انٹرنیشنل بدھ کنفیڈریشن(آئی بی سی) حکومتِ ہند کے محکمۂ ثقافت کے اشتراک سے دوسرا عالمی بدھ مت سمٹ(جی بی ایس)24 اور 25 جنوری 2026 کو بھارت منڈپم، نئی دہلی میں منعقد کرے گی۔

جدید دنیا میں تیز رفتار سماجی، سیاسی اور ماحولیاتی تبدیلیاں رونما ہو رہی ہیں، جس کے نتیجے میں تصادم، الگ تھلگ رہنے اور غیر یقینی صورتحال پیدا ہو رہی ہے۔ اس پس منظر میں بدھا دھماّ کے لازوال اصول، جو ہمدردی، حکمت اور ہم آہنگی پر مبنی ہیں، جدید عالمی چیلنجز سے نمٹنے کے لیے قیمتی رہنمائی فراہم کرتے ہیں۔ اجتماعی حکمت، متحدہ آواز اور باہمی بقائے باہم کے اصول امن، مشترکہ خوشحالی اور انسانی تعلقات کی گہرائی کو فروغ دینے کے لیے نہایت اہمیت کے حامل ہیں۔

ان بنیادی بصیرتوں کی روشنی میں، دوسرا عالمی بدھ مت سمٹ موضوع “اجتماعی حکمت، متحدہ آواز اور باہمی بقائے باہم” کے تحت منعقد کیا جائے گا۔ اس  موضوع کا مقصد سماجی ہم آہنگی کو فروغ دینا اور تعمیری بین الاقوامی روابط کی ترویج میں بدھ مت فلسفے کی اہمیت کو اجاگر کرنا ہے۔

آئی بی سی کے نعرے “اجتماعی حکمت، متحدہ آواز” کے عین مطابق، اس سمٹ کو ایک عالمی پلیٹ فارم کے طور پر تصور کیا گیا ہے جو تنظیم کی اتحاد، مکالمہ اور اجتماعی حکمت کے تئیں مستقل وابستگی کی عکاسی کرتا ہے۔ جیسا کہ 2023 میں منعقدہ پہلے ایڈیشن میں ہوا تھا، توقع ہے کہ وزیراعظم جناب نریندر مودی اس سمٹ کا افتتاح بطورِ مہمانِ خصوصی کریں گے۔

اس سمٹ میں دنیا بھر سے تقریباً 200 مندوبین شریک ہوں گے، جن میں سپریم پیٹریارکس، قومی بدھ سنگھ کے سربراہان، معروف راہب، علماء اور اعلیٰ شخصیات شامل ہیں، جبکہ مجموعی طور پر 800 سے زائد شرکاء اس تقریب میں شرکت کریں گے۔

دوسرا عالمی بدھ مت سمٹ ریاستی رہنماؤں، سنگھ کے اراکین، دھماّ  کے پیروکاروں اور بدھ مت کے علماء کو ایک پلیٹ فارم پر لائے گا تاکہ وہ آج کی انسانی نسل کو درپیش اہم ترین چیلنجز پر بدھ مت کے جوابات پر غور و خوض کریں۔ اجلاس میں یہ موضوعات زیر بحث آئیں گے کہ کس طرح بدھا دھماّ کے بنیادی اصول تیز رفتار ٹیکنالوجی کی ترقی، صارفیت اور ماحولیاتی نقصان کے دور میں اخلاقی قیادت، سماجی ہم آہنگی اور پائیدار طرزِ زندگی کو فروغ دینے کے لیے رہنمائی فراہم کر سکتے ہیں۔

تقریب کی تفصیلات

 موضوع: اجتماعی حکمت، متحدہ آواز اور باہمی بقائے باہم

• تاریخیں: 24–25 جنوری 2026
• مقام: بھارت منڈپم، نئی دہلی – 110001

اہم پینلسٹ اور مقررین میں شامل ہیں:

• عزت مآب  مارِس سانگیامپونگسا، سابق وزیرخارجہ، تھائی لینڈ
• معزز تھِچ ڈک تھئین، پدم شری، رکن قومی اسمبلی ویتنام اور نائب صدر و جنرل سکریٹری، ویتنام بدھ سنگھ
• عزت مآب گیئلترل جگمے رِنپوچے، صدر، رِگن تھُپٹن منڈرولنگ خانقاہ، بھارت
• عزت مآب ڈزونگسر جم یانگ کھینتسے رِنپوچے، بانی، سدھارتھا انٹینٹ، بھوٹان
• معزز اشین کمارا، پرو ریکٹر، سِتاگو انٹرنیشنل بدھسٹ اکیڈمی، میانمار
• پروفیسر ڈاکٹر سوبَرنا لال بجراچاریہ، وائس چانسلر، لمبینی بدھ یونیورسٹی، نیپال
• ریو. کوشو تومیوکا، ڈائریکٹر، جاپان بدھسٹ فیڈریشن، جاپان
• ماسٹر شیہ جیان-ین، سکریٹری جنرل ، بدھسٹ ایسوسی ایشن آف تائیوان
• وین. انند بھانتے، جنرل سکریٹری، مہابو دھی سوسائٹی، بنگلورو، بھارت
• پروفیسر رابرٹ تھرمن، پدم شری ایوارڈ یافتہ اور معروف بدھسٹ اسکالر، امریکہ
• اور کئی دیگر معزز شرکاء

