نیشنل کونسل فار ووکیشنل ایجوکیشن اینڈ ٹریننگ (این سی وی ای ٹی) اور نیشنل کمیونیکیشن اکیڈمی، ٹیکنالوجی (این سی اے-ٹی) نے آج، 19 دسمبر 2025 کو ایک معاہدے پر دستخط کیے، جس کے تحت این سی اے-ٹی کو این سی وی ای ٹی کے تحت ایوارڈ دینے والی باڈی (اے بی-ڈوئل) کے طور پر باضابطہ طور پر تسلیم کیا گیا ہے۔ اس منظوری کے نتیجے میں نیشنل کمیونیکیشن اکیڈمی، ٹیکنالوجی (این سی اے-ٹی) اُن سیکھنے والوں کو ایوارڈ دینے، ان کا جائزہ لینے اور ان کی تصدیق کرنے کی مجاز ہوگی، جہاں ایوارڈ دینے والے ادارے کے ذریعے براہِ راست کیمپس یا تربیتی مراکز میں تربیت فراہم کی جا رہی ہو، جو یا تو اس کی ملکیت میں ہوں یا اس کی مکمل طور پر منظور شدہ اہلیتوں کے لیے اس کے زیرِ انتظام ہوں۔

این سی وی ای ٹی نے نیشنل کمیونیکیشن اکیڈمی، ٹیکنالوجی (این سی اے-ٹی)، غازی آباد کی جانب سے تیار کردہ پہلی مائیکرو اسناد (Micro-credentials) اہلیت کو منظوری دے دی ہے، جس کا عنوان “ٹیلی کام سائبر سیکیورٹی اور ریگولیٹری ماحولیاتی نظام کی بنیادی باتیں” ہے۔ این سی اے-ٹی محکمۂ ٹیلی مواصلات (ڈی او ٹی) کے تحت ایک مرکزی تربیتی ادارہ ہے اور پالیسی امور کے لیے ایک تھنک ٹینک کے طور پر خدمات انجام دیتا ہے۔

یہ منظور شدہ اہلیت شرکاء کو نیٹ ورک سیکیورٹی اور بنیادی ٹیلی مواصلات ٹیکنالوجیز میں ایک جامع بنیاد فراہم کرتی ہے، جو اس شعبے میں ابھرتے ہوئے خطرات کے منظرنامے سے مؤثر طور پر نمٹنے میں معاون ہوگی۔ یہ پہل 2030 تک بھارتی ٹیلی کام شعبے میں ہنر مند افرادی قوت کی طلب اور رسد کے درمیان موجود نمایاں فرق کو کم کرنے کے لیے این سی اے-ٹی کی مجموعی حکمتِ عملی سے ہم آہنگ ہے۔

این سی وی ای ٹی جدید ٹیکنالوجی پر مبنی تربیت سے استفادہ کرتے ہوئے ملک کی سماجی و اقتصادی ترقی میں تعاون فراہم کرنے والے اس نتیجہ خیز اشتراک کا پُرامید ہے۔

 ***

(ش ح۔اس ک  )

UR-3608

(रिलीज़ आईडी: 2206778) आगंतुक पटल : 7