آج راجیہ سبھا میں ایک غیر ستارہ شدہ سوال کے جواب میں قبائلی امور کے مرکزی وزیر مملکت شری درگاداس اوئیکے نے اطلاع دی کہ گزشتہ پانچ برسوں کے دوران مختلف قبائلی ترقیاتی اسکیموں کے تحت ریاست کیرالا کے لیے اسکیم وار اور سال وار مختص اور استعمال شدہ فنڈز کی تفصیلات درج ذیل ہیں:

)رقم کروڑ روپے میں(

حکومت ملک میں درج فہرست قبائل اور قبائلی آبادی کے ارتکاز والے علاقوں، بشمول کیرالا، کی ترقی کے لیے درج فہرست قبائل کے لیے ترقیاتی عملی منصوبہ کو ایک حکمتِ عملی کے طور پر نافذ کر رہی ہے۔ وزارتِ امورِ قبائل کے علاوہ، اکتالیس وزارتیں اور محکمے اس امر کے پابند ہیں کہ وہ ہر سال اپنی مجموعی اسکیمی بجٹ کا ایک مقررہ فیصد اس منصوبے کے تحت قبائلی ترقی کے لیے مختص کریں، تاکہ درج فہرست قبائل اور غیر قبائلی آبادی کے درمیان ترقیاتی خلا کو کم کیا جا سکے اور تعلیم، صحت، زراعت، آبپاشی، سڑکوں، رہائش، بجلی رسانی، روزگار کے مواقع کی تخلیق، ہنر مندی کی ترقی وغیرہ سے متعلق مختلف قبائلی ترقیاتی منصوبوں کو فروغ دیا جا سکے۔ درج فہرست قبائل کی فلاح کے لیے متعلقہ وزارتوں اور محکموں کی جانب سے مختص رقوم کے ساتھ اسکیموں کی تفصیلات مرکزی بجٹ کی اخراجاتی دستاویز کے بیان نمبر دس بی میں دستیاب ہیں۔

ریاستی حکومتوں پر بھی لازم ہے کہ وہ اپنی مجموعی اسکیمی تخصیص کے تناسب سے، ریاست میں درج فہرست قبائل کی آبادی کے مطابق (مردم شماری دو ہزار گیارہ)، قبائلی ذیلی منصوبہ کے لیے رقوم مخصوص کریں۔ کیرالا سمیت ریاستوں اور مرکز کے زیر انتظام علاقوں کی جانب سے اپنے وسائل سے قبائلی ذیلی منصوبہ کے تحت کی گئی تخصیص اور اخراجات کی تفصیلات متعلقہ سرکاری پورٹل پر دستیاب ہیں۔

مزید یہ کہ وزارتِ امورِ قبائل ملک میں درج فہرست قبائل کی فلاح و ترقی کے لیے، بشمول کیرالا، مختلف اسکیمیں اور پروگرام نافذ کر رہی ہے۔ ان اسکیموں کی تفصیلات ضمیمہ اوّل میں دی گئی ہیں۔

ضمیمہ

ملک میں وزارتِ قبائلی امور کے زیرِ نفاذ اہم اسکیموں/پروگراموں کی مختصر تفصیل:

دھرتی آبا جن جاتیہ گرام اتکارش ابھیان: معزز وزیرِ اعظم نے 2 اکتوبر، 2024 کو دھرتی آبا جن جاتیہ گرام اتکارش ابھیان کا آغاز کیا۔ یہ ابھیان 25 اقدامات پر مشتمل ہے جو 17 وزارتوں کے ذریعے نافذ کیے جا رہے ہیں اور اس کا مقصد 63,843 دیہاتوں میں بنیادی ڈھانچے کے خلاؤں کو دور کرنا، صحت، تعلیم، آنگن واڑی سہولیات تک رسائی بہتر بنانا اور روزگار کے مواقع فراہم کرنا ہے، جس سے 30 ریاستوں/مرکزی علاقوں کے 549 اضلاع اور 2,911 بلاکس میں 5 سال میں 5 کروڑ سے زائد قبائلی افراد مستفید ہوں گے۔
ابھیان کے لیے کل بجٹ کا تخمینہ 79,156 کروڑ روپے ہے (مرکزی حصہ: 56,333 کروڑ روپے اور ریاستی حصہ: 22,823 کروڑ روپے)۔

