قابل تجدید توانائی کی رکاوٹ سے نمٹنے اور گرڈ استحکام کو برقرار رکھنے کے لیے، حکومت ہند نے بیٹری انرجی اسٹوریج سسٹم (بی ای ایس ایس) اور پمپڈ اسٹوریج پروجیکٹس (پی ایس پیز) سمیت توانائی ذخیرہ کرنے والی ٹیکنالوجیز کی ترقی اور تنصیب کو فروغ دینے کے لیے مربوط پالیسی، ریگولیٹری، ڈیمانڈ سائیڈ اور سپلائی سائیڈ اقدامات کا ایک سلسلہ شروع کیا ہے۔   کئے گئے اقدامات کی تفصیلات ذیل میں تفصیل سے دی گئی ہیں۔

حکومت ہندوستان کی توانائی کی منتقلی کی حکمت عملی کے حصے کے طور پر قابل تجدید توانائی کی زیادہ رسائی والے ممالک سے عالمی بہترین طریقوں کو بروئے کار لا رہی ہے۔   بین الاقوامی تجربہ یہ ظاہر کرتا ہے کہ پمپڈ ہائیڈرو اسٹوریج اور بی ای ایس ایس اور جدید گرڈ مینجمنٹ سسٹم قابل تجدید توانائی کی تغیر پذیری اور وقفے وقفے کے انتظام میں اہم کردار ادا کرتے ہیں۔   ان طریقوں کے مطابق ، ہندوستان میں توانائی ذخیرہ کرنے کے نظام کو فریکوئنسی کنٹرول، وولٹیج ریگولیشن ، پیک شفٹنگ ، رکاوٹ کابندوبست اور مختلف ٹائم اسکیلز میں بلیک اسٹارٹ سپورٹ جیسی ذیلی گرڈ خدمات فراہم کرنے کے لیے نصب کیا جا رہا ہے۔

اس کے مطابق، مرکزی بجلی ریگولیٹری کمیشن (معاون خدمات) ضابطے، 2022 کے تحت، توانائی ذخیرہ کرنے کے نظام کو ثانوی ریزرو معاون خدمات اور ترتیری ریزرو معاون خدمات فراہم کرنے کے اہل بنایا گیا ہے، جو مخصوص شرائط کے تابع ہیں، اس طرح حقیقی وقت کے گرڈ استحکام اور قابل اعتماد نظام آپریشن کی حمایت کرتے ہیں۔  قابل تجدید وسائل کی نگرانی ، پیشن گوئی اور شیڈولنگ کے لیے قابل تجدید توانائی کے انتظام کے مراکز (آر ای ایم سی) قائم کیے گئے ہیں۔ قابل تجدید توانائی کی تغیر پذیری کو سنبھالنے کے لیے سپلائی اور مانگ کو متوازن کرنے کے لیے آٹومیٹک جنریشن کنٹرول (اے جی سی) کا استعمال کیا جا رہا ہے۔

حکومت نے آنے والے برسوں میں توانائی ذخیرہ کرنے کی صلاحیت کے بڑے پیمانے پر نصب کئے جانے کی رہنمائی کے لیے ایک منصوبہ بندی کا فریم ورک بنایا ہے۔   مرکزی بجلی اتھارٹی (سی ای اے) نے قابل تجدید توانائی کے قابل بھروسہ انضمام کو آسان بنانے کے لیے 2029-30 تک تقریبا 336 جی ڈبلیو ایچ اور 2031-32 تک تقریبا 411 جی ڈبلیو ایچ توانائی ذخیرہ کرنے کی صلاحیت کی ضرورت کا تخمینہ لگایا ہے۔   مزید برآں 28.06.2023 کو وسائل سے بھرپور منصوبوں (آر اے پی) کی تیاری کے لیے رہنما خطوط جاری کیے گئے تھے، جن میں توانائی ذخیرہ کرنے کے نظام کو بجلی کے شعبے کی منصوبہ بندی کے ایک اہم عنصر کے طور پر شامل کیا گیا ہے۔   یہ رہنما خطوط اس بات کو یقینی بنانے کے لیے ایک طریقہ کار قائم کرتے ہیں کہ متوقع سب سے زیادہ مانگ کو قابل اعتماد طریقے سے پورا کرنے اور گرڈ کے استحکام کو برقرار رکھنے کے لیے مناسب پیداوار، ذخیرہ کرنے اور مانگ کے مطابق وسائل دستیاب ہوں ۔   نیشنل الیکٹرسٹی پلان اور ریسورس ایڈوکیسی فریم ورک مل کر توانائی ذخیرہ کرنے کی صلاحیت کو بڑھانے ، نظام کو بہتر بنانے اور ہندوستان کی توانائی کی منتقلی کو قابل بنانے کے لیے ایک روڈ میپ فراہم کرتے ہیں۔

