شہری ہوابازی کے وزیر جناب رام موہن نائیڈو نے موسم سرما کے شیڈول کی آئندہ دھند  اور کہرے کے موسم سے متعلق تیاریوں کا جائزہ لینے کے لیے آج تمام اہم شراکت داروں کے ساتھ ایک جامع جائزہ میٹنگ کی صدارت کی، جس میں شہری ہوا بازی کے  ڈائریکٹر جنرل (ڈی جی سی اے) ایئرپورٹ اتھارٹی آف انڈیا (اے اے آئی) ایئرپورٹ آپریٹرز ، ایئر لائنز اور سینٹرل انڈسٹریل سیکورٹی فورس (سی آئی ایس ایف) شامل ہیں ۔

جناب رام موہن نائیڈو نے تمام شراکت داروں کو مکمل تعمیل کو یقینی بنانے ، جوابدہی طے کرنے اور دھند و کہرے کی کارروائیوں کے لیے سخت ایس او پیز کو نافذ کرنے کی ہدایت کی ۔

وزیر موصوف نے کہا کہ ریئل ٹائم ڈیٹا کے تبادلے ، وار رومز کو فعال کرنے اور اہل عملے کے ساتھ سی اے ٹی-II/III کے مطابق طیاروں کی تعیناتی پر زور دیا جانا چاہیے تاکہ بلا رکاوٹ  اور ہموار آپریشن کو برقرار رکھا جا سکے ۔

محفوظ ،بلا رکاوٹ اور  ہموار و مربوط آپریشن کو یقینی بنانے کے لیے واضح ہدایات جاری کی گئی ہیں ، ساتھ ہی مسافروں کو وقت پر اپ ڈیٹ سے متعلق  اطلاع کرنے کی ہدایت دی گئی ہے تاکہ انہیں پہلے سے اچھی طرح سے تیاری کرنے میں مدد ملے ۔  ہر مسافر اہم ہیں اور مسافروں کی تکلیف کی کسی بھی صورت کو واضح جواب دہی کے ساتھ حل کیا جائے گا ۔

شہری ہوابازی کے سکریٹری جناب سمیر کمار سنہا ، ڈی جی سی اے جناب فیض احمد قدوائی ، اے اے آئی کے چیئرمین جناب وپن کمار اور شہری ہوابازی کی وزارت کے دیگر سینئر افسران ، ہوائی اڈے کے آپریٹرز ، ایئر لائنز اور سی آئی ایس ایف  کے اہلکار بھی جائزہ میٹنگ میں موجود تھے ۔

 

****

ش ح۔م م ع۔ش ت

U NO: 148

(ریلیز آئی ڈی: 2211501) وزیٹر کاؤنٹر : 18