نئی اور قابلِ تجدید توانائی کے مرکزی وزیرِ مملکت جناب شری پد یسو نائک نے راجیہ سبھا میں ایک سوال کے تحریری جواب میں  بتایا کہ  مالی سال 27-2026 ء   تک پی ایم سوریہ گھر: مفت بجلی یوجنا (پی ایم ایس جی: ایم بی وائی) کے تحت  ، رہائشی شعبے میں ایک کروڑ گھرانوں  میں روف ٹاپ سولر سسٹم لگانے کے ہدف کے مقابلے میں کل 2396497 گھرانوں  میں روف ٹاپ سولر سسٹم نصب کیے گئے ہیں ، جو ہدف کا تقریبا  ً 23.96 فی صد ہے ۔

پی ایم ایس جی: ایم بی وائی مانگ پر مبنی اسکیم ہے ، جس میں ملک کے تمام رہائشی صارفین  ، جن کے پاس مقامی ڈسکوم کا گرڈ سے منسلک بجلی کنکشن ہے ، وہ اسکیم کے قومی پورٹل پر درخواست دے کر  ، اسکیم کے فوائد حاصل کر سکتے ہیں ۔

اسکیم بہتر طور پر آگے بڑھ رہی ہے اور 03 دسمبر ، 2025 ء  تک نیشنل پورٹل پر کل 5354099 درخواستیں موصول ہوئی ہیں اور ملک بھر میں 2396497 گھروں کا احاطہ کرتے ہوئے 1917698 روف ٹاپ سولر سسٹم نصب کیے گئے ہیں ۔

اسکیم کے تحت  ، مالی سال 26-2025 ء   کے لیے 35 لاکھ گھرانوں کی کوریج کا ہدف مقرر کیا گیا ہے اور حکومت نے ملک بھر میں اسکیم کے نفاذ کو تیز کرنے کے لیے درج ذیل اقدامات کیے ہیں:

• نیشنل پورٹل کے ذریعے  رجسٹریشن سے لے کر رہائشی صارفین کے بینک اکاؤنٹ میں  براہ راست سبسڈی کی تقسیم تک کا آن لائن عمل ۔
• ریپو ریٹ پلس  50 بی پی ایس یعنی    موجودہ 6 فی صد  سالانہ  10 سال کی مدت کے ساتھ  رعایتی شرح سود پر قومی بینکوں سے ضمانت سے پاک قرض کی دستیابی ۔  
• تکنیکی فزیبلٹی کی ضرورت کو معاف کرکے اور  10 کلو واٹ تک آٹو لوڈ بڑھانے کو متعارف کروا کر ریگولیٹری منظوری کے عمل کو آسان بنایا ۔
• ریسکو  سمیت /یوٹیلیٹی لیڈ ایگریگیشن (یو ایل اے) ماڈل ۔
• نیٹ میٹرنگ معاہدے کو قومی پورٹل میں درخواست کا حصہ بنایا گیا ہے ۔
• خاطر خواہ اور اہل دکانداروں کی دستیابی کو یقینی بنانے کے لیے دکانوں کے رجسٹریشن کے لیے آسان عمل ۔
• ہنر مند افرادی قوت پیدا کرنے کے لیے صلاحیت سازی اور تربیتی پروگرام منعقد کیے جا رہے ہیں ۔
• ملک میں معروف اخبارات میں پرنٹ اشتہارات ، ٹی وی اشتہارات کی مہمات ، علاقائی چینلز سمیت ایف ایم اسٹیشنوں پر ریڈیو مہمات وغیرہ جیسے بیداری اور آؤٹ ریچ پروگرام کے ذریعے اسکیم کے بارے میں بیداری پیدا کرنا ۔
• ریاستوں/ڈسکوم سمیت مختلف سطحوں پر اسکیم کی پیش رفت کی باقاعدہ نگرانی ۔
• علاقائی جائزہ میٹنگوں کا انعقاد ۔
• شکایات کے بروقت حل کے لیے شکایات کے ازالے کا طریقہ کار قائم کیا ۔ ٹیلی فون نمبر 15555 والا کال سینٹر 12 زبانوں میں کام کر رہا ہے۔

..................................................... ...................................................

) ش ح –   م م   -  ع ا )

U.No. 2642