ہندوستان کے  قومی حقوق انسانی کمیشن (این ایچ آر سی)  نے مدھیہ پردیش کے اندور ضلع کے بھاگیرتھ پورہ علاقے میں آلودہ پانی پینے سے کم از کم سات افراد کی موت اور 40 سے زیادہ افراد کے بیمار ہونے کی میڈیا رپورٹ کا از خود نوٹس لیا ہے ۔  مبینہ طور پر ، رہائشی کئی دنوں سے آلودہ پانی کی فراہمی کی شکایت کر رہے تھے ، لیکن حکام کی طرف سے کوئی کارروائی نہیں کی گئی۔

کمیشن نے مشاہدہ کیا ہے کہ خبروں کے مندرجات ، اگر سچ ہیں ، تو اس سے متاثرین کے انسانی حقوق کی خلاف ورزی کے  سنگین  مسائل پیداہوتے  ہیں ۔  لہذا ، اس نے چیف سکریٹری ، حکومت مدھیہ پردیش کو نوٹس جاری کیا ہے ، جس میں دو ہفتوں کے اندر اس معاملے پر تفصیلی رپورٹ طلب کی گئی ہے۔

میڈیا رپورٹ کے مطابق ، 31 دسمبر 2025 کو شائع میڈیا رپورٹ کے مطابق علاقے میں پینے کا پانی  پہنچانے والی  اہم  پائپ لائن  ایک عوامی بیت الخلا کے نیچے سے گزرتی ہے ۔  مرکزی لائن میں رساؤ کی وجہ سے مبینہ طور پر سیوریج کا پانی پینے کے پانی میں مل گیا ۔  اس کے علاوہ ، علاقے میں پانی کی سپلائی کرنے والی کئی  لائنیں بھی ٹوٹی ہوئی پائی گئیں ، جس کی وجہ سے آلودہ پانی گھروں تک پہنچ رہا تھا۔

******

ش ح۔ ف ا۔ م ر

U-NO. 39

(रिलीज़ आईडी: 2210590) आगंतुक पटल : 6