ہندوستان کے قومی انسانی حقوق کمیشن (این ایچ آر سی) نے اپنا چار ہفتوں کا ذاتی طور پر سرمائی انٹرنشپ پروگرام (ڈبلیو آئی پی)-2025 شروع کیا ، جو 15 دسمبر 2025 سے 9 جنوری 2026 تک نئی دہلی میں جارہ رہے گا ۔  مختلف تعلیمی پس منظر سے تعلق رکھنے والے کل 80 یونیورسٹی سطح کے طلباء اس پروگرام میں شرکت کر رہے ہیں ۔  انہیں ملک کی 19 ریاستوں اور مرکز کے زیر انتظام علاقوں کے مختلف اداروں کی نمائندگی کرنے والے 1,485 درخواست دہندگان میں سے شارٹ لسٹ کیا گیا تھا ۔

اس کا افتتاح کرتے ہوئے ، این ایچ آر سی ، انڈیا کے چیئرپرسن  جسٹس وی راماسبرامنین نے کہا کہ انٹرن شپ ہندوستان جیسے متنوع ملک میں ذاتی طور پر ایک دوسرے سے سیکھنے کے لیے اپنی نوعیت ایک منفرد پلیٹ فارم ہے ۔  انہوں نے کہا کہ اس کا مقصد انسانی حقوق کی گفتگو میں بامعنی بصیرت فراہم کرنا ہے اور انٹرنز پر زور دیا کہ وہ ان اقدار کو گھر ، کام کی جگہ اور معاشرے کے اندر اپنی روزمرہ کی زندگی میں شامل کریں ، تاکہ وہ قوم کی تعمیر میں مؤثر طریقے سے اپنا تعاون دے سکیں ۔

اپنے کلیدی خطاب میں ، این ایچ آر سی ، انڈیا کے سکریٹری جنرل  جناب بھرت لال نے انسانی حقوق کے مقصد کو آگے بڑھانے میں نوجوانوں کے اہم کردار پر زور دیا ۔  انہوں نے انٹرنز پر زور دیا کہ وہ ہمدردانہ  اور مخلصانہ گہرا احساس پیدا کریں ، جس کی جڑیں ہندوستان کے آئین اور ملک کی تہذیبی اقدار میں مضمر ہیں ۔  انہوں نے ان پر زور دیا کہ وہ انٹرن شپ کو اپنے نقطہ نظر کو وسیع کرنے اور ایک جامع ، مساوی اور منصفانہ معاشرے کی تعمیر کے لیے استعمال کریں ۔

اس سے قبل ، انٹرن شپ پروگرام کا جائزہ پیش کرتے ہوئے ، این ایچ آر سی ، انڈیا کی جوائنٹ سکریٹری ، محترمہ سیڈنگپوئی چھکچھواک نے کہا کہ موضوع کے ماہرین کے ساتھ بات کے سیشنز کے علاوہ ، انٹرنز کے پاس گروپ ریسرچ پروجیکٹس ، بک ریویوز اورمباحثے کےمقابلے ہوں گے، جن کا مقصد انٹرنز کی انسانی حقوق کے مسائل کی سمجھ کو بڑھانا اور ان سے نمٹنے کے لیے اختراعی نکتہ نظر کو فروغ دینا ہے ۔

این ایچ آر سی ، انڈیا کے ڈائریکٹر لیفٹیننٹ کرنل وریندر سنگھ نے اظہارتشکر کیا ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 (ش ح –م ش۔ ق ر)

U. No.3254

(रिलीज़ आईडी: 2204583) आगंतुक पटल : 9