حکومت نے گھریلو صلاحیت ، سمندری مالی اعانت ، شپ یارڈ کی ترقی ، ہنر سازی اور اصلاحات کو مستحکم کرنے کے لیے چار ستونوں پر مشتمل نقطہ نظر کے ساتھ 69,725 کروڑ روپے کے جامع پیکیج کو منظوری دی ہے ۔  بھاری انجینئرنگ میں جہاز سازی کو مادر صنعت شمار کیا جاتا ہے، جہاں تعمیر شدہ جہاز کی زیادہ تر لاگت بھاری انجینئرنگ کی صنعتوں جیسے اسٹیل، مکینیکل، الیکٹریکل اور الیکٹرانک آلات، کمپوزائٹس وغیرہ میں جاتی ہے ۔  مزید برآں ، جہاز سازی کی صنعت کی ترقی سے معاون صنعتیں بھی ترقی کرتی ہیں ۔  جہاز سازی کی ملازمت میں کئی گنا اضافے کی بدولت، تقریبا 22 لاکھ (2.2 ملین)براہ راست اور بالواسطہ روزگار پیدا ہونے کے امکانات ہیں۔

حکومت ہندنے جہاز سازی کے شعبے میں سپلائی سائیڈ اور ڈیمانڈ سائیڈ دونوں کے مسائل کو حل کرنے کے لیے کئی اقدامات کیے ہیں ۔  جہاز سازی کی صنعت کے لیے جہاز کے آرڈرکے لیے مرئیت فراہم کرنے کے لیے کارگو تیار کرنے والی وزارتوں سمیت مختلف وزارتوں کے درمیان اسٹیک ہولڈرسےمشاورت کی گئی ہے ۔

گرین فیلڈ شپ بلڈنگ کلسٹر کی منظوری کا انحصار مختلف عوامل پر ہوگا ، جن میں زمین کی مناسب دستیابی ، لوکیشنل فزیبلٹی جیسے ریل اور روڈ کنکٹیویٹی ، ریاستی صنعتی پالیسی  اور ممکنہ سرمایہ کاروں کی دلچسپی شامل ہیں ۔

یہ معلومات بندرگاہوں، جہاز رانی اور آبی گزرگاہوں کے مرکزی وزیر جناب سربانند سونووال جی نے راجیہ سبھا میں ایک تحریری جواب میں دی ہیں۔

***************

) ش ح –م ش ع-  ش ہ ب )

U.No. 3377

(रिलीज़ आईडी: 2205512) आगंतुक पटल : 5