ریزرو بینک آف انڈیا (آر بی آئی) کے مطابق، بقایا تعلیمی قرضوں کے حوالے سے، پبلک سیکٹر بینکوں (پی ایس بیز) کے مجموعی نان پرفارمنگ اثاثے (این پی اے) مالی سال 2020-21 میں 7فی صد سے کم ہو کر مالی سال 2024-25 میں 2فی صد رہ گئے، جو تعلیمی قرضوں کے اثاثہ جات کے معیار میں برسوں کے دوران نمایاں بہتری کو ظاہر کرتا ہے۔ اس حوالے سے ریاستی معلومات آر بی آئی برقرار نہیں رکھتی۔

ریگولیٹڈ اداروں (آر ایز) کے کریڈٹ سے متعلق معاملات بڑی حد تک غیر منظم ہوتے ہیں اور یہ بورڈ کی منظور شدہ آر ایز کی قرض پالیسیوں کے تحت ہوتے ہیں جو متعلقہ ریگولیٹری اور قانونی تقاضوں اور قرض کے معاہدے کی شرائط و ضوابط کے تحت ترتیب دی گئی ہیں۔ آر بی آئی نے بینکوں کو مشورہ دیا ہے کہ وہ بورڈ کی منظور شدہ قرض پالیسی نافذ کریں اور وہ مذکورہ پالیسی کے مطابق کریڈٹ سے متعلق فیصلے کریں، قواعد و ضوابط کے رہنما اصولوں کے تابع۔

مزید برآں، آر بی آئی نے بحالی کو بہتر بنانے اور بینکوں میں ابھرتے ہوئے/قائم شدہ دباؤ کو حل کرنے کے لیے کئی اقدامات کیے ہیں، جن میں آر بی آئی (کمرشل بینک – دباؤ والے اثاثوں کا حل) ہدایات 2025 کے تحت دباؤ والے اثاثوں کے حل کے لیے پروڈنشل فریم ورک کا اجرا شامل ہے، جو ایک اصولی بنیاد پر فریم ورک ہے اور ڈیفالٹ کی جلد شناخت اور وقت کے ساتھ حل کی سہولت فراہم کرتا ہے۔

تمام شیڈولڈ کمرشل بینکوں (ایس سی بیز) کو ریزرو بینک آف انڈیا (آر بی آئی) نے ماڈل ایجوکیشن لون اسکیم (ایم ای ایل ایس) اپنانے کا مشورہ دیا ہے، (آخری ترمیم 21.3.2024واں کو کی گئی تھی)۔ یہ اسکیم دیگر کے علا ضرورت کی بنیاد پر تعلیمی قرض فراہم کرتی ہے اور  7.50لاکھ  روپے تک کے قرضوں کے لیے کوئی ضمانت یا تھرڈ پارٹی گارنٹی درکار نہیں ہوتی، بشرطیکہ سنٹرل سیکٹر انٹرسٹ سبسڈی اسکیم (سی ایس آئی ایس)/ کریڈٹ گارنٹی فنڈ اسکیم فار ایجوکیشن لون (سی جی ایف ای ایل) کے اہل ہوں۔

پبلک سیکٹر بینک (پی ایس بیز) بھی اپنے بورڈ کی منظور شدہ پالیسیوں کے مطابق  7.50 لاکھ روپے سے زائد ضمانتی مفت قرضے فراہم کرتے ہیں۔

مزید برآں، آر بی آئی نے سرکلر آر پی سی ڈی کے ذریعے۔ ایس ایم ای اینڈ این ایف ایس۔ بی سی۔ نمبر 69/06.12.005 /2009-10 مورخہ 12 اپریل 2010، کولیٹرل فری لونز - ایجوکیشنل لون اسکیم کے حوالے سے، مشورہ دیا ہے کہ بینکوں کو تعلیمی قرضوں کے لیے لازمی طور پر 4 لاکھ روپے تک کی ضمانت حاصل نہیں کرنی چاہیے۔

مزید برآں، پی ایم ودیالکشمی اسکیم 06.11.2024 کو شروع کی گئی ہے، جو بینکوں کے ذریعے باصلاحیت طلبا کو قرضے فراہم کرتی ہے تاکہ مالی مشکلات بھارت کے کسی بھی نوجوان کو معیاری اعلیٰ تعلیم حاصل کرنے سے روک نہ سکیں۔ یہ اسکیم ملک کے اعلیٰ معیار کے اعلیٰ تعلیمی اداروں (QHEIs) میں داخلہ لینے والے باصلاحیت طلبا کو تعلیمی قرضے فراہم کرتی ہے اور ان QHEIs کے قابل طلبا کو سادہ، شفاف، طلبا کے لیے دوستانہ درخواست کے عمل کے ذریعے بغیر ضمانت کے تعلیمی قرضے لینے کے قابل بناتی ہے۔

یہ معلومات خزانہ کے وزیر مملکت جناب پنکج چودھری نے آج لوک سبھا میں ایک سوال کے تحریری جواب میں دی۔

***

(ش ح – ع ا)

U. No. 3224