چھتیس گڑھ کو زرعی اور ڈبہ بند خوراک  کی برآمدات کے ایک بڑے مرکز کے طور پر قائم کرنے کی سمت میں ایک اہم قدم اٹھاتے ہوئے ، چھتیس گڑھ میں منعقدہ دوسری انڈیا انٹرنیشنل رائس سمٹ کے دوران رائے پور میں زرعی اور اگری کلچرل اینڈ  پروسیسرڈ فوڈ پروڈکٹس ایکسپورٹ ڈیولپمنٹ اتھارٹی (اے پی ای ڈی اے)کے علاقائی دفتر کا افتتاح کیا گیا ۔  افتتاحی تقریب میں صحت اور خاندانی بہبود کے وزیر اور حکومت چھتیس گڑھ کے طبی تعلیم کے وزیر جناب شیام بہاری جیسوال نے دیگر معززین کے ساتھ شرکت کی ۔

چھتیس گڑھ ، اپنے بھرپور اور متنوع زرعی ماحولیاتی نظام کے ساتھ ، مصنوعات کی ایک وسیع دائرہ  میں اہم برآمدی صلاحیت پیش کرتا ہے ۔  ان میں پریمیم غیر باسمتی چاول کی اقسام اور جیوگرافیکل انڈیکیشن (جی آئی) ٹیگ شدہ مصنوعات جیسے جیراپھول چاول اور ناگری دبراج چاول شامل ہیں ۔  ریاست مختلف قسم کے پھلوں اور سبزیوں کی بھی پیداوار کرتی ہے جن میں امرود ، کیلا ، ڈریگن فروٹ ، کٹہل ، کسٹارڈ سیب ، ٹماٹر اور کھیرے کے ساتھ ساتھ اہم معمولی جنگلاتی مصنوعات  جیسے مہوا ، املی ، جڑی بوٹیوں اور ادویاتی پودےشامل ہیں ، جو عالمی منڈیوں میں اپنی موجودگی کو بڑھانے کے مضبوط مواقع فراہم کرتے ہیں ۔

رائے پور میں اے پی ای ڈی اے کے علاقائی دفتر کا قیام چھتیس گڑھ کی زرعی معیشت کے لیے ایک اہم سنگ میل ہے ۔  نیا دفتر برآمدات سے متعلق رجسٹریشن ، مشاورتی معاونت ، منڈیوں سے متعلق جانکاری ، سرٹیفیکیشن حاصل کرنے سے متعلق معاونت، برآمدات کی سہولت ، بنیادی ڈھانچے کی ترقی اور مارکیٹ لنکج سپورٹ جیسی خدمات فراہم کرکے کسانوں ، پیداوار کنندگان گروپوں، کوآپریٹیو اور برآمد کنندگان کو سہولت فراہم کرے گا ۔  حال ہی میں ، رائے پور میں واقع اے پی ای ڈی اے کے علاقائی دفتر نے چھتیس گڑھ سے کوسٹا ریکا اور پاپوا نیو گنی کو فورٹیفائیڈ رائس کے دانے برآمد کرنے میں بھی سہولت فراہم کی ۔

اس موقع پر خطاب کرتے ہوئے وزیر اعلی جناب وشنو دیو سائی نے کہا کہ رائے پور میں اے پی ای ڈی اے کے علاقائی دفتر کا افتتاح چھتیس گڑھ کے کسانوں کو عالمی معیشت سے مربوط کرنے کا ایک مشن ہے ۔  انہوں نے عالمی زرعی منڈیوں میں ریاست کے کسانوں ، برآمد ات کنندگان اور کاروباریوں کی صلاحیت پر روشنی ڈالی اور اعتماد کا اظہار کیا کہ چھتیس گڑھ اچھی عمدہ اور پائیدار زرعی برآمدات میں ایک رہنما کے طور پر ابھرے گا ۔  انہوں نے ریاستی حکومت کی درخواست کی بنیاد پر چھتیس گڑھ میں اے پی ای ڈی اے کے دفتر کو منظوری دینے کے لیے کامرس اور صنعت کے مرکزی وزیر جناب پیوش گوئل کا شکریہ ادا کیا اور ریاست سے زرعی اور نامیاتی مصنوعات کی برآمدات کو بڑھانے میں اے پی ای ڈی اے اور محکمہ تجارت کو مکمل تعاون دینے کا یقین دلایا۔

اے پی ای ڈی اے علاقائی دفتر کا افتتاح انڈیا انٹرنیشنل رائس سمٹ کے دوسرے ایڈیشن کے دوران کیا گیا ، جس کا اہتمام اے پی ای ڈی اے اور رائس ایکسپورٹرز ایسوسی ایشن آف چھتیس گڑھ اور دیگر تنظیموں کے تعاون سے کیا گیا۔  اسی دن چاول کی برآمدات پر دو روزہ چنتن شیور کابھی اختتام ہوا ، جس میں نامیاتی چاول کی برآمدات کو فروغ دینے اور ہندوستان سے جی آئی ٹیگڈ چاول کی اقسام سمیت غیر باسمتی چاول کی برآمدات کو فروغ دینے کے اقدامات پر وقف اجلاس شامل تھے ۔

 

*****

(ش ح –ت ف۔ت ا)

U. No. 448

(रिलीज़ आईडी: 2213727) आगंतुक पटल : 10