دستخط کئے جانے والے پروجیکٹوں میں اپ گریڈشدہ انڈسٹریل ٹریننگ انسٹی ٹیوٹ پروگرام کے ذریعے پردھان منتری اسکلنگ اینڈ امپلائبلٹی ٹرانسفارمیشن  کی حمایت؛ پردھان منتری سوریہ گھر کی حمایت میں سستی اور جامع روف ٹاپ سولر سسٹم ڈیولپمنٹ پروگرام کو تیز کرنا: مفت بجلی یوجنا (پی ایم ایس جی ایم بی وائی) آسام اسٹیٹ ٹیرٹئری ہیلتھ کیئر اگمینٹیشن پروجیکٹ ؛ چنئی میٹرو ریل انویسٹمنٹ پروجیکٹ ؛ اور میگھالیہ میں مربوط ماحولیاتی سیاحت اور پائیدار زراعت پر مبنی روزی روٹی کے ذرائع کی ترقی کے پروجیکٹ شامل ہیں

حکومت ہند اور ایشیائی ترقیاتی بینک (اے ڈی بی)نے آج مختلف ترقیاتی منصوبوں کی حمایت کے لئے مجموعی طور پر 2.2 ارب امریکی ڈالر سے زیادہ کے پانچ قرض کے معاہدوں پر دستخط کیے ۔  اس  مالی اعانت سےتین ریاستوں میں صحت کی نگہداشت ، میٹرو کی ترقی اور ماحولیاتی سیاحت کے فروغ کی حمایت کرنے والے منصوبوں کے ساتھ ساتھ ہنر مندی اور چھت پر شمسی توانائی کے سسٹم کی تعیناتی سے متعلق ہندوستان کے قومی فلیگ شپ پروگراموں کے تحت اقدامات کو تقویت ملے گی۔

قرض کے معاہدوں کو حتمی شکل دینے کے لیے اے ڈی بی کے ساتھ حکومت ہند کی بات چیت جناب بلدیو پروشرتھ ، جوائنٹ سکریٹری (اے ڈی بی اور جاپان) محکمہ اقتصادی امور کی رہنمائی میں کی گئی ۔  اسی کے مطابق ، قرض کے معاہدوں پر حکومت ہند کی جانب سے وزارت خزانہ کے محکمہ اقتصادی امور کے ڈپٹی سکریٹری جناب سوربھ سنگھ اور اے ڈی بی کی جانب سے انڈیا ریزیڈنٹ مشن کی افسر انچارج اور ڈپٹی کنٹری ڈائریکٹر محترمہ آرتی مہرا نے دستخط کیے ۔

دستخط کئے جانے والے پروجیکٹوں میں اپ گریڈشدہ انڈسٹریل ٹریننگ انسٹی ٹیوٹ پروگرام (846 ملین ڈالر) کے ذریعے پردھان منتری اسکلنگ اور ایمپلائبلٹی ٹرانسفارمیشن کی حمایت ؛ سستے اور جامع روف ٹاپ سولر سسٹم ڈیولپمنٹ پروگرام (ذیلی پروگرام 1-650 ملین امریکی ڈالر) ، آسام اسٹیٹ ٹیرٹئری ہیلتھ کیئر اگمینٹیشن پروجیکٹ (اے ایس ٹی ایچ اے-398.8 ملین امریکی ڈالر) ، چنئی میٹرو ریل انویسٹمنٹ پروجیکٹ (قسط 2-240 ملین امریکی ڈالر) اور انٹیگریٹڈ ایکو ٹورزم اور میگھالیہ میں زراعت پر مبنی پائیدار روزی روٹی کے ذرائع کی ترقی (77 ملین امریکی ڈالر) کے پروجیکٹ شامل ہیں ۔

