نیوکلیائی توانائی میں توانائی کے  طویل مدتی تحفظ کو یقینی بنانے کی بہت صلاحیت ہے ۔  ملک میں موجود  یورینیم کے محدود ذخائر اور تھوریم کے بڑے ذخائر کو بہتر طریقے سے استعمال کرنے کے واسطے ،  محکمہ جوہری توانائی نے جوہری توانائی کی پیداوار اور توانائی کے طویل مدتی تحفظ کے حصول کے لیے تین مراحل کے جوہری توانائی پروگرام  کو اپنایا ہے ؛  جو محصور جوہری ایندھن کے  دورانیہ، نیوکلیائی توانائی کی پیداوار اور نیوکلیائی توانائی کے طویل مدتی تحفظ کے تین مراحل پر مبنی  پروگرام  ہے۔ ترتیب وار نافذ کیے جانے والے نیوکلیائی توانائی کے پروگرام کا مقصد پریشروائز ہیوی واٹر  ری ایکٹرز (پہلے مرحلے) میں قدرتی یورینیم کے استعمال کے ذریعے مقامی طور پر دستیاب حیاتیاتی ایندھن کے  وسائل میں کئی گنا اضافہ کرنا ہے ، اس کے بعد، دوسرے مرحلے میں فاسٹ بریڈر ری ایکٹرز میں پریشرائزڈ ہیوی واٹر  ری ایکٹرز کے استعمال شدہ ایندھن سے حاصل کردہ پلوٹونیم کا استعمال کرنا ہے ۔   بڑے پیمانے پر تھوریم کا استعمال بعد میں یورینیم-233 کے استعمال کے بعد ہوگا جسے فاسٹ بریڈر ری ایکٹرز میں استعمال کیا جائے گا ، جب ملک میں جوہری توانائی کی  کافی قائمہ صلاحیت پیدا ہو جائے گی ۔   اس کے مطابق ، جوہری پروگرام کے تیسرے مرحلے کے دوران تھوریم کو عملی طور پر ناقابل تلافی توانائی کے وسیلے کے طور پر استعمال کرنے پر غور کیا گیا ہے ، جس تک مستقبل میں پہنچا جا سکتا ہے ۔  مقامی  پریشرائزڈ ہیوی واٹر ری ایکٹرز (پی ایچ ڈبلیو آر) پر مشتمل جوہری توانائی پروگرام کا پہلا مرحلہ صنعتی شعبے میں زیر نفاذ ہے ۔  دوسرے مرحلے کے تحت پروٹو ٹائپ فاسٹ بریڈر ری ایکٹر (پی ایف بی آر) کلپاکم ، تمل ناڈو میں بھارتیہ نابھیکیہ ودیوت نگم لمیٹڈ (بھاوینی) کے ذریعے شروع کیا جا رہا ہے ۔

نیوکلیائی توانائی  24x7 دستیاب بجلی کا ایک صاف ستھرا ، بیس لوڈ ذریعہ ہے ۔  جوہری توانائی کے لائف سائیکل اخراج کا موازنہ قابل تجدید ذرائع جیسے ہائیڈرو وسائل اور  ہوا سے کیا جا سکتا ہے ۔  اس طرح ، یہ جوہری توانائی 2070 تک نیٹ زیرو  اخراج کی سطح تک ہندوستان کی صاف توانائی کی منتقلی میں نمایاں کردار ادا کرے گی ۔

*******

) ش ح –م ش ع-  ش ہ ب )

U.No. 3341

 

(रिलीज़ आईडी: 2205237) आगंतुक पटल : 5