سوڈیم ونیڈیم فاسفیٹ (این وی پی) کیتھوڈ پاؤڈر مواد سے تیار شدہ سوڈیم آئن پاؤچ سیلز کی صنعتی کارکردگی کی توثیق کے لیے ایک نئے مفاہمت نامے پر دستخط کیے گئے ہیں۔ اس ٹیکنالوجی کی توثیق سوڈیم آئن بیٹریوں کو تجارتی پیمانے پر لانے میں مدد فراہم کر سکتی ہے، جو لتیم آئن بیٹریوں کے مقابلے میں محفوظ اور کم لاگت والی ہو سکتی ہیں، جو آج پورٹیبل الیکٹرانکس، الیکٹرک گاڑیاں اور قابل تجدید توانائی ذخیرہ کرنے کے نظام کے لیے بڑے پیمانے پر استعمال ہوتی ہیں۔

انٹرنیشنل ایڈوانسڈ ریسرچ سینٹر فار پاؤڈر میٹالرجی اینڈ نیو میٹریلز (اے آر سی آئی)، جو حکومت ہند کے محکمہ سائنس و ٹیکنالوجی کے تحت ایک خود مختار تحقیقی و ترقیاتی مرکز ہے، نے وولٹاسن ٹیکنالوجیز پرائیویٹ لمیٹڈ کے ساتھ یہ مفاہمت نامہ دستخط کیا ہے۔ اے آر سی آئی کے تیار کردہ سوڈیم آئن بیٹری ٹیکنالوجی کی تشخیص اور ممکنہ تجارتی کاری کے لیے 5 اے ایچ پاؤچ سیلز کی 80 تعداد کی تیاری اور فراہمی کا معاہدہ 15 دسمبر 2025 کو طے پایا۔

اے آر سی آئی نے سوڈیم ونیڈیم فاسفیٹ (این وی پی) کیتھوڈ پاؤڈر مواد تیار کیا ہے اور اے این آر ایف، ایم اے ایچ اے ای وی پروجیکٹ کے تحت این وی پی پر مبنی سوڈیم آئن پاؤچ سیلز کی تیاری کے ذریعے اپنی کارکردگی کا مظاہرہ کیا ہے۔ ان سیلز کی معیاری لیبارٹری پیمانے پر توثیق کی گئی ہے اور فی الحال انہیں عملی میدان میں جانچ اور تصدیق کے مراحل سے گزارا جا رہا ہے۔

وولٹاسن ٹیکنالوجیز پرائیویٹ لمیٹڈ ایک مواد سے سیل بنانے والا اسٹارٹ اپ ہے، جو بیٹری کے فعال مواد، سیل مینوفیکچرنگ، مشاورت، اسکیل اپ، اور تحقیق و ترقی کی خدمات میں مہارت رکھتا ہے۔ کمپنی کے پاس اے آر سی آئی کی سوڈیم آئن بیٹری ٹیکنالوجی کی درخواست کی صلاحیت کا جائزہ لینے اور اسے وسیع کرنے کے لیے ایک قائم شدہ صنعتی کسٹمر نیٹ ورک موجود ہے، خاص طور پر اسٹیشنری توانائی ذخیرہ کرنے کی ایپلیکیشنز کے لیے۔

اس تعاون کو دو مراحل میں انجام دیا جائے گا۔ فیز I میں اے آر سی آئی کے ذریعے 80 پاؤچ سیلز کی فراہمی اور وولٹاسن کی جانب سے فیڈ بیک کے ساتھ کارکردگی کی توثیق شامل ہے۔ دوسرے مرحلے میں ایک علیحدہ ترمیم معاہدے کے تحت 80 پاؤچ سیلز کے دو اضافی سیٹوں کی فراہمی شامل ہوگی۔

یہ تعاون اے آر سی آئی کی کوششوں کی عکاسی کرتا ہے کہ وہ مقامی تحقیقی نتائج کو صنعت کے لیے تیار ٹیکنالوجیز میں تبدیل کرے، جو جدید توانائی ذخیرہ کرنے کے حل میں خود انحصاری کے لیے ہندوستان کے اقدامات کی حمایت کرتا ہے۔

 

اس معاہدے کا تبادلہ اے آر سی آئی کے ڈائریکٹر ڈاکٹر آر وجے اور وولٹاسن ٹیکنالوجیز پرائیویٹ لمیٹڈ کے ڈائریکٹر جناب اتم کمار شاہ کے درمیان نوئیڈا میں کیا گیا۔

 

 

 ***

 

UR-3384

(ش ح۔اس ک  )

 

(रिलीज़ आईडी: 2205594) आगंतुक पटल : 7