چاول، دالوں، مسور اور مٹر سمیت غذائیت سے مالامال غذائی اجناس کو آپریٹیو سوسائٹیوں/ فیڈریشنوں یعنی قومی زرعی کو آپریٹیو مارکیٹنگ فیڈریشن آف انڈیا لمیٹڈ (این اے ایف ای ڈی) اور قومی کوآپریٹیو کنزیومرس فیڈریشن آف انڈیا لمیٹڈ (این سی سی ایف) کے توسط سے نہیں خریدے جاتے۔ تاہم، دھان اور خام دالیں ان کے توسط سے خریدی جاتی ہیں۔

حکومت ہند نے آئرن، فولک ایسڈ اور وٹامن بی 12 سے مالامال چاول تیار کرنے کے لیے مرکزی اسپانسر شدہ اسکیم کا آغاز کیا۔ اس اسکیم کا مقصد مختلف فلاحی اسکیموں یعنی نظام تقسیم، آئی سی ڈی ایس،پی ایم - پوشن، پی ایم جی کے اے وائی وغیرہ کے تحت غذائیت سے مالامال چاول کی تقسیم کے ذریعے معاشرے کے کمزور طبقے میں مائیکرو نیوٹرینٹ کی کمی کے پھیلاؤ کو دور کرنا ہے۔ حکومت ہند نے فورٹیفائیڈ چاول کی آفاقی سپلائی کو جاری رکھنے کی منظوری دی ہے جس میں گورنمنٹ کی تمام فورٹیفائیڈ من یوجنا پراجانا شامل ہیں۔ حکومت ہند نے  پردھان منتری غریب کلیان اَن یوجنا (پی ایم جی کے اے وائی) اور دیگر بہبودی اسکیموں سمیت تمام تر سرکاری اسکیموں کے تحت، جولائی 2024 سے دسمبر 2028 تک غذائیت سے مالامال چاول کی ملک گیر سپلائی کو جاری رکھنے کی منظوری  دے دی ہے۔

پرائمری کوآپریٹو سوسائٹیوں، کوآپریٹو بینکوں اور پی اے سی ایس سے متعلق درخواستوں کے ساتھ حکومت تمل ناڈو سے ایک میمورنڈم موصول ہوا۔ ایک درخواست جو تمام کوآپریٹو سوسائٹیوں بشمول ملٹی اسٹیٹ کوآپریٹو سوسائٹیز اور فیڈریشنز کے لیے مشترک ہے وہ ہے کوآپریٹو مصنوعات اور خدمات کے لیے جی ایس ٹی کی چھوٹ۔ اس سلسلے میں حکومت کی طرف سے اٹھائے گئے اقدامات درج ذیل ہیں:-

حالیہ جی ایس ٹی اصلاحات کے تحت دودھ اور پنیر کی شرح کو صفر کر دیا گیا ہے جبکہ مکھن، گھی، پنیر، دودھ کے ڈبے وغیرہ پر جی ایس ٹی کو 12 فیصد سے کم کر کے 5 فیصد کر دیا گیا ہے۔ کھانے پینے کی اشیا کے وسیع زمرے پر جی ایس ٹی کو 12فیصد/18فیصد سے کم کر کے 5فیصد کر دیا گیا ہے جن میں جیمز، جیلی، پھلوں کا گودا، پھلوں کے رس پر مبنی مشروبات، چاکلیٹ، کارن فلیکس، آئس کریم، پیسٹری، کیک اور بسکٹ شامل ہیں۔ زرعی شعبے میں، اہم کھادوں جیسے امونیا، سلفیورک ایسڈ اور نائٹرک ایسڈ کے ساتھ ساتھ مختلف بائیو پیسٹیسائیڈز اور مائکرو نیوٹرینٹس پر جی ایس ٹی کو 5 فیصد تک کم کر دیا گیا ہے۔ مزید یہ کہ 1800 سی سی سے کم کے ٹریکٹروں اور ٹائروں، ٹیوبوں اور ہائیڈرولک پمپوں سمیت ٹریکٹر کے ضروری اجزاء پر جی ایس ٹی کو 5 فیصد تک کم کر دیا گیا ہے، اس طرح کسانوں اور کوآپریٹیو کے لیے مجموعی ان پٹ لاگت میں کمی آئی ہے۔

مندرجہ بالا تخفیف شدہ جی ایس ٹی کی شرح کوآپریٹیو کی مصنوعات کو مسابقتی بنانے اور ان کی آمدنی میں اضافے کی امید ہے۔

یہ جانکاری امور داخلہ اور امدادِ باہمی کے مرکزی وزیر جناب امت شاہ کے ذریعہ لوک سبھا میں ایک تحریری جواب میں دی گئی۔

******

 

(ش ح –ا ب ن)

U.No:3289

(ریلیز آئی ڈی: 2204845) وزیٹر کاؤنٹر : 35