قومی شماریاتی کمیشن (این ایس سی) کی طرف سے قائم کردہ نیشنل سیمپل سروے (این ایس ایس) کی اسٹیئرنگ کمیٹی نے سفارش کی کہ ایم او ایس پی آئی کو گھریلو کھپت اخراجات سروے (ایچ سی ای ایس) 2022-23 کے ڈیٹا کی بنیاد پر ماڈل پر مبنی ضلع سطحی تخمینے تیار کرنے کی عملی ممکنات پر ایک ابتدائی آزمائشی تحقیق( پائلٹ اسٹڈی) کرنی چاہیے۔ ضلع سطح پر ماہانہ فی کس صارف اخراجات (ایم پی سی ای) کا تخمینہ لگانے کے امکانات کا جائزہ لینے کے لیے، ڈاکٹر موسومی بوس (سابق پروفیسر، انڈین اسٹیٹیکل انسٹی ٹیوٹ، کلکتہ) کی زیرِ صدارت ایک کمیٹی تشکیل دی گئی، جس میں این ایس ایس  اور محکمہ اقتصادی و شماریات (ڈی ای ایس)، اتر پردیش کے اراکین شامل تھے۔ کمیٹی کو یہ کام سونپا گیا تھا کہ وہ ماڈل پر مبنی تکنیکوں، خصوصاً اسمال ایریا ایسٹی میشن (ایس اے ای) کا استعمال کرتے ہوئے اتر پردیش کے اضلاع کے لیے ایم پی سی ای کے تخمینے تیار کرے۔ اتر پردیش کے دیہی اور شہری علاقوں کے لیے ماڈل پر مبنی اسمال ایریا ایسٹی میشن (ایس اے ای) طریقے سے حاصل شدہ ضلع وار ایم پی سی ای تخمینے (روپے میں) ضمیمے میں فراہم کیے گئے ہیں۔

ماڈل پر مبنی تکنیکوں، یعنی فے-ہیریئٹ (ایف ایچ) اور مکانی فے-ہیریئٹ (ایس ایف ایچ) ماڈلز، کو اسمال ایریا ایسٹی میشن کے فریم ورک کے تحت استعمال کیا گیا تاکہ متعلقہ معاون اعداد و شمار اور پڑوسی اضلاع کی معلومات سے مدد لیتے ہوئے اتر پردیش کے اضلاع کے لیے ایم پی سی ای کے قابلِ اعتماد تخمینے تیار کیے جا سکیں۔ تخمینے کی تفصیلی طریقۂ کار، اس کے فوائد، اور اسی نوعیت کے دیگر حالات میں اس کے استعمال کی وضاحت اس رپورٹ میں موجود ہے جو ایم او ایس پی آئی کی ویب سائٹ پر دستیاب ہے۔

https://new.mospi.gov.in/uploads/publications_reports/publications_reports1761641209612_6875c53f-d8eb-4458-be3e-1e12a9e528c9_Compiled_Report_final17092025.pdf

کمیٹی کی اختیار کردہ طریقۂ کار کو استعمال کرتے ہوئے اتر پردیش ریاست کے ذیلی سطح پر، بشمول ضلع باغپت، ایم پی سی ای کی اقدارکے تخمینے تیار کیے گئے ہیں۔ ایم پی سی ای کے یہ تخمینے گھرانوں کی معاشی حالت کا اندازہ فراہم کرتے ہیں اور اس طرح ترقیاتی پروگراموں کے نفاذ کے لیے پالیسی فیصلوں میں مدد دیتے ہیں۔

اس مطالعے میں استعمال کی گئی طریقۂ کار کو دیگر ریاستوں اور دوسرے معاشی و سماجی اشاریوں پر بھی وسعت دی جا سکتی ہے۔ ریاستوں کو اس بات کی حوصلہ افزائی کی گئی ہے کہ وہ اسی طرح کے طریقے اختیار کریں تاکہ ڈیٹا کی کمی کو پورا کیا جا سکے اور ضلع کی سطح پر تخمینے تیار کیے جائیں، خصوصاً ایسے مواقع پر جب سروے کے براہِ راست تخمینے کمزور ہوں، نمونے کا حجم چھوٹا ہو یا یہ تخمینے دستیاب نہ ہوں۔

رپورٹ کو ایم او ایس پی آئی  کی ویب سائٹ کے ذریعے عوامی سطح پر جاری کر دیا گیا ہے اور یہ وزارتوں/محکموں اور دیگر صارفین کے لیے بلا معاوضہ دستیاب ہے۔

ضمیمہ

نوٹ: ایف ایچ  سے مراد فے-ہیریئٹ (ایف ایچ)  ماڈل اور ایس ایف ایچ سے مراد مکانی ایف ایچ ہے ۔

یہ معلومات شماریات اور پروگرام کے نفاذ کی وزارت کے وزیر مملکت (آزادانہ چارج) ، وزارت منصوبہ بندی کے وزیر مملکت (آزادانہ چارج) اور وزارت ثقافت کے وزیر مملکت راؤ اندرجیت سنگھ نے آج لوک سبھا میں فراہم کیں ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

(ش ح۔ ش آ۔م ش)

U. No.2794

(रिलीज़ आईडी: 2201461) आगंतुक पटल : 4