ایئر مارشل تجندر سنگھ نے یکم جنوری 2026 کو جنوب مغربی ایئر کمانڈ  میں ایئر آفیسر کمانڈنگ اِن چیف (اے او سی- اِن- چیف) کے طور پر عہدہ سنبھال لیا ہے۔ نیا عہدے پر فائز ہونے کے بعد، ایئر مارشل  جنگی میموریل پر شہداء کو خراج عقیدت پیش کیا۔

قومی دفاعی اکیڈمی کے سابق طالب علم، ایئر مارشل تجندر سنگھ کو 13 جنوری 1987 کو بھارتی فضائیہ کے فائٹر اسٹریم میں شامل کیا گیا تھا۔  موصوف زمرہ ’اے‘ اہلیت کے حامل فلائنگ انسٹرکٹر ہیں جن کے پاس 4500 سے زائد گھنٹوں کا پرواز کا تجربہ ہے۔ وہ ڈفینس سروس اسٹاف کالج اور نیشنل ڈفینس کالج کے سابق طالب ہیں۔ وہ فائٹر اسکواڈرن، ایک ریڈار اسٹیشن، ایک پریمیر فائٹر بیس کی کمان سنبھال چکے ہیں اور جموں و کشمیر میں ایئر آفیسر کمانڈنگ بھی رہے۔ انہوں نے کمانڈ ہیڈکوارٹر میں آپریشنل اسٹاف، ایئر ہیڈکوارٹرس میں ایئر کوموڈور (پرسنل آفیسرز- I)، ہیڈکوارٹرس آئی ڈی ایس ڈپٹی اسسٹن آف انٹیگریٹڈ ڈفینس اسٹاف، فائننشل (پلاننگ)، ایئر ہیڈکوارٹرس (وایو بھون) میں ایئر کوموڈور (ایرو اسپیس سیفٹی)، اسسٹنٹ چیف آف ایئر اسٹاف آپریشن (آفینسو)، چیف آف ایئر اسٹاف آپریشن (اسٹریٹجی)، ایئر ہیڈکوارٹرس (وی بی) میں سینئر ایئر اسٹاف آفیسر، ایسٹرن ایئر کمانڈ اور ڈپٹی چیف آف دی ایئر اسٹاف جیسے مختلف عہدوں پر خدمات انجام دیں۔ موجودہ تقرری سے قبل، وہ بھارتی فضائیہ میں تربیتی کمانڈ میں ایئر آفیسر کمانڈنگ اِن چیف  کے عہدے پر فائز تھے۔

ان کی شاندار خدمات کے اعتراف میں انہیں صدر جمہوریہ ہند کے ذریعہ 2007 میں وایو سینا میڈل اور 2022 میں وششٹھ سیوا میڈل سے نوازا گیا۔

**********

 (ش ح –ا ب ن)

U.No:44

(रिलीज़ आईडी: 2210624) आगंतुक पटल : 7