کالج آف ڈیفنس مینجمنٹ (سی ڈی ایم) نے 8 دسمبر 2025 کو سکندرآباد ، تلنگانہ میں اپنا 56 واں یوم تاسیس منایا ۔ اس دن کو منانے کے لیے سی ڈی ایم نے پرپل پیسرز اور پرپل پیڈلرز کلبوں کے تعاون سے رائزنگ ڈے رن  یعنی یوم تاسیس کے موقع پر  دوڑاور سائیکلنگ ایونٹ کا انعقاد کیا ۔

تقریبات میں ہائر ڈیفنس مینجمنٹ کورس آفیسر ٹرینیز کے شریک حیات کے درمیان قیادت ، انٹرپرینیورشپ ، سماجی بیداری اور بااختیار بنانے کے لیے عثمانیہ یونیورسٹی کے تعاون سے ایک سرٹیفکیٹ کورس ڈویلپنگ ریسپانسبل سٹیزنز بائی انویسٹمنٹ ان ویمن امپاورمنٹ (ڈی آر آئی ڈبلیو ای) کی اختتامی تقریب بھی پیش کی گئی ۔

تقریبات کے ایک حصے کے طور پر ، ہندوستانی بحریہ کے بینڈ 'سمفنی' نے ایک خصوصی پرفارمنس پیش کی جس نے تقریب میں موسیقی کی شان و شوکت کا اضافہ کیا ۔

1970 میں قائم کیا گیا ، سی ڈی ایم اعلی دفاعی نظم و نسق کی تعلیم کے لیے تینوں افواج  کے لیے  ایک اہم ادارہ ہے ۔ اپنے فلیگ شپ کورس 'دی ہائر ڈیفنس مینجمنٹ کورس' (ایچ ڈی ایم سی) کے ساتھ انسٹی ٹیوٹ نے دفاعی منصوبہ بندی اور فیصلہ سازی میں جدید انتظامی اصولوں کو مربوط کرکے خدمات میں تنظیمی تاثیر کو بڑھانے میں اہم کردار ادا کیا ہے ۔

سی ڈی ایم نے دوست ممالک کے 660 سے زیادہ افسران کو تربیت دی ہے جو عالمی سطح کی سمجھ بوجھ  اور دفاعی سفارت کاری کو فروغ دینے میں نمایاں کردار ادا کر رہے ہیں ۔

اس موقع پر ، کمانڈنٹ سی ڈی ایم ، میجر جنرل جی سرینیواس نے تمام رینکوں ، سویلین ڈیفنس ملازمین اور دیگر عملے کو مبارکباد پیش کی ، اور دفاعی نظم و نسق کی تعلیم کو اس کے مقصد-"بہترین کارکردگی کے ذریعے فتح" کے حصول کے  حقیقی جذبے کے ساتھ آگے بڑھانے کے لیے سی ڈی ایم کے غیر متزلزل عزم کا اعادہ کیا ۔ اس جشن میں افسران ، عملے اور ان کے اہل خانہ کی پرجوش شرکت دیکھنے میں آئی۔

******

ش ح۔  م م ع۔ م ذ

U.N. 2727

(रिलीज़ आईडी: 2201014) आगंतुक पटल : 8