ہندوستانی بازار میں نامیاتی گندم اور دالوں کی نمایاں اور مسلسل بڑھتی ہوئی مانگ ہے۔ صارفین کی ترجیحات کیمیکل سے مبرا، قابل شناخت اور پائیدار طریقے سے اگائی جانے والی خوراک کی طرف منتقل ہو رہی ہیں، خاص طور پر شہری اور نیم شہری مراکز میں۔ صحت سے متعلق آگاہی میں اضافہ، گھریلو آمدنی میں اضافہ، اور تصدیق شدہ نامیاتی سپلائی چینز پر اعتماد نے مانگ میں مزید اضافہ کیا ہے۔

نیشنل کوآپریٹو آرگینکس لمیٹڈ (این سی او ایل)، اپنے بھارت آرگنکس برانڈ کے ذریعے، اس بات کو یقینی بنا رہا ہے کہ نامیاتی گندم اور تور دال کے کسانوں کو بہتر قیمتیں، یقینی خریداری، ان پٹ لاگت میں کمی، مضبوط سرٹیفیکیشن سپورٹ، اور ملک گیر مارکیٹ تک رسائی حاصل ہو۔ این سی او ایل نامیاتی گندم اور تور دال کی کاشت میں مصروف کسانوں کو براہ راست فائدہ پہنچانے کے لیے کئی اقدامات کر رہا ہے:

i) بھارت آرگینکس کے ذریعہ براہ راست خریداری

نامیاتی گندم اور دالوں کی خریداری براہ راست تصدیق شدہ کسانوں سے کی جاتی ہے، اس بات کو یقینی بناتے ہوئے:

• شفاف قیمتوں کا تعین

• وقت پر ادائیگی

• فصل کے بعد کے نقصانات میں کمی

• دلالوں کی طرف سے کوئی استحصال نہیں۔

ii) ایم ایس پی پلس قیمتوں کا تعین

ثالثوں کے بغیر براہ راست خریداری کی وجہ سے کسان روایتی ایم ایس پی پر پریمیم قیمتیں وصول کرتے ہیں۔ یہ نامیاتی کاشتکاروں کے لیے اعلیٰ اور مستحکم آمدنی کو یقینی بناتا ہے۔

iii) یقینی مارکیٹ لنکیج

جدید تجارت، سرکاری دکانوں، ای کامرس اور ادارہ جاتی خریداروں کے ذریعے، این سی او ایل مارکیٹ تک رسائی کو بڑھا رہا ہے، جس سے نامیاتی گندم اور دالوں کی بڑے پیمانے پر خریداری ممکن ہو رہی ہے۔

iv) کلسٹر پر مبنی آرگینک فارمنگ ماڈل

این سی او ایل کسان پروڈیوسر تنظیموں (ایف پی اوز) اور کوآپریٹو سوسائٹیوں کو تصدیق شدہ نامیاتی طریقوں کو اپنانے، فی ایکڑ ان پٹ لاگت کو کم کرنے اور مٹی کی صحت کو بہتر بنانے میں مدد کرتا ہے۔

v) سرٹیفیکیشن اور ٹریس ایبلٹی سپورٹ

این پی او پی سرٹیفیکیشن، ٹیسٹنگ، اور ڈیجیٹل ٹریس ایبلٹی کے لیے سپورٹ فراہم کی جاتی ہے تاکہ کسان تعمیل کا مالی بوجھ برداشت نہ کریں۔ اس سے مارکیٹ کی قبولیت اور برآمدی صلاحیت میں اضافہ ہوتا ہے۔

vi) برانڈ پر مبنی اضافی قدرو قیمت

بھارت آرگینکس لیبل کے تحت، مصنوعات کو ڈی 2 سی ، ای کامرس اور ریٹیل نیٹ ورکس میں صاف، پروسیس، پیک اور فروخت کیا جاتا ہے۔ یہ ویلیو ایڈیشن کوآپریٹو پر مبنی مارکیٹنگ کے ذریعے کسانوں کو زیادہ منافع لاتا ہے۔

vii) تربیت اور صلاحیت سازی

کاشتکاروں کو نامیاتی طریقوں، مٹی کی تخلیق نو، کیڑوں کے انتظام، اور باقیات سے پاک کاشت، طویل مدتی پیداوار کو بہتر بنانے اور کیمیائی انحصار کو کم کرنے کی تربیت دی جاتی ہے۔

یہ جانکاری امور داخلہ اور امدادِ باہمی کے مرکزی وزیر جناب امت شاہ کے ذریعہ راجیہ سبھا میں ایک تحریری جواب میں دی گئی۔

******

 (ش ح –ا ب ن)

U.No:3392

(रिलीज़ आईडी: 2205670) आगंतुक पटल : 4