11 جنوری 2026 کو عالمی کتاب میلے  2026 میں ادبی پروگراموں کے ایک حصے کے طور پر ساہتیہ اکیڈمی نے نئی دہلی کے بھارت منڈپم کےہال نمبر 2 میں  روبرو پروگرام کا انعقاد کیا ۔

روبرو پروگرام میں ممتاز بوڈو مصنفہ اور ساہتیہ اکیڈمی ایوارڈ یافتہ محترمہ رشمی چودھری اور نامور ڈوگری مصنف اور ساہتیہ اکیڈمی ایوارڈ یافتہ جناب موہن سنگھ شامل تھے ۔

اپنے ادبی سفر کا اشتراک کرتے ہوئے جناب موہن سنگھ نے کہا کہ انہوں نے ڈوگری ادب کے ماہرین کی قریب سے پیروی کرتے ہوئے لکھنا شروع کیا ۔  انہوں نے کہا کہ مصنف ہونے کا مطلب تحریر کے ذریعے روزی کمانا نہیں ہے ، بلکہ اپنی کمائی لکھنے پر خرچ کرنا ہے ۔  انہوں نے اپنے نکڑ ناٹکوں کے بارے میں بات کی اور اپنی کئی نظیں پڑھ کر بھی سنائیں،جن میں گھیرا ، شراپ ، ما ں کے مارنے پر ، پوتیان ، الزم ، ساتھ نا چھوڈ دینا ، اور پیڑ اور آدمی شامل ہیں ۔

محترمہ رشمی چودھری نے بتایا کہ انہوں نے اپنے ساتھ پیش آئے ایک ذاتی واقعہ کے بعد 2006 میں لکھنا شروع کیا ۔  انہوں نے کہا کہ وہ اپنی تحریروں کے ذریعے دور درازکے علاقوں میں رہنے والی خواتین کی حالت زار کو اجاگر کرنے کی کوشش کرتی ہیں ۔  انہوں نے ہندی پیشکش کے بعد اپنی بوڈو نظموں دلبر ، اکیلی ، چڑیا اڑ گئی اور جیون پڑھ کر سنائیں۔

روبرو سیشن کے بعد ایک کہانی پڑھنے کا پروگرام ہوا ، جس کی صدارت ممتاز ہندی مصنفہ محترمہ ناصرہ شرما نے کی ۔  جناب اودھیش سریواستو اور جناب ہری سومن بشٹ نے اس اجلاس میں شرکت کی ۔

جناب  اودھیش سریواستو نے اپنی کہانی کھیل کھیل میں پڑھی ، جس میں ایک رہائشی کالونی کے چھوٹے بچوں اور خالی پلاٹ میں رہنے والے نوزائیدہ پِلّوں کے درمیان پیدا ہونے والے معصوم تعلق کو دکھایا گیا ہے ۔  جناب ہری سومن بشٹ نے اپنی کہانی تم نے کچھ نہیں کہا تھا سنائی ، جس میں کچی آبادیوں میں رہنے والے لوگوں کے حالات زندگی اور جمہوریت کے ڈھانچے سے ان کی توقعات اور مایوسی کا جائزہ لیا گیا ہے ۔

اپنے صدارتی خطاب میں محترمہ ناصرہ شرما نے اس بات پر زور دیا کہ عصری دور میں شہریوں کے اندر انسانی پہلو کی پرورش کرنا اور محض عالمی خواب کے لیے جدوجہد کرنے کے بجائے اپنی جڑوں سے جڑے رہنا زیادہ ضروری ہے ۔

ان دونوں پروگراموں کا اہتمام  ساہتیہ اکیڈمی کے ایڈیٹر (ہندی) جناب انوپم تیواری کے توسط سے کیا گیا ، جنہوں نے پروگراموں کو کامیاب بنانے کے لیے اکیڈمی کی جانب سے شریک مصنفین اور سامعین کا شکریہ ادا کیا ۔

ش ح ۔ ام۔ ج

UNO-512

(रिलीज़ आईडी: 2214193) आगंतुक पटल : 4