بھارتی ساحلی محافظ دستے (آئی سی جی) کا بحری جہاز ‘ امولیہ ’  ، جو نئے سلسلے کے آٹھ اڈامیا کلاس تیز رفتار گشتی بحری جہازوں  کی سیریز میں تیسرا  بحری جہاز ہے ،  جسے  19 دسمبر  ، 2025  ء کو گوا میں  کمیشن کیا گیا تھا ۔ گوا شپ یارڈ لمیٹڈ کے ذریعہ ڈیزائن  کیا گیا اور بنایا گیا یہ 51 میٹر کا جہاز مقامی جہاز سازی میں ایک نئے معیار کی نمائندگی کرتا ہے ۔  60 فی صد  سے زیادہ  اندرونِ ملک تیار کئے گئے پرزوں کے ساتھ ، امولیہ ، جس کا مطلب ہے  ، ‘ انمول ’ ، حکومت کے آتم نربھر بھارت اور میک ان انڈیا اقدامات کے مطابق ، دفاعی  شعبے میں خود کفیل بننے کی جانب بھارت کی مستحکم پیش رفت کی نشاندہی کرتا ہے ۔ یہ کارکردگی ، پائیداری اور تیزی سے کارروائی کی صلاحیت پر مرکوز جدید ڈیزائن کے فلسفے کو مربوط کرتا ہے ۔

 

 

 3000 کلو واٹ کے  دو جدید ڈیزل انجنوں سے چلنے والا  یہ جہاز 27 ناٹ کی تیز رفتار اور 1500 ناٹیکل میل کی آپریشنل  صلاحیت فراہم کرتا ہے ، جس سے  بھارت کے سمندری علاقوں میں توسیعی مشن کو  فروغ حاصل ہوا ہے ۔ یہ  ملک میں ہی تیار کردہ جدید ترین ہتھیاروں/نظاموں سے لیس ہے ، جو سمندر میں اعلیٰ سطح کی  کارکردگی ،  آپریشنل لچک اور بہتر  صلاحیت کا حامل ہے ۔ یہ نگرانی ، روک تھام ، تلاش اور بچاؤ ، اسمگلنگ مخالف کارروائیوں اور آلودگی سے نمٹنے سمیت متعدد مشن انجام دے گا ، جس سے مشرقی سمندری ساحل کی حفاظت میں آئی سی جی کے رول کو تقویت ملے گی ۔

آئی سی جی ایس امولیہ  ، اڈیشہ کے پارادیپ میں لنگر انداز ہوگا ، جو کمانڈر ،  ساحلی محافظ خطے (شمال مشرق) کے انتظامی اور آپریشنل کنٹرول کے تحت کام کرے گا ۔ جہاز کی کمان کمانڈنٹ (جے جی) انوپم سنگھ کے پاس ہے اور اس میں 5 افسران اور 34 اہلکار شامل ہیں ۔

کمیشن کئے جانے کی تقریب کی صدارت جوائنٹ سکریٹری (آئی سی) سیریمونیل  اور سی اے او جناب امیتابھ پرساد نے کی اور اس میں آئی سی جی ، مرکزی اور ریاستی حکومتوں کے سینئر عہدیداروں اور جی ایس ایل کے نمائندوں نے بھی شرکت کی ۔ یہ آئی سی جی کے بیڑے کی جاری توسیعی عمل میں ایک اور  اہم قدم  کی نشاندہی کرتا ہے ، جو ساحلی سلامتی کو  مستحکم کرنے میں خاطر خواہ تعاون فراہم کرے گا ۔

 

********

( ش ح ۔ ش ب   ۔ ع ا )

U.No. 3584

(रिलीज़ आईडी: 2206635) आगंतुक पटल : 20