سیاحت اور ثقافت کے مرکزی وزیر جناب گجیندر سنگھ شیخاوت نے آج لوک سبھا میں ایک تحریری جواب میں  بتایا کہ سیاحت کی وزارت نے سیاحت کی صنعت کے تین بڑے شعبوں یعنی ٹور آپریٹرز ، رہائش اور ساحل ، بیک واٹر ، جھیلوں اور دریاؤں کے سیکٹروں کے لیے ہندوستان کے لیے ایک جامع پائیدار سیاحت کا معیار (ایس ٹی سی آئی) شروع کیا ہے ۔   اس معیار کو متعلقہ فریقوں نے اپنایا ہے ۔  سیاحت کی وزارت کی طرف سے منظور شدہ ٹور آپریٹرز کو ماحول اور ورثے کے تحفظ کے بہترین معیارات کے مطابق پائیدار سیاحت کے طریقوں کو مکمل طور پر نافذ کرنے کے لیے "محفوظ اور معزز سیاحت اور پائیدار سیاحت" کے عزم کے عہد پر عمل کرنا ہوں گے ، تاکہ سیاحت کے موجودہ وسائل کی ضروریات مقامی برادری کے فائدے اور مستقبل کے پائیدار استعمال دونوں کو بہتر بنایا جاسکے ۔  اب تک 2787  رہائش یونٹس اور 1633 سیاحتی خدمات فراہم کرنے والوں کو سیاحت کی وزارت نے تسلیم کیا ہے۔

مذکورہ وزارت نے پائیدار سیاحت کے لیے قومی حکمت عملی تیار کی  ہے اور اسے ریاستی حکومتوں اور مرکز کے زیر انتظام علاقوں کی انتظامیہ کو تقسیم کیا گیا  ہے ۔  اس حکمت عملی کے مطابق ، سیاحوں اور سیاحتی کاروباروں کو پائیدار سیاحتی طریقوں کو اپنانے کی ترغیب دینے کے لیے ٹریول فار لائف (ٹی ایف ایل) پروگرام شروع کیا گیا  ہے   پائیدار سیاحت کے لیے قومی حکمت عملی کے تحت کوئی علیحدہ بجٹ مختص نہیں کیا گیا ہے ۔

سیاحت کی وزارت نے ماحولیات ، جنگلات اور آب وہوا کی تبدیلی کی وزارت کے اشتراک سے پانچ رامسر مقامات [سلطان پور نیشنل پارک (ہریانہ) یشونت ساگر ڈیم اور سر پور جھیل ، اندور (مدھیہ پردیش) بھیترکنیکا مینگروو اور چلیکا جھیل (اڈیشہ)] پر متبادل روزی روٹی پروگرام (اے ایل پی) اور پریوارن ناوک سرٹیفکیٹ (پی این سی) پر 24-2023 کے دوران 210 افراد کے لیے 15 دن کا تربیتی پروگرام منعقد کیا ۔  دونوں وزارتوں کے انضمام کا مقصد ، مقامی ثقافتی اور قدرتی وسائل کے تحفظ اور اضافے کی خاطر رامسر سائٹس پر نیچر ٹورزم کے فروغ میں مدد کرنا ہے ۔

سیاحت کی وزارت کے رہنما خطوط کے مطابق ، پروجیکٹ کے مرحلے پر ہی ہوٹلوں کو مختلف ماحول کے سازگار اقدامات جیسے سیوریج ٹریٹمنٹ پلانٹ (ایس ٹی پی) رین واٹر ہارویسٹنگ سسٹم ، ویسٹ مینجمنٹ سسٹم ، آلودگی پر قابو پانے ، ریفریجریشن اور ایئر کنڈیشنگ کے لیے نان کلوروفلوورکاربن (سی ایف سی) آلات کو متعارف کیا جانا ، توانائی اور پانی کے تحفظ کے اقدامات وغیرہ کو شامل کرنے کی ضرورت ہے ۔  ملک میں پائیدار اور ذمہ دار سیاحت کو فروغ دینے کے لیے ریاستوں / مرکز کے زیر انتظام علاقوں اور مقامی حکومتوں کے ساتھ شراکت میں سیاحتی مقامات کی مربوط ترقی کی خاطر سودیش درشن اسکیم کو سودیش درشن 2.0  میں تبدیل کر دیا گیا ہے ۔  سودیش درشن 2.0 کے تحت ایک ذیلی اسکیم "چیلنج پر مبنی منزل کی ترقی" کا مقصد ہمارے سیاحتی مقامات کو پائیدار اور ذمہ دار مقامات کے طور پر تبدیل کرنے کی خاطر تمام سیاحتی ویلیو چین میں سیاحتی تجربے کو بڑھانے کے لیے ایک منزل کی مجموعی ترقی  کو فروغ دیناہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

(ش ح –ش م۔ ق ر)

U. No.2615