زراعت، کسانوں کی بہبود اور دیہی ترقی مرکزی وزیر  جناب شیوراج سنگھ نے آج دہلی میں مرکزی وزیر خزانہ محترمہ نرملا سیتارامن سے ملاقات کی۔ حالیہ ہفتوں میں، جناب چوہان نے ملک بھر کے مختلف ریاستوں کا دورہ کیا اور ریاستوں کے علاوہ دہلی میں ترقی پسند کسانوں، زرعی ماہرین، سیلف ہیلپ گروپس، کوآپریٹو اداروں، دیہی صنعتوں اور دونوں وزارتوں سے متعلق قومی سطح کے اداروں کے سینئر نمائندوں کے ساتھ وسیع ملاقاتیں بھی کیں۔ ان مباحثوں سے پیدا ہونے والے خیالات اور تجاویز کو زراعت اور دیہی ترقی پر سفارشات کے ایک جامع مجموعے میں جمع کیا گیا، جو انھوں نے وزیر خزانہ کو پیش کیں۔

انھوں نے کہا کہ وزیر اعظم جناب نریندر مودی کی قیادت میں مرکزی حکومت دیہی بھارت کو خود کفیل اور خوشحال بنانے کے لیے مسلسل کام کر رہی ہے۔ جنابشیوراج سنگھ چوہان نے کہا کہ وزیر اعظم کی قابل اور بصیرت افروز قیادت میں آنے والا یونین بجٹ کسانوں اور دیہی کمیونٹیز کے لیے حوصلہ افزا ہوگا۔ انھوں نے اعتماد ظاہر کیا کہ مالی سال 2026–27 کا بجٹ وزیر اعظم کے ’خوشحال کسان، بااختیار گاؤں‘ کے عزم کو حقیقت میں بدلنے میں ایک سنگ میل ثابت ہوگا۔

***

(ش ح – ع ا)

U. No. 486