30.11.2025 ਤੱਕ, ਅਟਲ ਪੈਨਸ਼ਨ ਯੋਜਨਾ (ਏਪੀਵਾਈ) ਦੇ ਤਹਿਤ ਕੁੱਲ 8,45,17,419 ਗ੍ਰਾਹਕਾਂ ਨੇ ਨਾਮ ਦਰਜ ਕਰਵਾਇਆ ਹੈ। 

ਪੰਜ ਪੈਨਸ਼ਨ ਸਲੈਬਾਂ ਵਿੱਚ ਪੈਨਸ਼ਨ ਪ੍ਰਾਪਤ ਕਰਨ ਵਾਲਿਆਂ ਦੀ ਵੰਡ ਦੀ ਜਾਣਕਾਰੀ (30.11.2025 ਤੱਕ) ਇਸ ਪ੍ਰਕਾਰ ਹਨ:

 

ਪੈਨਸ਼ਨ ਸਲੈਬ	ਕੁੱਲ ਨਾਮਾਂਕਣ	ਪ੍ਰਤੀਸ਼ਤ
1,000	7,34,79,553	86.91%
2,000	25,34,949	3.00%
3,000	11,86,898	1.41%
4,000	4,46,102	0.53%
5,000	68,69,917	8.15%
ਕੁੱਲ	8,45,17,419	100%

 

ਏਪੀਵਾਈ ਨੂੰ 09.05.2015 ਨੂੰ ਸਾਰੇ ਭਾਰਤੀਆਂ, ਖਾਸ ਕਰਕੇ ਗ਼ਰੀਬਾਂ, ਵੰਚਿਤਾਂ ਅਤੇ ਅਸੰਗਠਿਤ ਖੇਤਰ ਦੇ ਮਜ਼ਦੂਰਾਂ ਲਈ ਇੱਕ ਜਨਤਕ ਸਮਾਜਿਕ ਸੁਰੱਖਿਆ ਪ੍ਰਣਾਲੀ ਬਣਾਉਣ ਦੇ ਉਦੇਸ਼ ਨਾਲ ਲਾਗੂ ਕੀਤਾ ਗਿਆ ਸੀ। ਏਪੀਵਾਈ ਸਕੀਮ ਹਰ ਮਹੀਨੇ 1000 ਰੁਪਏ, 2000 ਰੁਪਏ, 3000 ਰੁਪਏ, 4000 ਰੁਪਏ ਜਾਂ 5000 ਰੁਪਏ ਦੀ ਨਿਸ਼ਚਿਤ ਘੱਟੋ-ਘੱਟ ਗਰੰਟਿਡ ਪੈਨਸ਼ਨ ਦਿੰਦੀ ਹੈ। ਇਸ ਅਨੁਸਾਰ, ਹਾਲੇ ਸ਼ਾਮਲ ਹੋਣ ਦੀ ਉਮਰ ਅਤੇ ਚੁਣੀ ਗਈ ਪੈਨਸ਼ਨ ਦੀ ਰਕਮ ਦੇ ਅਧਾਰ ‘ਤੇ ਸਬਸਕ੍ਰਿਪਸ਼ਨ ਦੀ ਰਕਮ ਹਰ ਮਹੀਨੇ 42 ਰੁਪਏ ਤੋਂ 1454 ਰੁਪਏ ਤੱਕ ਹੁੰਦੀ ਹੈ। ਪੈਨਸ਼ਨ ਦੀ ਰਕਮ ਵਿੱਚ ਕਿਸੇ ਵੀ ਵਾਧੇ ਨਾਲ ਸਬਸਕ੍ਰਿਪਸ਼ਨ ਦੀ ਰਕਮ ਵਿੱਚ ਕਾਫੀ ਵਾਧਾ ਹੋਣ ਦੀ ਸੰਭਾਵਨਾ ਹੈ ਅਤੇ ਦਰਜ ਕੀਤੇ ਗਏ ਗ੍ਰਾਹਕ ‘ਤੇ ਹੋਰ ਬੋਝ ਪਵੇਗਾ। ਘੱਟ ਪੈਨਸ਼ਨ ਸਲੈਬ ਵਿੱਚ ਨਾਮਾਂਕਣ ਤੋਂ ਪਤਾ ਲਗਦਾ ਹੈ ਕਿ ਏਪੀਵਾਈ ਸਭ ਤੋਂ ਗ਼ਰੀਬ ਲੋਕਾਂ ਤੱਕ ਪਹੁੰਚ ਰਹੀ ਹੈ।

ਹੁਣ ਤੱਕ, ਇਹ ਤੈਅ ਕੀਤਾ ਗਿਆ ਹੈ ਕਿ ਇਸ ਯੋਜਨਾ ਨੂੰ ਉਨ੍ਹਾਂ ਹੀ ਨਿਯਮਾਂ ਅਤੇ ਸ਼ਰਤਾਂ ਦੇ ਨਾਲ ਜਾਰੀ ਰੱਖਿਆ ਜਾਵੇਗਾ ਅਤੇ ਪੈਨਸ਼ਨ ਅਤੇ ਉਸ ਤੋਂ ਬਾਅਦ ਸਬਸਕ੍ਰਿਪਸ਼ਨ ਦੀ ਰਕਮ ਵਿੱਚ ਹੋਰ ਵਾਧਾ ਨਹੀਂ ਕੀਤਾ ਜਾਵੇਗਾ।

ਇਹ ਜਾਣਕਾਰੀ ਵਿੱਤ ਮੰਤਰਾਲੇ ਵਿੱਚ ਰਾਜ ਮੰਤਰੀ ਸ਼੍ਰੀ ਪੰਕਜ ਚੌਧਰੀ ਨੇ ਅੱਜ ਲੋਕ ਸਭਾ ਵਿੱਚ ਇੱਕ ਸਵਾਲ ਦੇ ਲਿਖਤੀ ਜਵਾਬ ਵਿੱਚ ਦਿੱਤੀ। 

*****

ਐੱਨਬੀ/ਪੀਕੇ/ਏਕੇ

(Release ID: 2204606) ਵਿਜ਼ੀਟਰ ਕਾਊਂਟਰ : 23