سیاحت  کے مرکزی وزیر   ، جناب گجیندر سنگھ شیخاوت نے آج کہا کہ اگرچہ آزادی کے بعد کے عشروں میں بھارت میں سڑک اور ریل کے بنیادی ڈھانچے میں بتدریج ترقی ہوئی، لیکن گزشتہ 11 برسوں میں سڑکوں، ریلوے اور آبی راستوں کے شعبوں میں ایک انقلابی تبدیلی دیکھنے میں آئی ہے۔ بنیادی ڈھانچہ میں اس غیرمعمولی پیش رفت نے نہ صرف قومی معیشت کو مضبوط کیا ہے بلکہ سیاحت کے شعبے میں بھی بے مثال اضافہ کو جنم دیا ہے۔

نئی دہلی میں پریس کانفرنس سے خطاب کرتے ہوئے جناب شیخاوت نے کہا کہ گزشتہ دہائی میں بھارت کے سیاحتی شعبے نے تاریخی وسعت حاصل کی ہے، جسے ہدف بند پالیسی اقدامات، وسیع بنیادی ڈھانچے کی تعمیر اور عالمی سطح پر مسلسل برانڈنگ کوششوں نے مضبوط بنایا ہے۔ ان کامیابیوں سے ظاہر ہوتا ہے کہ بھارت بین الاقوامی اور ملکی دونوں طرح کے مسافروں کے لیے ایک ترجیحی سیاحتی منزل کے طور پر ابھر رہا ہے۔

 

سیاحوں کی آمد میں تیز اضافہ

• ہندوستان میں 2014–2024 کے دوران 161.16 ملین بین الاقوامی سیاحوں کی آمد  ریکارڈ کی گئی۔
• غیر ملکی سیاحوں کی آمد 2014–2024 کے دوران 86.22 ملین تک بڑھ گئی، جو 2004–2013 میں 52.99 ملین تھی۔
• غیر ملکی زرمبادلہ آمدنی 2014–2024 کے دوران 18.85 لاکھ کروڑ روپے رہی—جو 2004–2013 میں حاصل ہونے والے 6.01 لاکھ کروڑ روپے سے تین گنا سے زائد ہے۔
• گھریلو سیاحتی دورے  2014–2024 کے دوران 18,639.35 ملین تک پہنچ گئے، جبکہ 2004–2013 میں یہ 6,779.10 ملین تھے۔

وسیع پیمانے پر سیاحتی بنیادی ڈھانچے کی توسیع

سوودیش درشن اسکیم (2015 سے)

• 76 منصوبے 5,290.33 کروڑ روپے کی لاگت سے منظور ہوئے؛ 75 منصوبے عملی طور پر مکمل کیے گئے۔

سوودیش درشن 2.0 – پائیدار اور منزل مرکوز سیاحت

• 53 منصوبے 2,208.27 کروڑ روپے کی لاگت سے ذمہ دار اور سیاح مرکوز ترقی کے لیے منظور کیے گئے۔

چیلنج بیسڈ ڈیسٹینیشن ڈیولپمنٹ (

• 36 منصوبے 648.11 کروڑ روپے کی لاگت سے منظور کیے گئے، جن میں شامل ہیں:
  • روحانی سیاحت
  • ثقافت اور ورثہ
  • وائبرینٹ ولیج پروگرام
  • ایکو سیاحت اور امرت دھروہر سائٹس

یہ اقدامات پوری سیاحتی اقدار کے سلسے کو بہتر بناتے ہیں، سیاحتی تجربہ اور رسائی کو بڑھاتے ہیں۔

علامتی سیاحتی مراکز کی ترقی (ایس اے ایس سی آئی – 2024-25)

• 23 ریاستوں میں 40 منصوبے 3,295.76 کروڑ روپے کی طویل مدتی (50 سالہ) بغیر سود قرضوں کے تحت منظور کیے گئے تاکہ سیاحتی مقامات کو عالمی معیار تک پہنچایا جا سکے۔

مرکزی ایجنسیوں کو معاونت اسکیم

• اے ایس آئی، پورٹ ٹرسٹ، آئی ٹی ڈی سی، ریلوے وغیرہ کے لیے 57 منصوبے 845.51 کروڑ روپے کی لاگت سے منظور کیے گئے۔
• 34 منصوبے مکمل، 9 منسوخ کیے گئے۔

کنیکٹیوٹی میں اضافہ: قومی شاہراہوں کی توسیع

• بھارت کے قومی شاہراہوں کا جال 2014 میں 91,287 کلومیٹر سے بڑھ کر موجودہ وقت میں 1,46,195 کلومیٹر تک پہنچ گیا، جس سے اہم سیاحتی مراکز تک رسائی میں نمایاں بہتری آئی۔
• موازنہ کے لیے، 2004 میں بھارت کی قومی شاہراہیں 65,569 کلومیٹر تھیں۔

(ماخذ: وزارت سڑک ٹرانسپورٹ اور ہائی ویز، سالانہ رپورٹ 2024–25)

بھارت کا مربوط نقطہ نظر، بنیادی ڈھانچے کی ترقی، پائیدار سیاحت، اور بہتر کنیکٹیوٹی نے معاشرتی و اقتصادی فوائد کو فروغ دیا، روزگار کو مضبوط بنایا، اور بھارت کو ایک ابھرتی ہوئی عالمی سیاحتی طاقت کے طور پر قائم کیا۔ پچھلے دہائی کی یہ کامیابیاں حکومت کی اس عزم کی عکاسی کرتی ہیں کہ سیاحت کو قومی ترقی کا ایک اہم محرک بنایا جائے۔

************

ش ح ۔   م  د ۔  م  ص

(U : 3076    )

(रिलीज़ आईडी: 2203398) आगंतुक पटल : 32