1. پالیسی اور انضباطی اقدامات

1. بجلی کے ضوابط میں دسمبر 2022 میں ترمیم کی گئی تھی تاکہ توانائی ذخیرہ کرنے کے نظام (ای ایس ایس) کو بجلی کے نظام کے ایک لازمی حصے کے طور پر واضح طور پر تسلیم کیا جا سکے، جس سے پیداوار ، ترسیل اور تقسیم کے کاموں میں ان کی شرکت کو قابل بنایا جا سکے۔

2. اکتوبر 2022 میں ، ای ایس ایس کو وزارت خزانہ کی بنیادی ڈھانچے کی ہم آہنگ ماسٹر لسٹ میں شامل کیا گیا ، جس سے طویل مدت اور کم لاگت والی مالی مدد تک رسائی میں آسانی ہوئی۔

3. جون 2023 میں ، حکومت نے ریاستی یوٹیلیٹیز کے ذریعہ وسائل کے مناسب منصوبوں کی تیاری کے لیے رہنما خطوط جاری کیے ، جس کے تحت توانائی کے ذخیرے کو سب سے زیادہ مانگ کو پورا کرنے اور نظام کوبہتر بنانے کویقینی بنانے کے لیے ایک اہم منصوبہ بندی کے وسائل کے طور پر شامل کیا گیا ہے۔

4. توانائی ذخیرہ کرنے کے نظام کے فروغ کے لیے ایک قومی فریم ورک ستمبر 2023 میں جاری کیا گیا تھا ، جو اسٹوریج ٹیکنالوجیز کی تنصیب، مارکیٹ انضمام اور انضباطی سہولت کے لیے ایک جامع روڈ میپ فراہم کرتا ہے۔

5. بی ای ایس ایس تنصیبات کی حفاظت اور بھروسے کو بڑھانے اور ڈیزائن اور تعمیراتی طریقوں کو معیاری بنانے کے لیے ، ڈرافٹ سی ای اے (سیفٹی اور الیکٹرک سپلائی سے متعلق اقدامات) (پہلی ترمیم) ریگولیشنز ، 2025 اور بی ای ایس ایس ریگولیشنز ، 2025 کی تعمیر کے لیے تکنیکی معیارات کا مسودہ جاری کیا گیا ہے۔

II. ڈیمانڈ سائیڈ ان ایبلرز اور مارکیٹ ڈویلپمنٹ اقدامات

6. پروجیکٹ کی عملداری کو بہتر بنانے کے لیے جون 2028 تک مشترکہ طور پر قائم بی ای ایس ایس پروجیکٹوں اور پی ایس پیز کے لیے بین ریاستی ٹرانسمیشن سسٹم (آئی ایس ٹی ایس) چارجز کی چھوٹ فراہم کی گئی ہے (ابتدائی چھوٹ نومبر 2021 میں نوٹیفائی کی گئی تھی)

7. جنوری 2022 میں ، سی ای آر سی نے اسٹوریج پر مبنی وسائل کو ثانوی اور ترتیری ذخائر سمیت ذیلی خدمات فراہم کرنے کی اجازت دی ، جس سے ای ایس ایس روایتی جنریٹرز کے ساتھ ساتھ ریئل ٹائم گرڈ بیلنسنگ میں مدد کر سکے۔

8. ڈسٹری بیوشن لائسنسوں کے ذریعے بی ای ایس ایس کی خریداری کے لیے ٹیرف پر مبنی مسابقتی بولی (ٹی بی سی بی) کے رہنما خطوط کو مارچ 2022 میں نوٹیفائی کیا گیا تھا ، جس سے بڑے پیمانے پر اسٹوریج کی خریداری کے لیے ایک شفاف طریقہ کار تشکیل دیا گیا تھا۔

