سہکار سارتھی (مشترکہ سروس یونٹ – ایس ایس ای) کی بنیاد دیہی تعاون بینکوں (آر سی بی) کو جدید بینکنگ خدمات فراہم کرنے کے قابل بنانے کے لیے رکھی گئی ہے۔

ریزرو بینک آف انڈیا کی منظوری کے بعد، سہکار سارتھی کو 21 جولائی 2025 کو قائم اور رجسٹر کیا گیا۔ اس کا مجاز سرمایہ 1,000 کروڑ ہے، جس میں نابارڈ   این سی ڈی سی اور دیہی کوآپریٹو بینکوں (آر سی بی) کی شیئر ہولڈنگ بالترتیب 33.33فیصد مقرر کی گئی ہے۔

سہکار سارتھی دیہی کوآپریٹو بینکوں (آر سی بی) کو مشترکہ تکنیکی بنیادی ڈھانچہ اور ڈیجیٹل خدمات فراہم کرتا ہے،جن میں درج ذیل شامل ہیں:

• مشترکہ اور جدید بنیادی بینکنگ حل (سی بی ایس)
• ڈیجیٹل ادائیگی کے نظام جیسے آدھار فعال ادائیگی کے نظام (اے ای پی ایس، یو پی آئی اور متعلقہ ڈیجیٹل چینلز
• سائبر سکیورٹی فریم ورک، آئی ٹی گورننس اور ڈومین مائیگریشن سپورٹ (مثلاً، بینک ڈاٹ اِن)
• معیاری آپریٹنگ طریقہ کار (ایس او پی)، تربیت، اور ٹیکنالوجی کو اپنانے کے لئے صلاحیت کی تعمیر

ان اقدامات کے ذریعے، ‘سہکار سارتھی’ دیہی کوآپریٹو بینکوں کو جدید اور معیاری ڈیجیٹل بینکنگ خدمات فراہم کرنے، صارفین کی رسائی کو بڑھانے، آپریشنل کارکردگی کو مضبوط بنانے اور دیگر ریگولیٹڈ بینکنگ اداروں کے برابر عصری مالیاتی ٹیکنالوجیز کو اپنانے کے قابل بناتا ہے۔

یہ معلومات داخلی امور اور امداد باہمی کے  مرکزی وزیر جناب امت شاہ نے لوک سبھا میں ایک سوال کے تحریری جواب میں دی۔

***

ش ح۔ ک ا۔ ج

U.NO.3277

(रिलीज़ आईडी: 2204790) आगंतुक पटल : 11