ٹیکنالوجی ڈیولپمنٹ بورڈ (ٹی ڈی بی) ، محکمۂ سائنس و ٹیکنالوجی(ڈی ایس ٹی)، حکومتِ ہند نے بنگلورو کی کمپنی میسرز نوپو نینو ٹیکنالوجیز انڈیا پرائیویٹ لمیٹڈ کے ساتھ ایک معاہدہ کیا ہے، تاکہ “14 ایف فزیبلٹی اسٹڈی: سوڈیم-آئن بیٹریوں میں ایچ آئی پی سی او سنگل والڈ کاربن نینو ٹیوبز (ایس ڈبلیو سی این ٹی) کے انضمام کی فزیبلٹی اسٹڈی” کے عنوان سے منصوبے کی معاونت کی جا سکے۔یہ منصوبہ انڈیا–اسرائیل انڈسٹریل آر اینڈ ڈی اور ٹیکنالوجیکل انوویشن فنڈ (14ایف) کال کے تحت معاونت یافتہ ہے، جس کا مقصد تجارتی اہمیت کے حامل زیادہ  اثر انگیز صنعتی تحقیقی منصوبوں کو فروغ دینا ہے۔

  

 

معاونت یافتہ منصوبہ ہائی پریشر کاربن مونو آکسائیڈ(ایچ آئی پی سی او) ®سنگل والڈ کاربن نینو ٹیوبز (ایس ڈبلیو سی این ٹیز) کو سوڈیم-آئن بیٹری نظام میں شامل کرنے کی فزیبلٹی جانچنے پر مرکوز ہے، تاکہ الیکٹروکیمیکل کارکردگی میں بہتری لائی جا سکے۔ سوڈیم-آئن بیٹریوں کو لیتھیم پر مبنی نظاموں کے ایک اسٹریٹجک متبادل کے طور پر تیزی سے تسلیم کیا جا رہا ہے کیونکہ سوڈیم وافر مقدار میں دستیاب ہے، ماحولیاتی اثرات کم ہیں اور یہ بڑے پیمانے پر توانائی ذخیرہ کرنے کی ایپلی کیشنز کے لیے موزوں ہے۔

یہ فزیبلٹی اسٹڈی نوپو کی ملکیتی ایچ آئی پی سی او ایس ڈبلیو سی این ٹیز کو شامل کرتے ہوئے سوڈیم-آئن بیٹری کے ایک پروف آف کانسیپٹ پروٹوٹائپ کی تیاری اور جانچ پر مشتمل ہوگی۔ اس مطالعے میں کارکردگی میں ہونے والی بہتری کا موازنہ تجارتی طور پر دستیاب ایس ڈبلیو سی این ٹیز کے ساتھ کیا جائے گا، جس میں توانائی کی کثافت، برقی ترسیل، سائیکل لائف، ریورسبل کیپیسٹی، ریٹ کیپیبلٹی اور زنگ سے مزاحمت جیسے اہم اشاریوں پر خصوصی توجہ دی جائے گی۔

نوپو نینو ٹیکنالوجیز انڈیا پرائیویٹ لمیٹڈ بنگلورو میں قائم ایک نینو مٹیریلز کمپنی ہے، جو اپنے پیٹنٹ شدہ(ایچ آئی پی سی او) ® عمل کے ذریعے اعلیٰ خالصتاً سنگل والڈ کاربن نینو ٹیوبز(ایس ڈبلیو سی این ٹیز) کی صنعتی سطح پر پیداوار میں مہارت رکھتی ہے۔ یہ کمپنی 2011 سے  ایس ڈبلیو سی این ٹیز پر تحقیق اور ان کے عملی استعمال کی ترقی میں سرگرم عمل ہے اور توانائی ذخیرہ، الیکٹرانکس، سیمی کنڈکٹرز، صحت اور جدید مٹیریلز سمیت مختلف شعبوں میں اپنی سپلائی روابط قائم کر چکی ہے۔

توقع ہے کہ یہ منصوبہ ایس ڈبلیو سی این ٹی سے تقویت یافتہ سوڈیم-آئن بیٹریوں کی صلاحیت کو ظاہر کرے گا، جو تیز رفتار چارجنگ، طویل سائیکل لائف، بہتر حفاظتی خصوصیات، اور زیادہ پائیداری فراہم کر سکتی ہیں۔ اس فزیبلٹی اسٹڈی کے نتائج کارکردگی کے معیارات متعین کرنے میں مدد دیں گے اور بھارت کی صاف توانائی اور گرڈ اسٹوریج کی ضروریات کے مطابق سوڈیم-آئن بیٹری ٹیکنالوجیز کی مستقبل میں توسیع اور تجارتی استعمال کی راہ ہموار کریں گے۔

اس موقع پر  جناب راجیش کمار پاٹھک،سکریٹری، ٹی ڈی بی نے اظہارِ خیال کرتے ہوئے کہا:“جدید مٹیریلز اگلی نسل کے توانائی ذخیرہ کرنے والے نظاموں میں نہایت اہم کردار ادا کرتے ہیں۔ اس منصوبے کے ذریعے، ٹی ڈی بی مقامی نینو مٹیریل ٹیکنالوجیز کی جانچ کی معاونت کر رہا ہے، جو بھارت کی پائیدار بیٹری ٹیکنالوجیز میں صلاحیتوں کو مضبوط بنا سکتی ہیں اور درآمد شدہ اہم مٹیریلز پر انحصار کم کر سکتی ہیں۔”

نوپو نینو ٹیکنالوجیز انڈیا پرائیویٹ لمیٹڈ کے نمائندوں نے کہا:‘‘ 14 ایف کال کے تحت ٹی ڈی بی کی معاونت ہمیں سوڈیم-آئن بیٹریوں میں اعلیٰ خالص ایس ڈبلیو سی این ٹیز کے کردار کی منظم انداز میں توثیق کرنے کے قابل بناتی ہے۔ یہ مطالعہ اہم کارکردگی سے متعلق ڈیٹا فراہم کرے گا، جو بھارت اور عالمی بازاروں کے لیے قابلِ توسیع اور پائیدار توانائی ذخیرہ کرنے کے حل کی ترقی کو تیز کر سکتا ہے۔’’

*******

 ش ح۔ ع ح۔ ج ا

U.No. 916

(ریلیز آئی ڈی: 2217226) وزیٹر کاؤنٹر : 18