وزیراعظم جن جاتیہ آدیواسی نیاۓ مہا ابھیان (پی ایم جنمان): حکومت نے 15 نومبر، 2023 کو وزیراعظم جن جاتیہ آدیواسی نیاۓ مہا ابھیان کا آغاز کیا، جسے جن جاتیہ گوروَو دیوس کے طور پر منایا جاتا ہے۔ اس مشن کے لیے تقریباً 24,000 کروڑ روپے کا مالی تخمینہ مقرر کیا گیا ہے اور اس کا مقصد تین سال کے اندر خصوصی ترجیحی قبائلی گھروں اور بستوں میں بنیادی سہولیات فراہم کرنا ہے، جن میں محفوظ رہائش، صاف پینے کا پانی اور صفائی، تعلیم، صحت اور غذائیت تک بہتر رسائی، سڑک اور ٹیلی کمیونیکیشن کی سہولیات، غیر برقی گھروں میں بجلی کی فراہمی، اور پائیدار روزگار کے مواقع شامل ہیں۔

وزیراعظم جن جاتیہ وِکاس مشن (پی ایم جے وی ایم): وزارتِ قبائلی امور وزیراعظم جن جاتیہ وِکاس مشن (پی ایم جے وی ایم) نافذ کر رہی ہے، جو قبائلی روزگار کے فروغ کے لیے دو موجودہ اسکیموں کو ضم کر کے تشکیل دی گئی ہے، یعنی چھوٹے جنگلاتی پیداوار (ایم ایف پی) کی مارکیٹنگ کے لیے کم از کم مددگار قیمت (ایم ایس پی) کے ذریعے میکانزم اور ایم ایف پی کے لیے ویلیو چین کی ترقی۔  قبائلی مصنوعات/پیداوار کی ترقی اور مارکیٹنگ کے لیے ادارہ جاتی معاونت۔

اس اسکیم کے تحت منتخب ایم ایف پی کے لیے کم از کم مددگار قیمت مقرر اور اعلان کی جائے گی۔ اگر کسی مخصوص ایم ایف پی کی موجودہ مارکیٹ قیمت مقررہ ایم ایس پی سے کم ہو جائے تو نامزد ریاستی ایجنسیوں کے ذریعے خریداری اور مارکیٹنگ کی کارروائی کی جائے گی۔ ساتھ ہی دیگر درمیانے اور طویل مدتی امور جیسے پائیدار جمع آوری، ویلیو ایڈیشن، بنیادی ڈھانچے کی ترقی، ایم ایف پی کے علم کی بنیاد میں اضافہ اور مارکیٹ معلومات کی ترقی بھی حل کی جائیں گی۔

وزیراعظم جن جاتیہ وِکاس مشن (پی ایم جے وی ایم): وزارتِ قبائلی امور اس اسکیم کو ٹریبل کوآپریٹو مارکیٹنگ ڈویلپمنٹ فیڈریشن آف انڈیا (ٹرائیفیڈ) کے ذریعے نافذ کر رہی ہے، جس کا مقصد قبائلی کاروباری اقدامات کو مضبوط کرنا اور روزگار کے مواقع فراہم کرنا ہے، تاکہ قدرتی وسائل، زرعی / چھوٹے جنگلاتی پیداوار (ایم ایف پیز) / غیر زرعی پیداوار کا زیادہ مؤثر، منصفانہ، خود انتظام شدہ اور بہتر استعمال ممکن بنایا جا سکے۔ اسکیم کے تحت ریاستی حکومتوں کو ون دھان وِکاس کندر (وی ڈی وی کے) قائم کرنے کے لیے مالی معاونت فراہم کی جاتی ہے، جو ایم ایف پیز/غیر ایم ایف پیز کی ویلیو ایڈیشن سرگرمیوں کے مراکز ہیں۔

اکلاویہ ماڈل رہائشی اسکولز (ای ایم آر ایس): اکلاویہ ماڈل رہائشی اسکول (ای ایم آر ایس) کا آغاز سال 2018-19 میں قبائلی بچوں کو ان کے اپنے ماحول میں نوودیا ودیالیہ کے معیار کی معیاری تعلیم فراہم کرنے کے لیے کیا گیا۔ نئی اسکیم کے تحت حکومت نے فیصلہ کیا کہ 440 ای ایم آر ایس قائم کیے جائیں، یعنی ہر بلاک میں جہاں ایس ٹی آبادی 50 فیصد سے زیادہ ہو اور کم از کم 20,000 قبائلی افراد ہوں (موسم شمار 2011 کے مطابق) وہاں ایک ای ایم آر ایس قائم کیا جائے۔ ابتدا میں 288 ای ایم آر ایس کو آرٹیکل 275(1) کے تحت گرانٹس کے ذریعے مالی معاونت دی گئی، جنہیں نئے ماڈل کے مطابق اپ گریڈ کیا جا رہا ہے۔ وزارت نے اس کے تحت کل 728 ای ایم آر ایس قائم کرنے کا ہدف مقرر کیا ہے، جس سے ملک بھر میں تقریباً 3.5 لاکھ ایس ٹی طلباء مستفید ہوں گے۔

