جدید تحقیق نے آب و ہوا میں تبدیلیوں کے اثرات کو ترتیب دینے میں ایروسول اور آبی بخارات کے مشترکہ کردار کا انکشاف کیا ہے۔ تحقیق سے پتہ چلا ہےکہ آب ہوا میں تبدیلیوں کے قابلِ بھروسہ نتائج اور مستقبل کی پیشگوئیوں کے لیے ایروسول اور آبی بخارات دونوں پر غور کرنا ضروری ہے، کیونکہ ان کا تعامل علاقائی فضائی حرکیات اور ہندوستانی مانسون پر نمایاں طور پر اثر انداز ہو سکتا ہے۔

ایروسول اور آبی بخارات کے تابکاری اثرات زمین کے تابکاری کے توازن اور اس وجہ سے آب و ہوا کی حرکیات کو سمجھنے کے ساتھ ساتھ پیش گوئی کرنے کے لیے اہم ہوتے ہیں اور زمین کے تابکاری کے توازن میں اہم کردار ادا کرتے ہیں ، جو عالمی درجہ ٔحرارت ، موسمی نظام اور آب و ہوا کے استحکام کو متاثر کرتے ہیں۔  یہ تابکاری اثرات اس بارے میں بصیرت افروز معلومات فراہم کرتے ہیں کہ کس طرح ایروسول ، آبی بخارات کے بادل، گرین ہاؤس گیسیں آنے والی شمسی تابکاری اور باہر جانے والی زمینی تابکاری کو منتشر اور جذب کرکے زمین کے تابکاری کے توازن کو متاثر کرتے ہیں۔

ہند-گنگا کا میدانی علاقہ (آئی جی پی) ایروسول کی لوڈنگ کا ایک عالمی ہاٹ اسپاٹ سمجھا جاتا ہے، جس میں ایروسول اور آبی بخارات کے مواد میں مقام اور وقت کے اعتبار سے تغیر پذیری کے زیادہ امکانات ہوتے ہیں، جس سے ان کے آب و ہوا کے ردعمل کی درست مقدار کافی مشکل اور غیر یقینی ہو جاتی ہے۔  آب و ہوا کے تخمینوں کو بہتر بنانے اور آئی جی پی میں اور اس کے آس پاس علاقائی آب و ہوا کی حرکیات پر ماحولیاتی ساخت کی تبدیلیوں کے اثرات کا جائزہ لینے کے لیے، ایروسول لوڈنگ اور ڈبلیو وی آر ای کے درمیان تعلقات کا تجزیہ کرنا ضروری ہے۔

 

شکل 1: ہند-گنگا کے میدانی علاقے (اوپر بائیں کونے) پر مشاہداتی مقامات کا مقام ایروسول (اے) آبی بخارات کی وجہ سے تابکار قوت کے تخمینے، (بی) اور ایروسول کے بغیر (سی) کے ساتھ ساتھ گرمی کی شرح (ڈی) کانپور میں واحد بکھرے ہوئے البیڈو اقدار (اوپر دائیں کونے) کے چار وقفوں کے لیے  کانپور (نیچے بائیں کونے) کے لیے پی ڈبلیو وی (سینٹی میٹر میں) اور ای اے ای 440-870 بمقابلہ اے اے ای_440-870 کے لیے بکھرے ہوئے پلاٹ کے ذریعے کٹا ہوا اینگسٹروم ایکسپونینٹ (ای اے ای) بمقابلہ ای اے ای فرق، کانپور (نیچے دائیں کونے) پر مختلف ایروسول کی اقسام کو ظاہر کرتا ہے ۔

حکومت ہند کے محکمہ سائنس و ٹیکنالوجی (ڈی ایس ٹی) کے تحت خود مختار تحقیقی ادارہ، انڈین انسٹی ٹیوٹ آف ایسٹرو فزکس (آئی آئی اے) بنگلورو کے ساتھ آریہ بھٹ ریسرچ انسٹی ٹیوٹ آف آبزرویشنل سائنسز (اے آر آئی ای ایس) نینی تال اور بین الاقوامی شراکت داروں، یونیورسٹی آف ویسٹرن مقدونیہ، کوزانی، یونان اور سوکا یونیورسٹی، ٹوکیو، جاپان نے ہند گنگا کے میدان (آئی جی پی) کے علاقے میں ایروسول کی لوڈنگ پر آبی بخارات کی تابکاری قوت کے انحصار کا جائزہ لیا۔