اپ گریڈشدہ انڈسٹریل ٹریننگ انسٹی ٹیوٹ پروگرام کے ذریعے پردھان منتری اسکلنگ اور ایمپلائبلٹی ٹرانسفارمیشن کی حمایت کے لیے اے ڈی بی کی مالی اعانت کا مقصد ہندوستان کے مینوفیکچرنگ اور ابھرتے ہوئے ٹیکنالوجی کے شعبوں کے لیے مستقبل کےلحاظ سے تیار افرادی قوت پیدا کرنا ہے۔ اس مقصدکو 12 ریاستوں میں 650 آئی ٹی آئی کی جدید کاری اور اعلی درجے کے ٹرینر پیدا کرنے کے واسطے پانچ نیشنل اسکل ٹریننگ انسٹی ٹیوٹ کو سینٹر آف ایکسی لینس میں اپ گریڈ کرکے حاصل کیا جائے گا ۔  اس سے قابل تجدید توانائی ، الیکٹرک موبلٹی اور ایڈوانسڈ مینوفیکچرنگ جیسے اعلی ترقیاتی شعبوں میں طلب پر مبنی کورسز فراہم کرنے میں مدد ملے گی ، جس سے کم از کم 13لاکھ نوجوانوں کے لیے روزگار کے مواقع کا اضافہ ہوگا۔

ایکسلریٹنگ افورڈیبل اینڈ انکلوسیو روف ٹاپ سولر سسٹم ڈیولپمنٹ پروگرام (ذیلی پروگرام 1) کے لیے مالی اعانت سے پردھان منتری سوریہ گھر: مفت بجلی یوجنا (پی ایم ایس جی ایم بی وائی) میں مدد ملے گی جس کا مقصد ملک بھر میں روف ٹاپ سولرسسٹم  کو اپنانے میں تیزی لانا اور 2027 تک ایک کروڑ گھروں کے لیے صاف ، سستی توانائی تک رسائی فراہم کرنا ہے۔ یہ پروگرام رہائشی گھروں میں روف ٹاپ سولر سسٹم کے لیے یکساں رہنما ہدایات اور معیارات تیار کرنے کے لیے اصلاحات کو فروغ دے کر اور بعیر گارنٹی کے کم سود والے قرض کی فراہمی کے ذریعے کم اور درمیانی آمدنی والے گھرانوں میں بڑے پیمانے پر اپنانے کی سہولت فراہم کر کے روف ٹاپ سولر سسٹم کو اپنانے میں تیزی لائے گا ۔

آسام اسٹیٹ ٹرٹئری ہیلتھ کیئر اگمینٹیشن پروجیکٹ کا مقصد ریاست کےنظامِ صحت میں اہم خلاء اور صحت کی نگہداشت اور طبی تعلیمی نظام کو جدید بنا کر ٹرٹئری کیئر کے فقدان کو دور کرنا ہے ۔ اس میں گوہاٹی ، ڈبرو گڑھ اور سلچر میں واقع میڈیکل کالجوں کو جدید بنانا شامل ہے جو سریمنت شنکر دیو یونیورسٹی آف ہیلتھ سائنسز کے تحت سینٹرآف ایکسلنس کے طور پر کام کریں گے ۔

چنئی میٹرو ریل انویسٹمنٹ پروجیکٹ کے لیے دوسری قسط کا قرض تین میٹرو لائنوں کے اہم حصوں کے ساتھ میٹرو نیٹ ورک کی توسیع میں مدد کرے گا جس میں 20 کلومیٹر ایلیویٹڈ اور انڈر گراؤنڈ کوریڈور اور 18 نئے اسٹیشن شامل ہیں ۔ نئے اسٹیشنوں کو یکساں رسائی کی خصوصیات اور آب و ہوا کے لحاظ سے لچکدار بنیادی ڈھانچے سے لیس کیا جائے گا تاکہ ناساز گار موسمی حالات  کے دوران مسافروں اور خدمات کو محفوظ کیا جا سکے ۔

آخر میں ، میگھالیہ پروجیکٹ میں مربوط ایکو ٹورزم اور زراعت پر مبنی پائیدار روزی روٹی کے ذرائع کی ترقی کے لیے مالی اعانت سے کسانوں کی آمدنی اضافہ کرکے ریاست کے پسندیدہ ایکو ٹورزم منزل بننے کے وژن کی حمایت ہوگی۔ فطرت پر مبنی سیاحت کو آب و ہوا کے لحاظ سےحساس کاشتکاری اور جنگلات کے تحفظ سے مربوط کرکے ، یہ منصوبہ خواتین اور مقامی برادریوں سمیت 8,000 سے زیادہ مقامی مستفیدین کے لیے معاشی مواقع پیدا کرنے میں مددگار ہو گا ۔

************

(ش ح ۔ م ش ع  ۔  م ق ا)

Urdu No-3228

(रिलीज़ आईडी: 2204486) आगंतुक पटल : 6