آرٹیکل 275(1) کے تحت گرانٹس: آئین کے آرٹیکل 275(1) کے پروویزو کے تحت وہ ریاستیں جن کی ایس ٹی آبادی زیادہ ہے، انہیں شیڈول علاقوں میں انتظامی سطح بلند کرنے اور قبائلی عوام کی فلاح و بہبود کے لیے گرانٹس فراہم کی جاتی ہیں۔ یہ ایک خصوصی علاقائی پروگرام ہے اور ریاستوں کو 100فیصد گرانٹس دی جاتی ہیں۔ فنڈز ریاستی حکومتوں کو ایس ٹی آبادی کی ضروریات کے مطابق جاری کیے جاتے ہیں تاکہ تعلیم، صحت، ہنر کی ترقی، روزگار، پینے کے پانی، صفائی وغیرہ کے شعبوں میں بنیادی ڈھانچے کے خلاؤں کو پورا کیا جا سکے۔

درج فہرست قبائل کی فلاح کے لیے رضاکارانہ تنظیموں کو امداد: درج فہرست قبائل کی فلاح کے لیے رضاکارانہ تنظیموں کو امداد کی اسکیم کے تحت، وزارت ایسے منصوبوں کو فنڈ فراہم کرتی ہے جو تعلیم اور صحت کے شعبوں میں کام کر رہے ہوں، جس میں رہائشی اسکول، غیر رہائشی اسکول، ہاسٹلز، موبائل ڈسپنسریز، دس یا اس سے زیادہ بیڈ والے ہسپتال، روزگار وغیرہ شامل ہیں۔

پری میٹرک وظائف برائے ایس ٹی طلباء: یہ اسکیم ان طلباء پر لاگو ہوتی ہے جو کلاس نویں اور دسویں میں تعلیم حاصل کر رہے ہوں۔ والدین کی تمام ذرائع سے سالانہ آمدنی 2.50 لاکھ روپے سے زیادہ نہ ہو۔ دن کے طلباء کے لیے ماہانہ 225 روپے اور ہاسٹلز میں رہنے والے طلباء کے لیے ماہانہ 525 روپے کے وظائف دس ماہ کے لیے دیے جاتے ہیں۔ وظائف ریاستی حکومت/مرکزی علاقائی انتظامیہ کے ذریعے فراہم کیے جاتے ہیں۔ فنڈنگ کا تناسب تمام ریاستوں کے لیے مرکز اور ریاست کے درمیان 75:25 ہے، سواۓ شمال مشرقی اور پہاڑی ریاستوں/مرکزی علاقوں (جیسے ہماچل پردیش، اتر کھنڈ، جموں و کشمیر) کے جہاں یہ تناسب 90:10 ہے۔ بغیر مقننہ والے مرکزی علاقوں کے لیے فنڈنگ کا تناسب 100فیصد مرکزی حصہ ہے۔

پوسٹ میٹرک وظائف برائے ایس ٹی طلباء: اس اسکیم کا مقصد شیڈول شدہ قبائل کے طلباء کو پوسٹ میٹرک یا ثانوی تعلیم کے بعد کے درجے میں تعلیم مکمل کرنے کے لیے مالی معاونت فراہم کرنا ہے۔ والدین کی تمام ذرائع سے سالانہ آمدنی 2.50 لاکھ روپے سے زیادہ نہ ہو۔ تعلیمی اداروں کی طرف سے وصول کی جانے والی لازمی فیس متعلقہ ریاستی فیس کمیٹی کی مقررہ حد کے مطابق واپس کی جاتی ہے اور کورس کے حساب سے ماہانہ 230 سے 1200 روپے تک وظائف دیے جاتے ہیں۔ اسکیم ریاستی حکومتوں اور مرکزی علاقوں کی انتظامیہ کے ذریعے نافذ کی جاتی ہے۔ فنڈنگ کا تناسب تمام ریاستوں کے لیے مرکز اور ریاست کے درمیان 75:25 ہے، سواۓ شمال مشرقی اور پہاڑی ریاستوں/مرکزی علاقوں (ہماچل پردیش، اتر کھنڈ، جموں و کشمیر) کے جہاں یہ 90:10 ہے۔ بغیر مقننہ والے مرکزی علاقوں کے لیے فنڈنگ کا تناسب 100فیصد مرکزی حصہ ہے۔

