జాతీయ చేనేత వారోత్సవాల సందర్భంగా జౌళి మంత్రిత్వ శాఖ పరిధిలోని డెవలప్‌మెంట్‌ కమిషనర్ (హస్తకళలు) కార్యాలయం నేడు న్యూఢిల్లీలో చౌపాల్ కార్యక్రమాన్ని ప్రారంభించింది. ఈ కార్యక్రమానికి మంత్రిత్వ శాఖ కార్యదర్శి శ్రీమతి నీలం షమీ రావు ముఖ్య అతిథిగా హాజరయ్యారు. మంత్రిత్వ శాఖకు చెందిన సీనియర్ అధికారులు, వివిధ రాష్ట్రాల నోడల్ అధికారులు, చేతివృత్తుల రంగానికి చెందిన భాగస్వాములు పాల్గొన్నారు.

జాతీయ చేతివృత్తుల అభివృద్ధి కార్యక్రమ లక్ష్యాలకు అనుగుణంగా.. హస్తకళల సంప్రదాయాలపై అవగాహన కల్పించడం, పారిశ్రామికవేత్తలను తయారు చేయడం, స్థిరమైన హస్తకళా సమూహాల ఏర్పాటును సులభతరం చేయడమే చౌపాల్ కార్యక్రమ లక్ష్యం. సంస్కరణ, ఆచరణ, పరివర్తన, సమాచార ప్రసారం అనే మంత్రాల ఆధారంగా దేశంలోని 100 ఆకాంక్షిత హస్తకళా జిల్లాలలో కళాకారుల నమోదు, పథకాలపై అవగాహన, నైపుణ్యాభివృద్ధి, పారిశ్రామిక అభివృద్ధి కోసం చౌపాళ్లను జిల్లా స్థాయిలో శాశ్వత వేదికలుగా ఏర్పాటు చేయనున్నారు.

దేశంలో హస్తకళల  వ్యవస్థను బలోపేతం చేయడానికి, గ్రామీణ స్థాయిలో కళాకారులను శక్తిమంతం చేయడానికి ప్రభుత్వం కట్టుబడి ఉందని జౌళిశాఖ కార్యదర్శి పేర్కొన్నారు. చౌపాల్ కార్యక్రమం హస్తకళలపై అవగాహనను పెంపొందించడానికి, యువత భాగస్వామ్యాన్ని ప్రోత్సహించడానికి, పారిశ్రామిక అవకాశాలను పెంచే వేదికగా పనిచేస్తుందని ఆమె తెలిపారు. తద్వారా దేశవ్యాప్తంగా హస్తకళ సమూహాలలో స్థిరమైన జీవనోపాధికి దోహదపడుతుందని అన్నారు.

ఈ కార్యక్రమ తొలి దశకు ఎంపిక చేసిన 100 హస్తకళలకు చెందిన ఆకాంక్షాత్మక జిల్లాలకు ప్రాతినిధ్యం వహిస్తున్న నోడల్ అధికారులతో జౌళిశాఖ కార్యదర్శి మాట్లాడారు. ఈ కార్యక్రమంలో భాగంగా ఆమె జిల్లా స్థాయి అవగాహన, చేరిక చర్యలను బలోపేతం చేయడానికి అవసరమైన ఆడియో-విజువల్ సామగ్రి, ఇతర పరికరాలను కలిగిన ‘చౌపాల్ కిట్‌’లను పంపిణీ చేశారు. ఈ కిట్‌లు కళాకారుల ప్రదర్శనలు, అవగాహన కార్యక్రమాలు, సామర్థ్య నిర్మాణ శిక్షణలు, డిజిటల్ నమోదు వంటి కార్యాచరణలను  సులభతరం చేస్తాయి.

 

***

(रिलीज़ आईडी: 2203357) आगंतुक पटल : 3