قومی دستکاری اور ورثہ ہفتہ- 2025 کی تقریبات کے ایک حصے کے طور پر وزارت ٹیکسٹائل کی سکریٹری محترمہ نیلم شامی راؤ نے دفتر ترقیاتی کمشنر (ہینڈی کرافٹس) کے پرچم بردار خوردہ اور ثقافتی مرکز ‘دی کنج’ کا دورہ کیا۔ ان کے ساتھ ڈیولپمنٹ کمشنر (ہینڈی کرافٹ) محترمہ  امرت راج اور سینئر حکام بھی تھے۔

سکریٹری نے خواتین کی زیر قیادت دستکاری خوردہ فروشوں، شلپ دیدیوں اور کاریگروں سے بات چیت کی۔ انہوں  نے مختلف روایتی تکنیکوں کی نمائش کرنے والے براہ راست مظاہروں اور ماسٹر کلاسز کا مشاہدہ کیا۔ مختلف خطوں کے دستکاروں کے ساتھ انٹرایکٹیو سیشنز کے دوران شرکاء نے دستکاری پر مبنی کاروبار کے ذریعے پائیدار معاش کی تعمیر میں اپنے سفر، چیلنجز اور تجربات کا اشتراک کیا۔

اس موقع پر خطاب کرتے ہوئے سکریٹری نے کہا کہ شلپ دیدی پہل ایک تبدیلی کی تحریک ہے جو خواتین کاریگروں کو بااختیار بناتی ہے، دیہی معیشتوں کو مضبوط کرتی ہے اور ہندوستان کی ہاتھ سے بنی روایات کو مقامی سے عالمی سطح تک لے جانے میں مدد کرتی ہے۔ انہوں نے اس بات پر زور دیا کہ دستکاروں کو بااختیار بنانا خود انحصار ہندوستان کے ویژن اور ترقی یافتہ ہندوستان کی طرف ایک اہم قدم ہے۔

آٹھ سے 14 دسمبر 2025 تک ‘دی کنج’ میں ورکشاپس، بات چیت اور ہینڈ آن سرگرمیوں کا ایک سلسلہ منعقد کیا جا رہا ہے، تاکہ ہندوستان کے ہنر مندانہ ورثے کو ظاہر کیا جا سکے۔ ان تقریبات کا مقصد ہندوستان کی متنوع دستکاری کی روایات کو ظاہر کرنا، سیکھنے کے حیرت انگیز تجربات فراہم کرنا اور زائرین کو دستکاروں، تکنیکوں اور کہانیوں کے ساتھ براہ راست بات چیت کرنے کی ترغیب دینا ہے جو ہمارے ثقافتی ورثے کی عکاسی کرتی ہیں۔ ہر حصہ لینے والا برانڈ سوچ سمجھ کر منصوبہ بند سیشنز کے ذریعے حصہ ڈالے گا جس میں علاقائی دستکاری، روایتی فن کی شکلیں اور ورثے کی روایات کی عصری تشریحات کی نمائش کی جائے گی۔

 

*******

ش ح-  ظ ا – ع د

UR- No. 2899

(रिलीज़ आईडी: 2202088) आगंतुक पटल : 8