مرکزی حکومت نے نیشنل اسپورٹس گورننس ایکٹ 2025 کی منتخب دفعات کے آغاز کا نوٹیفکیشن جاری کیا ہے ۔

نیشنل اسپورٹس گورننس ایکٹ ، 2025 (2025 کا 25) کو 18 اگست 2025 کو سرکاری گزٹ میں نوٹیفائی کیا گیا تھا ۔  ایکٹ کے سیکشن 1 (2) میں کہا گیا ہے کہ ایکٹ اس تاریخ کو نافذ العمل ہوگا جسے مرکزی حکومت سرکاری گزٹ میں نوٹیفکیشن کے ذریعے مقرر کرے ، اور یہ کہ ایکٹ کی مختلف دفعات کے لیے مختلف تاریخیں مقرر کی جا سکتی ہیں ۔

اس کے مطابق ، نیشنل اسپورٹس گورننس ایکٹ ، 2025 کے سیکشن 1 کے ذیلی شق (2) کے ذریعہ دیئے گئے اختیارات کا استعمال کرتے ہوئے ، مرکزی حکومت نے یکم جنوری 2026 کو اس تاریخ کے طور پر مقرر کیا ہے جس پر شق 1 سے 3 ، شق 4 کے ذیلی شق (1) (2) اور (4) ، شق 5 کے ذیلی شق (1) اور (2) ، شق 8 کے ذیلی شق (5) ، شق 11 کے ذیلی شق (1) ، شق 14 اور 15 ، شق 17 کے ذیلی شق (1) سے (7) اور (10) ، شق 30 اور 31 ، اور مذکورہ ایکٹ کے شق 33 سے 38 کی دفعات نافذ ہوں گی ۔

قومی اولمپک کمیٹی ، قومی پیرالمپک کمیٹی ، قومی کھیلوں کی فیڈریشنوں اور علاقائی کھیلوں کی فیڈریشنوں سمیت قومی کھیلوں کے اداروں کے قیام اور گورننس فریم ورک ، قومی کھیلوں کے بورڈ کی تشکیل ، تسلیم شدہ کھیلوں کی تنظیموں پر لاگو تعمیل کے تقاضے ، تسلیم شدہ کھیلوں کی تنظیموں کے مراعات اور فرائض ، نیشنل اسپورٹس ٹریبونل کی تشکیل اور مرکزی حکومت کے قواعد سازی کے اختیارات سے متعلق دفعات کو نافذ کیا جا رہا ہے ۔

ایکٹ کے مرحلہ وار آغاز کا مقصد کھیلوں کے قانونی گورننس فریم ورک میں ہموار منتقلی کو یقینی بنانا ہے ۔ یہ ایکٹ کھیلوں کی انتظامیہ میں شفافیت ، جوابدہی ، اخلاقی طور طریقوں  اور اچھی حکمرانی کو فروغ دینے ، کھلاڑیوں کی فلاح و بہبود کو یقینی بنانے اور اولمپک چارٹر ، پیرالمپک چارٹر اور بین الاقوامی بہترین طورطریقوں کے مطابق کھیلوں سے متعلق تنازعات کے مؤثر اور بروقت حل کے لیے کوشاں ہے ۔

یکم جنوری 2026 سے ایکٹ کی نوٹیفائیڈ دفعات کے تحت پیش کردہ  ادارہ جاتی میکانزم فعال ہو جائیں گے ۔

***

ش ح۔ش ب۔ ج ا

U.No.10

(रिलीज़ आईडी: 2210376) आगंतुक पटल : 8