یہ سمٹ عالمی سطح کے بدھ مت رہنماؤں، اسکالرز اور نمائندگان کے لیے ایک اہم پلیٹ فارم فراہم کرے گا۔

موضوعاتی نشستیں

بحث و مباحثے درج ذیل پانچ موضوعاتی شعبوں کے تحت منعقد کیے جائیں گے:

1. اجتماعی حکمت اور متحدہ آواز برائے سماجی ہم آہنگی

2. بدھا دھماّ میں انٹرپرینیورشپ اور صحیح روزی کمانے کے طریقے

3. بدھا دھماّ میں سائنسی تحقیق، صحت کی دیکھ بھال، طب اور پائیدار طرزِ زندگی

4. بدھا دھماّ کی روشنی میں تعلیم و علم

5. سنگھ کے ڈائنامکس: بدھا دھماّ میں کردار، رسومات اور عمل

نمائشیں اور خصوصی جھلکیاں

سمٹ میں پیش کی جانے والی متعدد نمائشیں  اور خصوصی جھلکیاں ، جن میں شامل ہیں:

• مقدس آثار اور جدید بھارت میں ثقافتی مشغولیت
• وراثت سے وِشو: بھارت کی بدھا دھماّ کی عالمی رسائی

اس تقریب کی ایک خاص جھلک  این او آر بی یو(نیورل آپریٹر برائے ذمہ دار بدھ مت فہم) کا لائیو ڈیمو ہوگا — یہ ایک زبان سیکھنے والا ماڈل ہے جو  چیٹ جی پی ٹی الگوریتھم پر مبنی ہے۔ وسیع بدھ مت متنی ڈیٹا پر تربیت یافتہ، این او آر بی یو متعدد زبانوں میں بدھ مت تعلیمات کے مطابق سیاق و سباق سے متعلقہ جوابات دینے کے لیے تیار کیا گیا ہے۔ آئی بی سی نے این او آر بی یو کو اپنا عالمی سرپرست تسلیم کیا اور اسے “کلیان مترا” (روحانی دوست) کا نام دیا، جو نوجوانوں کو بدھ مت کی حکمت سے جوڑنے میں تنظیم کی وابستگی کی عکاسی کرتا ہے۔

پہلے عالمی بدھ مت سمٹ کے بارے میں:

پہلا عالمی بدھ مت سمٹ 2023 میں منعقد ہوا تھا، جس نے عالمی بدھ مت کمیونٹی کو ایک پلیٹ فارم فراہم کیا تاکہ وہ بدھ مت فلسفے کی روشنی میں عالمی چیلنجز، سماجی ہم آہنگی اور بین الاقوامی تعلقات پر تبادلۂ خیال کریں۔ اس سمٹ نے عالمی سطح پر بدھ مت کی تعلیمات اور عالمی مکالمے کو فروغ دینے میں اہم کردار ادا کیا۔

انٹرنیشنل بدھسٹ کنفیڈریشن(آئی بی سی) کے بارے میں

انٹرنیشنل بدھسٹ کنفیڈریشن(آئی بی سی) ایک عالمی بدھ مت امبریلا تنظیم ہے جس کا مرکزی دفتر نئی دہلی میں واقع ہے اور یہ حکومت ہند کے محکمۂ ثقافت کے تحت کام کرتی ہے۔ یہ ادارہ 2011 میں اعلیٰ بدھ مذہبی قیادت کی سرپرستی میں قائم کیا گیا تھا اور اس کے عالمی سطح پر 300 سے زائد راہب اور عام افراد کی تنظیموں کے رکن ہیں۔ “اجتماعی حکمت، متحدہ آواز” کے نعرے کے تحت، آئی بی سی کا مقصد بدھ مت اقدار کو عالمی مکالمے میں ضم کرنا، شفافیت، شمولیت اور روایات، جنس اور ابھرتی ہوئی بدھ مت کمیونٹیوں میں متوازن نمائندگی کو فروغ دینا ہے۔

 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔  ش ت۔ع ن)

U. No. 754

(ریلیز آئی ڈی: 2216004) وزیٹر کاؤنٹر : 33