ماحولیات ، جنگلات اور موسمیاتی تبدیلی کے مرکزی وزیر جناب بھوپیندریادو نے آج نئی دہلی میں بین الاقوامی بگ کیٹ الائنس (آئی بی سی اے) کے فریم ورک کے تحت‘بگ کیٹ کنزرویشن کے لیے باہمی تعاون کی پہل’ پر ایک اعلی سطحی میٹنگ کی صدارت کی ۔  اس میٹنگ میں حکومت ہند کے سینئر عہدیداروں کے ساتھ بگ کیٹ رینج  والےممالک کے سفیر اور ہائی کمشنرجمع ہوئے ۔

جناب بھوپیندریادو نےمیٹنگ کی صدارت کرتے ہوئے اس بات کا اعادہ کیا کہ آئی بی سی اے وزیر اعظم جناب نریندر مودی کا وژن ہے ، جسے باہمی اعتماد ، باہمی احترام اور مشترکہ ذمہ داری اورشراکت داری پر مبنی عالمی پہل کے طور پر ڈیزائن کیا گیا ہے ۔  انہوں نے بگ کیٹ(چیتا) کی عالمی ماحولیاتی قدر پر روشنی ڈالی ۔  وزیر موصوف نے زور دے کر کہا کہ  بگ کیٹس-یعنی شیر ،ٹائیگر ، برفانی چیتے ، چیتے ،تیندوا ، پیوما اور جگوار-حیرت انگیز جانوروں سے کہیں زیادہ ہیں ۔  وہ ماہر شکاری ، ماحولیاتی توازن کے ریگولیٹر اور ماحولیاتی نظام کی صحت کے محافظ ہیں ۔  انہوں نے کہا کہ ‘‘ہمارا مقصد پورے علاقے کی سبز ترقی کے لیے صلاحیت سازی اور معلومات کے اشتراک کے ذریعے ان کی آماجگاہوں کو بہتر بنانے کے لیے مل کر کام کرنا ہے ۔

ہندوستان 2026 میں نئی دہلی میں گلوبل بگ کیٹس سمٹ کی میزبانی کرے گا ، جس کے لیےوزیر موصوف نے تمام بگ کیٹس رینج کے ممالک کو بگ کیٹس اور ان کی آماجگاہوں کے تحفظ کے لیے حکمت عملی ، تجربات اور بہترین طریقوں کو شیئر کرنے کی دعوت دی ۔ جناب بھوپیندر یادو نے بگ کیٹس کی پناہ گاہیں فراہم کرنے والے تمام ممالک کو بھی آئی بی سی اے میں شامل ہونے اور عالمی تعاون کو مستحکم کرنےکی دعوت دی ۔ انہوں نے کہا کہ آئی بی سی اے ‘‘آپ کی خوبیوں کو بانٹنے ، ایک دوسرے سے سیکھنے اور عالمی شراکت میں تعاون کرنے کے ایک پلیٹ فارم کی مانند ہے جو مختلف اقسام کے جانوروں کی حفاظت کرتا ہے ، ماحولیاتی نظام کی حفاظت کرتا ہے ، اور آنے والی نسلوں کے لیے آب و ہوا کو مستحکم کرتا ہے’’ ۔

تحفظ کے تئیں ہندوستان کی اخلاقیات کو اجاگر کرتے ہوئے ، وزیر موصوف نے کہا کہ‘‘تحفظ رضاکارانہ سرگرمی نہیں ہے ، یہ ہمارا طرز زندگی ہے’’ ۔ انہوں نے زور دے کر کہا کہ ہندوستان کے نقطہ نظر  میں فطرت پر مبنی اختراعی حل  کار فرما ہے ، جسےملک کی ثقافتی اخلاقیات کے ساتھ مربوط  خیال کیا جاتاہے ۔ انہوں نے مزید کہا کہ اقتصادی ترقی کو نہ صرف روایتی لحاظ سے بلکہ ماحولیاتی توازن کو بڑھانے کےزاویہ سے بھی دیکھا جانا چاہیے ۔ وزیر موصوف نے بتایا کہ آئی بی سی اے اب اپنے اگلے مرحلے میں داخل ہو چکا ہے ۔ نئی دہلی میں قائم اس کی سکریٹریٹ کے ساتھ ، 18 ممالک باضابطہ طور پر اتحاد میں شامل ہو چکے ہیں ، 3 ممالک کو مبصر کا درجہ حاصل ہے  اور کئی بین الاقوامی تنظیمیں مشترکہ مشن میں  تعاون دےرہی ہیں ۔

میٹنگ کا اختتام تمام  بگ کیٹس رینج کے ممالک کے درمیان معلومات کے اشتراک ، صلاحیت سازی اور باہمی تعاون کو مستحکم کرنے کے مشترکہ عزم کے ساتھ ہوا ۔  ہندوستان نے دنیا کی سات بگ کیٹس کی انواع اور ان کے مسکن کے پائیدار مستقبل کو محفوظ بنانے کے لیے عالمی شراکت داروں کے ساتھ مل کر کام کرنے کے اپنے عزم کا اعادہ کیا ۔

***

ش ح۔م ش ع۔ ش ب ن

U-2684

(ریلیز آئی ڈی: 2200721) وزیٹر کاؤنٹر : 51