اے آر آئی ای ایس کے ڈاکٹر امیش چندر ڈمکا اور آئی آئی اے کے ڈاکٹر شانتی کمار ایس ننگومبم کے ساتھ ساتھ یونیورسٹی آف ویسٹرن میسیڈونیا کے دیمتریس جی کاسکاؤٹس، آر ای پی سوٹیروپولو اور ای ٹیگرس اور سوکا یونیورسٹی کے ڈاکٹر پردیپ کھتری کے زیر قیادت محققین نے چھ ایرونیٹ (ایروسول روبوٹک نیٹ ورک، زمین پر مبنی سن فوٹومیٹرز کا ایک بین الاقوامی نیٹ ورک جو ایروسول کی خصوصیات کی پیمائش کرتا ہے) سائٹس سے ڈیٹا حاصل کیا اور ایس بی ڈی اے آر ٹی (سانتا باربرا ڈسورٹ ایٹموسفیرک ریڈی ایٹو ٹرانسفر) ماڈل کا استعمال کرتے ہوئے ریڈی ایٹو ٹرانسفر سمیلیشنز کا استعمال کیا۔

اس ڈیٹا کی مدد سے گنجان آبادی والے اور انتہائی آلودہ ہند گنگا کے میدان (آئی جی پی) کے علاقے میں ایروسول لوڈنگ اور آبی بخارات کے تابکاری اثرات (ڈبلیو وی آر ای) کے درمیان تعلقات کا تجزیہ کرتے ہوئے وہ اس نتیجے پر پہنچےکہ آبی بخارات کا ایروسول کے مقابلے میں ماحولیاتی حرارت پر زیادہ اثر پڑتا ہے ۔

شکل 2: ایروسول کی خصوصیات اور قابلِ ترسیب آبی بخارات کی موسمیاتی شماریات

ایٹموسفیرک ریسرچ جرنل میں شائع ہونے والی ان کی تحقیق سے پتہ چلا ہے کہ پانی کے بخارات کے تابکاری اثرات ایروسول کی موجودگی سے بہت زیادہ متاثر ہوتے ہیں اور یہ کہ ایروسول-پانی کے بخارات کا تعامل ماحول میں تابکاری کی مقدار کو انتہائی تبدیل کرتا ہے، جس میں ڈبلیو وی آر ای ایروسول سے پاک ماحول میں ایروسول سے بھرے حالات کے مقابلے میں بہت زیادہ شدید ہوتا ہے۔

یہ اثرات زمین کی سطح اور ماحول میں دونوں پر مضبوط ہیں، جب ہوا صاف ہے (یعنی ، کم ایروسول کے ساتھ)  جب ایروسول موجود ہوتے ہیں، تو پانی کے بخارات کا اثر ماحول کے اوپری حصے میں زیادہ نمایاں ہو جاتا ہے جو ایروسول اور پانی کے بخارات کے درمیان ایک اہم باہمی تعلق کو اجاگر کرتا ہے۔

تحقیق سے یہ بھی پتہ چلا ہے کہ پانی کا بخارات ایروسول سے کہیں زیادہ ماحول کو گرم کرتا ہے۔  اس سے ہند گنگا کے میدانی علاقوں میں آب و ہوا کو متاثر کرنے میں آبی بخارات کے اہم کردار کا اظہار ہوتا ہے۔  یہ نتائج ایروسول جذب سے متعلق شمسی پوزیشن اور ماحولیاتی متغیرات دونوں پر مضبوط انحصار کو ظاہر کرتے ہیں ساتھ ہی آب و ہوا کے مضمرات کی تشکیل میں ایروسول اور آبی بخارات کے مشترکہ کردار کو اجاگر کرتے ہیں ۔

اشاعت کا لنک: https://doi.org/ 10.1016/j. atmosres. 2025.108343

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 (ش ح –ک ح،ص –ج)

U. No. 268

 

(रिलीज़ आईडी: 2212359) आगंतुक पटल : 15