لوک سبھا کے اسپیکر جناب اوم برلا نے آج ایوانِ دستور کے سنٹرل ہال میں  جناب  سی راج گوپالاچاری کو ان کی یوم پیدائش پر گلہائے عقیدت پیش کیے۔

راجیہ سبھا میں قائد حزب اختلاف جناب ملیکارجن کھڑگے؛ راجیہ سبھا کے نائب چیئرمین  جناب  ہری ونش؛ اراکین پارلیمنٹ؛ پارلیمنٹ کے سابق ارکان؛ اور لوک سبھا کے سکریٹری جنرل جناب اُتپل کمار سنگھ نے بھی اس موقع پر پھول چڑھائے۔

لوک سبھا کے اسپیکر نے اس سے قبل بھی X پر خراج عقیدت پیش کیا تھا، ملک کے لیے  جناب  راجگوپالاچاری کی خدمات اور لازوال شراکت کو یاد کیا گیا تھا۔

स्वाधीनता सेनानी, महान देशप्रेमी, अग्रणी समाज सुधारक और राजनीतिज्ञ, भारत रत्न श्री चक्रवर्ती राजगोपालाचारी जी की जयंती पर भावपूर्ण नमन।
स्वतंत्रता पूर्व तथा पश्चात विभिन्न पदों पर रहते हुए उन्होंने राष्ट्र के विकास में महती योगदान दिया।
राजाजी के नाम से विख्यात राजगोपालाचारी जी… pic.twitter.com/7zhCEyBuTQ

— Om Birla (@ombirlakota) December 10, 2025

جناب  سی راج گوپالاچاری - جو پیار سے "راجی" کے نام سے جانے جاتے ہیں - 10 دسمبر 1878 کو اس وقت کے صوبہ مدراس میں پیدا ہوئے تھے۔ 1947 میں آزاد ہندوستان کے پہلے گورنر جنرل لارڈ ماؤنٹ بیٹن کی میعاد ختم ہونے کے بعد، جناب  راج گوپالاچاری کو ان کے جانشین کے لیے چنا گیاتھا۔

ملک کے لیے ان کی مثالی خدمات کے لیے، جناب  راج گوپالاچاری کو 1954 میں بھارت رتن سے نوازا گیا، وہ ہندوستان کے اعلیٰ ترین شہری اعزاز کے پہلے وصول کنندہ بنے۔

لوک سبھا سکریٹریٹ کی طرف سے ہندی اور انگریزی میں شائع کردہ  جناب  سی راج گوپالاچاری کی پروفائل پر مشتمل ایک کتابچہ بھی تقریب میں موجود لوگوں کو پیش کیا گیا۔

جناب  سی راج گوپالاچاری کی تصویر کی نقاب کشائی اس وقت کے صدر جناب این سنجیوا ریڈی نے 21 اگست 1978 کو ایوانِ دستور کے سنٹرل ہال (اس وقت پارلیمنٹ ہاؤس) میں کیا گیا تھا۔

*****

U.No: 2895

ش ح۔ح ن۔س ا

 

(रिलीज़ आईडी: 2201898) आगंतुक पटल : 10