قومی اوورسیز وظائف برائے ایس ٹی امیدواران: اس اسکیم کے تحت منتخب طلباء کو بیرونِ ملک پوسٹ گریجویشن، پی ایچ ڈی اور پوسٹ ڈاکٹریٹ کی تعلیم حاصل کرنے کے لیے مالی معاونت فراہم کی جاتی ہے۔ ہر سال کل 20 ایوارڈز دیے جاتے ہیں، جن میں سے 17 ایوارڈز ایس ٹی طلباء کے لیے اور 3 ایوارڈز خصوصی طور پر زیادہ خطرے والے قبائلی گروپس کے طلباء کے لیے مختص ہیں۔ والدین یا خاندان کی تمام ذرائع سے سالانہ آمدنی 6.00 لاکھ روپے سے زیادہ نہ ہو۔

قومی فیلوشپ اور اعلیٰ تعلیم کے لیے وظائف برائے ایس ٹی طلباء:

قومی وظائف – (اعلیٰ درجے) اسکیم [گریجویٹ سطح]: اس اسکیم کا مقصد قابلِ فخر ایس ٹی طلباء کو ملک کے کسی بھی 265 ممتاز اداروں میں مقررہ کورسز میں تعلیم حاصل کرنے کی ترغیب دینا ہے، جیسے کہ آئی آئی ٹیز، اے آئی آئی ایم ایس، آئی آئی ایمز، نیشنل انسٹی ٹیوٹ آف انفارمیشن ٹیکنالوجی وغیرہ، جو وزارت کی طرف سے منتخب کیے گئے ہیں۔ خاندان کی تمام ذرائع سے سالانہ آمدنی 6.00 لاکھ روپے سے زیادہ نہ ہو۔ وظائف کی رقم میں ٹیوشن فیس، رہائش کے اخراجات اور کتابوں و کمپیوٹر کے لیے الاؤنس شامل ہیں۔

قومی فیلوشپ برائے ایس ٹی طلباء: ہر سال 750 فیلوشپس ایس ٹی طلباء کو بھارت میں اعلیٰ تعلیم، مثلاً ایم فل اور پی ایچ ڈی کے لیے فراہم کی جاتی ہیں۔ فیلوشپ یو جی سی کے قواعد کے مطابق دی جاتی ہے۔

قبائلی تحقیقاتی اداروں کے لیے معاونت: وزارت ریاستی حکومتوں کو نئی تحقیقاتی ادارے قائم کرنے یا موجودہ ٹی آر آئیزکی فعالیت کو مضبوط بنانے کے لیے معاونت فراہم کرتی ہے تاکہ یہ ادارے اپنی بنیادی ذمہ داریاں انجام دے سکیں، جن میں تحقیق و دستاویزی کام، تربیت و صلاحیت سازی، اور قبائلی ثقافت و ورثے کے فروغ کا کام شامل ہے۔ قبائلی فن اور ثقافت کے تحفظ کے لیے TRIs کو مالی معاونت دی جاتی ہے تاکہ وہ ملک بھر میں قبائلی ثقافت اور ورثے کو فروغ دینے اور محفوظ کرنے کے لیے مختلف سرگرمیاں انجام دے سکیں، جیسے کہ تحقیق و دستاویزات تیار کرنا، فنون و نوادرات کی دیکھ بھال اور تحفظ، قبائلی میوزیم قائم کرنا، قبائل کے دیگر حصوں کے دورے، قبائلی میلوں کا انعقاد وغیرہ۔ اس اسکیم کے تحت فنڈنگ 100فیصد گرانٹ ان ایڈ کی صورت میں وزارتِ قبائلی امور کی طرف سے ضرورت کے مطابق اور اپیکس کمیٹی کی منظوری سے ٹی آر آئیزکو فراہم کی جاتی ہے۔

******

ش ح۔ ش ا ر۔ ول

Uno-3414

(रिलीज़ आईडी: 2205607) आगंतुक पटल : 13