مرکزی آلودگی کنٹرول بورڈ (سی پی سی بی) کے یومیہ اے کیو آئی بلیٹن کے مطابق ، آج دہلی کا یومیہ اوسط اے کیو آئی شام 4 بجے 431 ریکارڈ کیا گیا ، جو آج شام 6 بجے مزید بڑھ کر 441 ہو گیا ۔  دہلی-این سی آر میں موسمیاتی حالات کی وجہ سے اے کیو آئی میں بڑھتے رجحان کے پیش نظر ، این سی آر اور ملحقہ علاقوں میں ایئر کوالٹی مینجمنٹ کمیشن (سی اے کیو ایم) کی گریڈیڈ رسپانس ایکشن پلان کی ذیلی کمیٹی نے آج ایک ہنگامی میٹنگ کی ۔

ذیلی کمیٹی نے خطے میں مجموعی ہوا کے معیار کے منظر نامے کے ساتھ ساتھ موسمیاتی حالات اور آئی ایم ڈی/آئی آئی ٹی ایم کی طرف سے دستیاب ہوا کے معیار کے انڈیکس کی پیش گوئیوں کا جامع جائزہ لیتے ہوئے مشاہدہ کیا کہ آج شام 4 بجے دہلی کے لیے اوسط اے کیو آئی 431 ریکارڈ کیا گیا جس میں مسلسل اضافہ ہونا شروع ہوا ۔  آج شام 5 بجے ، دہلی کے لیے اوسط اے کیو آئی 436 ریکارڈ کیا گیا ، جو مسلسل غیر موافق موسمیاتی اور موسمی حالات کی وجہ سے شام 6 بجے بڑھ کر 441 ہو گیا ۔

اس اچانک اضافے کا بنیادی سبب اخراج  نہیں بلکہ شمال مغربی بھارت کی طرف بڑھ رہا کمزور مغربی گرداب ہے۔ موجودہ موسمی حالات کی وجہ سے ہوا کی رفتار میں نمایاں کمی آئی ہے، جو کئی بار بالکل ساکن ہو جاتی ہے، ہوا کی سمت مغرب سے مشرق کی جانب منتقل ہوئی ہے، اور نچلے فضا میں نمی کی مقدار میں اضافہ ریکارڈ کیا گیا ہے۔ سردیوں کے دوران یہ حالات سموگ اور دھند کے بننے کے لیے سازگار ہوتے ہیں، جس کے نتیجے میں آلودہ ذرات مناسب طور پر منتشر نہیں ہو پاتے اور زمین کی سطح کے قریب پھنس جاتے ہیں۔ انہی ناموافق موسمی حالات کی وجہ سے فضائی معیار میں اچانک کمی دیکھی گئی ہے۔

خطے میں موجودہ فضائی معیار کے رجحانات کو مدنظر رکھتے ہوئے اور فضائی معیار میں مزید کمی کو روکنے کے مقصد سے، ذیلی کمیٹی نے آج موجودہ جی آر اے پی کے مرحلہ چہارم - ‘شدید+’ فضائی معیار(دہلی کا اے کیو آئی> 450)کے تحت تجویز کردہ تمام اقدامات کو پورے این سی آر میں فوری طور پر نافذ کرنے کا فیصلہ کیا ہے۔یہ فیصلہ موجودہ جی آر اے پی کے مرحلہ I، II اور III کے تحت پہلے سے نافذ کیے گئے حفاظتی/پابندی اقدامات کے علاوہ ہے۔ جی آر اے پیکے تحت اقدامات کے نفاذ کے لیے ذمہ دار مختلف ایجنسیوں اور این سی آر کے آلودگی کنٹرول بورڈز (پی سی بی ایس) اور ڈی پی سی سی کو بھی اس مدت کے دوران، مرحلہ I، II اور III کے تحت پہلے سے نافذ تمام اقدامات کے علاوہ، موجودہ جی آر اے پی کے مرحلہ چہارم کی شیڈول کے مطابق اقدامات کے سخت نفاذ کو یقینی بنانے کے ہدایات دی گئی ہیں۔

موجودہ جی آر اے پی کے چوتھے مرحلے کے مطابق 5 نکاتی ایکشن پلان پورے این سی آر میں فوری طور پر لاگو کیا گیاہے ۔  اس 5 نکاتی ایکشن پلان میں این سی آر اور ڈی پی سی سی کی مختلف ایجنسیوں اور آلودگی کنٹرول بورڈز کے ذریعے نافذ/یقینی بنائے جانے والے اقدامات شامل ہیں ۔  یہ اقدامات درج ذیل ہیں:

