حکومت ہند کی وزارت ماہی گیری ، مویشی پروری اور ڈیری  کا محکمہ مویشی پروری اور ڈیری (ڈی اے ایچ ڈی) مویشیوں کے اعدادوشمار کی بہتری کے لیے  22 اور 23 جنوری 2026 کو آندھرا پردیش  کے وجے واڑہ میں تکنیکی رہنمائی کمیٹی (ٹی سی ڈی) کے سالانہ اجلاس  کا انعقاد کر رہا ہے ۔

ٹی سی ڈی ایک اہم تکنیکی ادارہ ہے جو مربوط سیمپل سروے (آئی ایس ایس) اسکیم کے طریقہ کار اور نفاذ کی رہنمائی کرتا ہے ، جو ملک میں مویشیوں کی اہم  مصنوعات جیسے دودھ ، انڈے ، اون اور گوشت کی پیداوار کا تخمینہ لگانے کا بنیادی ذریعہ ہے ۔  اس میٹنگ کا مقصد پیش رفت کا جائزہ لینا ، چیلنجوں سے نمٹنا اور ہندوستان میں مویشیوں کے مضبوط اور قابل اعتماد اعدادوشمار کے لیے مستقبل کا خاکہ تیار کرنا ہے ۔

اس میٹنگ کا افتتاح 22 جنوری 2026 کو صبح 10:00 بجے حکومت آندھرا پردیش  کے مویشی پروری ، ڈیری کی ترقی اور ماہی پروری کے وزیر جناب کے اچّنّائیڈو گارو کے ذریعے کیا جائے گا ۔  افتتاحی تقریب میں صحت اور خاندانی بہبود کی وزارت کے ڈائریکٹر جنرل (شماریات) اور ٹی سی ڈی کے چیئرمین جناب کال سنگھ ، حکومت آندھرا پردیش کے افسر از روئے عہدہ خصوصی چیف سکریٹری جناب بی راج شیکھر ، آئی اے ایس اور محکمہ مویشی پروری اور ڈیری کے مشیر جناب جگت ہزاریکا جیسی نامور شخصیات بھی  خطاب کریں گے ۔اس کے ساتھ ہی ، ایم او ایس پی آئی ، ڈی اے اینڈ ایف ڈبلیو ، آر بی آئی ، ایف اے او اور ریاستوں/مرکز کے زیر انتظام علاقوں جیسے مختلف اداروں کے عہدیدار اور نمائندے اس تقریب میں شرکت کریں گے ۔

دو روزہ اجلاس کے مرکزی ایجنڈے میں گزشتہ ٹی سی ڈی سیشن کی رپورٹ پر کی گئی کاروائی کا جائزہ لینا ، اگلے سال کے لیے نئے اہداف طے کرنا  اور مربوط  سیمپل سروے (آئی ایس ایس)-اس کی حیثیت ، کامیابیوں اور مستقبل کے راستے کا جائزہ لینا شامل ہے ۔  اجلاس  میں ریاستوں کی جانب سے آئی ایس ایس ڈیٹا جمع کرنے  میں مثالی طریقوں کی نمائش کے ساتھ ساتھ ریزرو بینک آف انڈیا ، شماریات اور پروگرام کے نفاذ کی وزارت (ایم او ایس پی آئی) کی جانب سے پریزنٹیشنز اور فوڈ اینڈ ایگریکلچر آرگنائزیشن (ایف اے او) کی جانب سے ایک پریزنٹیشن پیش کی جائے گی ۔

اجلاس  کا مقصد شراکت داری  کو مضبوط کرنا ، مویشیوں کے اعدادوشمار کو بہتر بنانا  اور مویشی پروری اور ڈیری میں پالیسی سازی کی حمایت کرنا ہے ۔

********

(ش ح ۔م ش ۔ خ م(

U. No. 884

(रिलीज़ आईडी: 2217011) आगंतुक पटल : 9