨਿਲਾਮੀ ਦੀ ਸਹੂਲਤ ਮੁਹੱਈਆ ਕਰਦਾ ਹੈ, ਜੋ ਸੀਸੀਆਈ ਦੇ ਈਆਰਪੀ ਸਿਸਟਮ ਨਾਲ ਪੂਰੀ ਤਰ੍ਹਾਂ ਏਕੀਕ੍ਰਿਤ ਹੈ।

************

ਐਂਮਏਐਂਮ/ਵੀਐਂਨ

(रिलीज़ आईडी: 2217252) आगंतुक पटल : 9