حکومت ہند کے ماہی پروری ، مویشی پروری اور ڈیری کے وزیر جناب راجیو رنجن سنگھ عرف للن سنگھ نے لوک سبھا میں پوچھے گئے ایک سوال کے جواب میں کہا کہ  پچھلی سات دہائیوں کے دوران ہندوستان کے ماہی پروری کے شعبے میں ایک قابل ذکر تبدیلی آئی ہے ، جو بنیادی طور پر سمندر پر مبنی سرگرمی سے ایک اندرونی اور آبی زراعت سے چلنے والے پاور ہاؤس کی طرف منتقل ہوا ہے ۔  مچھلی کی کل پیداوار 51-1950 میں 7.52 لاکھ ٹن سے بڑھ کر25-2024 (عارضی) میں 26 گنا اضافے کے ساتھ 197.75 لاکھ ٹن ہو گئی ۔  پچھلی دہائی کے دوران ، حکومت ہند نے بلیو ریوولوشن اسکیم ، ایف آئی ڈی ایف ، پردھان منتری متسیہ سمپدا یوجنا ، اور پی ایم متسیہ کسان سمردھی سہ یوجنا (پی ایم ایم کے ایس ایس وائی) جیسے بڑے اقدامات کے ذریعے 39,272 کروڑ روپے کی سرمایہ کاری کرکے اس شعبے میں نمایاں اضافہ کیا ہے ۔  ان اقدامات سے مچھلی کی پیداوار14-2013 کے 95.79 لاکھ ٹن سے بڑھ کر 25-2024 (عارضی) میں 197.75 لاکھ ٹن ہو گئی ہے ، جس میں 100فیصد سے زیادہ کا شاندار اضافہ ہوا ہے ۔  ہندوستان کی آبی زراعت  کی اہم پیداوار کیکڑےکی پیداوار میں ، 3.22 لاکھ ٹن (14-2013) سے بڑھ کر ریکارڈ 11.84 لاکھ ٹن (24-2023) ہو کر 267فیصد تک بڑھ گئی ۔  اسی عرصے کے دوران ہندوستان کی سمندری غذا کی برآمدات  مالیت دوگنی سے زیادہ ہو گئی ہے ، جو14-2013 میں 30,213 کروڑ روپے سے بڑھ کر 25-2024 میں 62,408 کروڑ روپے ہو گئی ہیں ، جس میں عالمی منڈیوں میں وبائی امراض کی رکاوٹوں اور مسلسل نان ٹیرف رکاوٹوں کے باوجود 111.73 فیصد اضافہ ہوا ہے ۔

ماہی پروری کا شعبہ ہندوستان کی معیشت اور سماجی تانے بانے کا ایک اہم ستون ہے ، جو تقریباً تین کروڑ ماہی گیروں اور ماہی پروروں  اور ویلیو چین کے کئی لاکھ کارکنوں کی مدد کرتا ہے ۔  مویشیوں سے حاصل پروٹین کےوسیلے کے طور پر  ایک سستی ، غذائیت سے بھرپور ذریعہ کے طور پر ، مچھلی قومی خوراک اور  غذائی تحفظ میں نمایاں کردار ادا کرتی ہے ۔  مچھلی کی پیداوار اور برآمدات میں ہندوستان کی تیز رفتار ترقی تکنیکی اختراع ، مضبوط ادارہ جاتی تعاون اور فعال پالیسی اقدامات سے کارفرما ہے ۔  پردھان منتری متسیہ سمپدا یوجنا (پی ایم ایم ایس وائی) کے تحت محکمہ ماہی پروری نے بنیادی ڈھانچے کو جدید بنایا ہے اور اہم انواع کی جینیاتی بہتری جیسے اقدامات کے ذریعے جدید ٹیکنالوجی متعارف کرائی ہے ۔ افزائشی بینکوں اور افزائشی اسٹاک میں تیز رفتار اضافے سے متعلق مراکز،افزائش کی اکائیوں کا قیام ؛ مختلف اقسام کی مچھلیوں کی افزائش کے لیے تالابوں کی تعمیر ؛ ریس ویز اور آبی ذخائر پرمبنی کیج کلچر کی ترقی ؛ آر اے ایس اور بائیو فلوک نظام کا فروغ؛ سمندری جال  کی توسیع ؛مچھلی کی مختلف اقسام کا فروغ ؛ اور ماہی گیری کے بیڑے کی جدید کاری  سے متعلق اقدامات شامل  ہیں۔ ترقی کو مزید تیز کرنے کے لیے ، پیداوار ، پیداواریت اور قدر میں اضافے کو بڑھانے کے لیے ریاستوں اور مرکز کے زیر انتظام علاقوں میں 34 پروڈکشن اور پروسیسنگ کلسٹروں کو نوٹیفائی کیا گیا ہے ۔

