قانون اور انصاف کی وزارت ، قانون ساز محکمہ ، سرکاری زبانوں کے  ونگ کی 14 ویں ’’ہندی صلاح کار سمیتی‘‘ کی پہلی میٹنگ آج یہاں ڈاکٹر امبیڈکر انٹرنیشنل سینٹر ، نئی دہلی میں قانون اور انصاف کے مرکزی وزیر مملکت (آزادانہ چارج) جناب ارجن رام میگھوال کی صدارت میں منعقد کی گئی ۔ اس موقع پر سرکاری زبان کے ترقی پسندانہ استعمال کے موضوع پر تبادلہ خیال کیا گیا ۔

مرکزی وزیر جناب میگھوال نے ہندی کے فروغ کی سمت میں وزارت کے سرکاری زبانوں کے ونگ کے اقدامات اور کوششوں پر اطمینان کا اظہار کیا ۔ انہوں نے قانون کے شعبے میں سرکاری زبان ہندی کے استعمال میں قابل ستائش کام کرنے پر محکمہ قانون ساز کے سرکاری زبانوں کے ونگ کی ستائش کی ۔ اجلاس کے دوران ، سرکاری زبان کی تشہیر اور تبلیغ کو یقینی بنانے کے لئے اہم فیصلے کیے گئے ۔  انہوں نے سرکاری زبان کی افادیت کو عام آدمی کے ’’کام کاج میں آسانی‘‘، ’’الفاظ اور تاثرات کے استعمال میں سادگی‘‘، اور ’’ابہام سے مبرا خیالات اور اعمال کو حقیقی جذبے  کے تحت  لانے‘‘ کے نقطہ نظر سے دیکھنے کی ضرورت پر زور دیا ۔

 

جناب بھرتروہری مہتاب ، رکن پارلیمنٹ (لوک سبھا) اور کمیٹی آف پارلیمنٹ آن آفیشل لینگویج کے ڈپٹی چیئرمین نے ہندی صلاح کار سمیتی کے باقاعدہ اجلاس منعقد کرنے کے بارے میں اپنے خیالات کا اظہار کیا اور شہریوں کے فائدے اور آسانی سے سمجھنے کے مقصد سے  استعمال ہونے والے ہندی الفاظ کو آسان بنانے کا بھی مشورہ دیا ۔ انہوں نے یہ بھی مشورہ دیا کہ سرکاری زبانوں کے ونگ کو بڑھانے کے لیے ضروری انتظامی اقدامات کیے جائیں ۔

غیر سرکاری اراکین نے قانونی میدان میں ہندی کے استعمال اور عدالتوں میں اس کے استعمال کی تشہیر کے لیے مختلف اقدامات بھی تجویز کیے ۔

*****

(ش ح ۔ اس ۔م ذ)

U.No: 305

(ریلیز آئی ڈی: 2212564) وزیٹر کاؤنٹر : 29