1. دہلی میں بی ایس-IV ٹرک ٹریفک کے داخلے پر پابندی (سوائے ان ٹرکوں کے جو ضروری اشیاء لے کر آ رہے ہوں یا ضروری خدمات فراہم کر رہے ہوں)۔

تاہم، تمام ایل این جی، سی این جی، الیکٹرک اور بی ایس-IV ڈیزل ٹرک دہلی میں داخل ہونے کی اجازت حاصل کریں گے۔

2. دہلی میں دہلی رجسٹرڈ ڈیزل پر چلنے والے بی ایس-IV اور اس سے کم کیٹگری کے ہیوی گڈز وہیکلز (ایچ جی وی ایس) کے چلانے پر سخت پابندی، سوائے ان کے جو ضروری اشیاء لے کر آ رہے ہوں یا ضروری خدمات فراہم کر رہے ہوں۔
3. جی آر اے پی کے مرحلہ III کے مطابق، تعمیرات اور انہدام (سی اینڈ ڈی) کی سرگرمیوں پر پابندی عائد کی جائے گی، جو لائنر پبلک پروجیکٹس جیسے ہائی ویز، سڑکیں، فلائی اوورز، اوور برج، پاور ٹرانسمیشن، پائپ لائنز، ٹیلی کمیونیکیشن وغیرہ پر بھی لاگو ہوگی۔

4.

i. این سی آر کی ریاستی حکومتوں اور نیشنل کیپیٹل ریجن دہلی حکومت (جی این سی ٹی ڈی)کو ہدایت دی گئی ہے کہ وہ این سی ٹی دہلی کے حدود اور گڑگاؤں، فریدآباد، غازی آباد اور گوتم بدھ نگر اضلاع میں کلاس VI سے IX اور XI تک کے طلبہ کے لیے اسکولوں میں کلاسز کو لازمی طور پر “ہائبرڈ” موڈ میں، یعنی جسمانی اور آن لائن (جہاں آن لائن ممکن ہو) دونوں طریقوں سے یقینی بنائیں۔

ii. این سی آر کی ریاستی حکومتیں این سی آر کے دیگر علاقوں میں بھی طلبہ کے لیے مذکورہ “ہائبرڈ” موڈ میں کلاسز کے انعقاد پر غور کر سکتی ہیں۔

 نوٹ: جہاں بھی آن لائن تعلیم کا اختیار دستیاب ہو، اسے استعمال کرنے کا فیصلہ طلبہ اور ان کے والدین/سرپرستوں پر منحصر ہوگا۔

.5ریاستی حکومتیں اضافی ہنگامی اقدامات پر غور کر سکتی ہیں، جیسے کہ کالجوں اور تعلیمی اداروں کو بند کرنا، غیر ہنگامی تجارتی سرگرمیوں کو معطل کرنااور گاڑیوں کے چلانے کے لیے رجسٹریشن نمبروں کے حساب سے طاق و جفت (آڈ -ایوین) بنیاد پر اجازت دینا وغیرہ۔

مزید برآں،سی اے کیو ایم دہلی این سی آر کے شہریوں سے درخواست کرتا ہے کہ وہ مرحلہ I،II اور III کے شہری چارٹر کے ساتھ ساتھ، جی آر اے پی کے تحت شہری چارٹر کی بھی پابندی کریں اور خطے میں فضائی معیار کو برقرار رکھنے اور بہتر بنانے کے لیےجی آر اے پی اقدامات کے مؤثر نفاذ میں تعاون فراہم کریں۔ شہریوں کو درج ذیل ہدایات دی جاتی ہیں:

• بچے، بزرگ اور وہ افراد جو سانس، دل، دماغ کی خون کی نالیوں یا دیگر دائمی بیماریوں سے متاثر ہیں، جہاں تک ممکن ہو باہر جانے سے گریز کریں اور گھر کے اندر رہیں۔ اگر باہر جانا ضروری ہو تو ماسک پہننے کی ہدایت کی جاتی ہے۔

جی آر اے کا موجودہ شیڈول کمیشن کی ویب سائٹ پر دستیاب ہے اور اسے https://caqm.nic.in  پر دیکھا جا سکتا ہے۔

***

ش ح۔ش ت۔ ش ا

U. No-3161

(रिलीज़ आईडी: 2203920) आगंतुक पटल : 32