ہندوستان کی سمندری ماہی گیری طویل عرصے سے پائیداری پر مبنی رہی ہے ، جس کی رہنمائی سمندری ماہی گیری سے متعلق قومی پالیسی ، 2017 کرتی ہے ، جو ماہی گیری کے انتظام کے لیے ماحولیاتی نظام پر مبنی نقطہ نظر کو فروغ دیتی ہے ۔  گہرے سمندر میں ماہی گیری کو بڑھانے اور روایتی ماہی گیروں کو ای ای زیڈ کے دور دراز علاقوں تک رسائی کے قابل بنانے پر مضبوط توجہ کے ساتھ ، حکومتی اسکیموں میں مستقل طور پر پائیدار طریقوں کو آگے بڑھایا گیا ہے ۔  پی ایم ایم ایس وائی کے تحت ، گہرے سمندر میں ماہی گیری کے 480 جہازوں اور روایتی ماہی گیروں کے لیے 1338 جہازوں کی اپ گریڈیشن کے لیے مدد فراہم کی گئی ہے ۔  اس سلسلے میں ایک حالیہ ، اہم سنگ میل ای ای زیڈ ضابطے 2025 میں ماہی گیری کے پائیدار استعمال کا نوٹیفکیشن ہے ، جس میں روایتی اور چھوٹے پیمانے کے ماہی گیروں ، کوآپریٹیو اور ایف ایف پی اوز کو غیر استعمال شدہ آف شور وسائل کو بروئے کار لانے ، پروسیسنگ اور برآمد کے مواقع کو بڑھانے اور گہرے سمندر میں ماہی گیری میں قومی خود انحصاری کو مضبوط بنانے کے لیے بااختیار بنایا گیا ہے ۔  سمندری ماہی گیری کی پائیداری کو یقینی بنانے کے لیے سائنس پر مبنی اقدامات جیسے کہ اسپاننگ سیزن کے دوران ماہی گیری پر پابندی ، کم سے کم قانونی احاطہ ، بلااجازات ماہی گیری میں کمی، جہاز کی بہتر ہینڈلنگ ، سمندری ذراعت ، مصنوعی چٹانوں  میں اضافہ  اور مچھلی کی ضروری مسکن جیسے اسپاننگ اور فیڈنگ گراؤنڈز کا تحفظ کیا جاتا ہے ۔  اسکیموں اور پالیسیوں کے ذریعے کیپچر فشریز کے ساتھ ساتھ سمندری زراعت کو بھی فروغ دیا جا رہا ہے ۔  محکمہ نے 21 نومبر 2025 کو ذمہ دار ، جامع ساحلی ترقی کو فروغ دینے کے لیے میری کلچر کے لیے معیاری عملی طور طریقے (2025) پیش کیے۔  آب و ہوا کی تبدیلی کے خلاف مزاحمت پیداکرنے کے لیے ، پی ایم ایم ایس وائی 100 آب و ہوا کے مضبوط نظام سے لیس  ماہی گیروں کے گاؤں تعمیر کر رہا ہے ، جو ساحلی دیہاتوں کو زیادہ لچکدار اور معاشی طور پر متحرک بنا رہا ہے ۔

ماہی پروری ، مویشی پروری اور ڈیری کی وزارت کے محکمہ ماہی پروری نے مارچ 2025 میں فوڈ اینڈ ایگریکلچر آرگنائزیشن (ایف اے او) کے ساتھ "ہندوستان میں بلیو پورٹس کو مضبوط بنانے" کے لیے ایک تکنیکی تعاون پروگرام (ٹی سی پی) پر دستخط کیے ، جس کی مکمل مالی اعانت ایف اے او نے 100,000 امریکی ڈالر مختص کیے تھے جو  ٹی سی پی ونکبرا (دیو) اور جکھاؤ (گجرات) میں دو پائلٹ اسمارٹ اور انٹیگریٹڈ فشنگ ہاربر پروجیکٹوں  میں تعاون کرتا ہے جس کا مقصد ماحولیاتی پائیداری ، آپریشنل کارکردگی اور حفاظت پر گہری  توجہ کے ساتھ ماہی گیری کے بنیادی ڈھانچے کو جدید بنانا ہے ۔  اسمارٹ ٹیکنالوجیز کو مربوط کرکے ، توقع کی جاتی ہے کہ ان بندرگاہوں سے کام کاج میں آسانی پیدا ہوگی اور حفاظتی معیارات کو فروغ حاصل ہوگانیز ماحول دوست طریقوں کو بھی فروغ  حاصل ہوگا۔

اس کے علاوہ ، محکمہ ماہی پروری ، ایف اے او اور حکومت آندھرا پردیش کے تعاون سے ، "آندھرا پردیش آبی زراعت کو ایک پائیدار ، کم فوٹ پرنٹ اور آب و ہوا کے لچکدار غذائی نظام میں تبدیل کرنا" کے عنوان سے ایک عالمی ماحولیاتی سہولت (جی ای ایف-8) پروجیکٹ نافذ کر رہا ہے ۔  یہ پہل ریاست میں پائیدار آبی زراعت کو آگے بڑھانے پر مرکوز ہے ۔  جی ای ایف سکریٹریٹ نے 13,155,657 امریکی ڈالر (تقریباً 18 کروڑ روپے) کی گرانٹ کے ساتھ اس منصوبے کی منظوری دی ہے جو آب و ہوا کے لچکدار اور ماحولیاتی ذمہ دار آبی زراعت کی ترقی کی طرف ایک اہم قدم ہے ۔

پی ایم ایم ایس وائی کے تحت محکمہ ماہی پروری  نے آندھرا پردیش کی 39 سرگرمیوں کے لئے تجاویز کو منظوری دے دی ہے ، جس کی کل لاگت 2,398.72 کروڑ روپے ہے ، جس میں 559.10 کروڑ روپے کا مرکزکی جانب سے تعاون ہے ، جس میں سے 482.55 کروڑ روپے 21-2020 سے 25-2024 کے دوران  جاری کیے گئے ہیں ۔  تلنگانہ کے لئے 347.20 کروڑ روپے کی تجاویز کو منظوری دی گئی ہے ، جس میں 109.92 کروڑ روپے کا مرکزکی جانب سے تعاون شامل ہے جب  کہ ماہی گیرپروری آبی زراعت کی ترقی کے لئے 85.54 کروڑ روپے جاری کیے گئے ہیں ۔

***

ش ح۔ش ب۔ ج ا

U-3329

(रिलीज़ आईडी: 2205087) आगंतुक पटल : 8