این سی آر اور ملحقہ علاقوں میں ہوا کے معیار کے انتظام کے کمیشن (سی اے کیو ایم) نے دہلی کے 300 کلومیٹر کے دائرے میں واقع کوئلے پر مبنی چھ تھرمل پاور پلانٹس (ٹی پی پی) کو وجہ بتاؤ نوٹس جاری کیا ہے۔ یہ نوٹس فصلوں کی باقیات سے بنائے گئے چھروں یا بریکیٹس کے مشترکہ فائرنگ سے متعلق لازمی دفعات کی عدم تعمیل کے لیے جاری کیے گئے ہیں، جو کہ ماحولیات (تھرمل پاور پلانٹس کے ذریعے فصل کی باقیات کا استعمال) رولز، 2023 کے تحت مطلع کیا گیا ہے۔

ماحولیات (تھرمل پاور پلانٹس کے ذریعے فصلوں کی باقیات کا استعمال) رولز، 2023 ماحولیاتی معاوضہ کے نفاذ سے بچنے کے لیےتمام کوئلے پر مبنی ٹی پی پیز کو حکم دیتا ہے کہ وہ کوئلے کے ساتھ فصل کی باقیات سے بنے بائیو ماس پیلٹس یا بریکیٹس کا کم از کم 5فیصدمرکب استعمال کریں، جس کی کم از کم مقررہ حدمالی سال 2024-25 تین فیصدسے زیادہ ہے۔ ان قانونی دفعات کو این سی آر اور ملحقہ علاقوں میں دھان کے بھوسے کے سابقہ انتظامات کو فروغ دینے، پرالیجلانے کے واقعات کو کم کرنے اور فضائی آلودگی کو کم کرنے کے مقصد سے مطلع کیا گیا تھا۔ کمیشن نے، 2021 سے، متعدد قانونی ہدایات جاری کی ہیں، بشمول ہدایت نمبر 42 مورخہ 17.09.2021، اور متواتر جائزوں اور معائنہ کے ذریعے عمل درآمد کی مسلسل نگرانی کی ہے۔

ان اقدامات کے باوجود، مالی سال 2024-25 کے دوران درج ذیل ٹی پی پیز کی تعمیل کی حیثیت غیر تسلی بخش پائی گئی ہے، جس میں بایوماس کو-فائرنگ کی سطح لازمی حد سے کافی نیچے رہ گئی ہے۔ نتیجتاً، متعلقہ پلانٹس کو ای سی لگانے کی تجویز دینے والے نوٹسز جاری کیے گئے ہیں، جس کی تفصیل ذیل میں دی گئی ہے:

تلونڈی سبو پاور لمیٹڈ (ٹی ایس پی ایل ،ویدانتا)، مانسا، پنجاب کی تجویز کردہ ای سی تقریباً33.02 کروڑ

پانی پت تھرمل پاور اسٹیشن پانی پت، ہریانہ - تقریباً تجویز کردہ ای سی 8.98 کروڑ؛

دین بندھو چھوٹو رام تھرمل پاور اسٹیشن ، یمنا نگر، ہریانہ تقریباً تجویز کردہ ای سی6.69 کروڑ؛

راجیو گاندھی تھرمل پاور پلانٹ ، حصار، ہریانہ - تقریباً تجویز کردہ ای سی5.55 کروڑ؛

پی ایس پی سی ایل گرو ہرگوبند تھرمل پاور پلانٹ، لہرا محبت، پنجاب تقریباًتجویز کردہ ای س 4.87 کروڑ؛

ہردوگنج تھرمل پاور اسٹیشن اتر پردیش - تقریباً تجویز کردہ ای سی2.74 کروڑ

ان 6 ٹی پی پیز میں تجویز کردہ کل ماحولیاتی معاوضہ تقریباً 61.85 کروڑ ہے۔

ہدایت نمبر 42 کے جاری ہونے کے بعد سے، کمیشن نے تمام متعلقہ اسٹیک ہولڈرز بشمول ٹی پی پیز کے ساتھ معاملے کا گہرائی سے جائزہ لیا۔ معزز سپریم کورٹ کی تعمیل اور ہدایات میں بڑی تاخیر کا مشاہدہ کرتے ہوئے، کمیشن نے 2024 کے اوائل میںسی اے کیو ایم ایکٹ 2021 کے 14 کے تحت 4 ٹی پی پیز کو نوٹس جاری کیے جن کی کارکردگی اس مشق کے شروع ہونے کے بعد سے مسلسل خراب تھی۔ کمیشن نے ماحولیات (تھرمل پاور پلانٹس کے ذریعے فصل کی باقیات کا استعمال) رولز 2023 کی تعمیل کے لیے فوری اقدامات کے لیے 7 ٹی پی پیز اور تمام متعلقہ حکام کے سامنے تشویش کا اظہار بھی کیا۔

متعلقہ ٹی پی پیز کو ہدایت کی گئی ہے کہ وہ شوکاز نوٹس جاری ہونے کی تاریخ سے 15 دن کے اندر اپنی تحریری وضاحتیں جمع کرائیں۔ جس میں ناکام ہونے پرقومی راجدھانی خطہ اور ملحقہ علاقوں ایکٹ 2021 میں ایئر کوالٹی مینجمنٹ کمیشن کی دفعات کے مطابق مزید کارروائی شروع کی جائے گی، جس میں ایکٹ کی دفعہ 14 کے تحت کارروائی بھی شامل ہے۔

کمیشن اس بات کا اعادہ کرتا ہے کہ ٹی پی پیز میں بایوماس کو-فائرنگ فصل کی باقیات کے موثر انتظام کے لیے اوراین سی آراور ملحقہ علاقوں میں فضائی آلودگی کو کم کرنے کے لیے ایک اہم مداخلت ہے۔ کمیشن تمام ریگولیٹڈ اداروں کی طرف سے بروقت اور مستقل تعمیل کو یقینی بنانے کے لیے قانونی ہدایات کے سختی سے نفاذ کو جاری رکھے گا۔

***

 

( ش ح۔اص)

UR No 3845

(ریلیز آئی ڈی: 2207884) وزیٹر کاؤنٹر : 36