9. بجلی (صارفین کے حقوق) ضابطے ، 2020 کے تحت ، جس میں دسمبر 2022 میں ترمیم کی گئی تھی ، ڈیزل جنریٹر سیٹ استعمال کرنے والے صارفین کو ریاستی کمیشنوں کی طرف سے مقرر کردہ ٹائم لائن کے اندر توانائی ذخیرہ کرنے سمیت کلینر بیک اپ حل کی طرف منتقل ہونا لازمی قرار دیا گیا ہے۔

10. بی ای ایس ایس سے فراہم کی جانے والی بجلی کو مارچ 2023 میں شروع کی گئی ہائی پرائس ڈے-ہیڈ مارکیٹ میں حصہ لینے کی اجازت دی گئی ہے ، جس سے اسٹوریج گیس پر مبنی پیداوار کی طرح سب سے زیادہ قیمت کے اشاروں کا جواب دے سکتا ہے۔

11. حکومت ابتدائی مرحلے کی تنصیب میں تیزی لانے کے لیے مارچ 2024 اور جون 2025 میں شروع کیے گئے تقریبا 43 جی ڈبلیو ایچ بیٹری انرجی اسٹوریج سسٹم کی ترقی میں مدد کے لیے دو وائبلٹی گیپ فنڈنگ (وی جی ایف) اسکیمیں نافذ کر رہی ہے۔

III. سپلائی سائیڈ اور مینوفیکچرنگ پر مرکوز اقدامات

12. بھاری صنعتوں کی وزارت 50 جی ڈبلیو ایچ ایڈوانسڈ کیمسٹری سیل مینوفیکچرنگ صلاحیت کے قیام کے لیے 18,100 کروڑ روپے کے اخراجات کے ساتھ پیداوار سے منسلک ترغیبی (پی ایل آئی) اسکیم نافذ کر رہی ہے ، جس میں سے 10 جی ڈبلیو ایچ گرڈ اسکیل اسٹوریج (جون 2021) کے لیے مختص ہے۔

13. پمپڈ اسٹوریج پروجیکٹوں کے لیے ، بنیادی ڈھانچے کو فعال کرنے کے لیے گرانٹ پہلے 200 میگاواٹ کے لیے فی میگاواٹ 1 کروڑ روپے اور اس کے بعد (ستمبر 2023) فی میگاواٹ 0.75 کروڑ روپے کی شرح سے فراہم کی جاتی ہے ۔

14. سی ای آر سی نے غیر شمسی اوقات کے دوران علیحدہ گرڈ کنیکٹوٹی کی اجازت دی ہے، جو موجودہ سب اسٹیشنوں پر اضافی قابل تجدید صلاحیت کو قابل بناتا ہے اور اسٹوریج پر مبنی بجلی کو شام اور رات کے اوقات (ستمبر 2025) میں منتقل کرنے میں سہولت فراہم کرتا ہے۔

15. پروجیکٹ کی ترقی میں تیزی لانے کے لیے بند لوپ ، آف اسٹریم پمپڈ اسٹوریج پروجیکٹوں کے لیے مرکزی بجلی اتھارٹی کی قانونی رضامندی کو ختم کر دیا گیا ہے (اگست 2025)

16. ستمبر 2025 میں بجلی کے ضوابط میں ترمیم کے ذریعے، توانائی ذخیرہ کرنے کے نظام کو صارفین کے ذریعہ تیار کرنے ، مالکانہ حق ، لیز پر دینے یا چلانے کی اجازت دی گئی ہے ، جس سے مالکانہ حق اور کاروباری ماڈلز کی حد میں توسیع ہوئی ہے۔

17. فروری 2025 میں ، سی ای اے نے شمسی توانائی کے منصوبوں کے ساتھ ای ایس ایس کے مشترکہ مقام پر ایک ایڈوائزری جاری کی ، جس میں شمسی توانائی کی ترسیل کو بہتر بنانے کے لئے کم از کم دو گھنٹے کی مدت کے لئے نصب شمسی صلاحیت کے کم از کم 10فیصد کی اسٹوریج کی صلاحیت کی سفارش کی گئی ہے۔

یہ معلومات بجلی کے وزیر مملکت جناب شری پد یسو نائک نے آج لوک سبھا میں ایک تحریری جواب میں دی۔

******

( ش ح ۔ اع خ ۔ م ا )

Urdu.No-580

(रिलीज़ आईडी: 2214556) आगंतुक पटल : 6