ٹیکسٹائل کے مرکزی وزیر جناب گری راج سنگھ نے آج میگھالیہ کے نونگپوہ میں ایکتا میگھالیہ (نمائش اور ٹیکسٹائل کے فائدے کے لیے علم کے اشتراک کا پروگرام) اور مربوط ٹیکسٹائل سیاحتی مرکز (آئی ٹی ٹی سی) کا افتتاح کیا۔ اس موقع پر ٹیکسٹائل اور خارجہ امور کے وزیر مملک جناب  پبترا مارگریٹا، محکمہ ٹیکسٹائل، میگھالیہ کے ریاستی وزیر، جناب میتباہ لینگڈو، سلک کے مرکزی بورڈ (سی ایس بی) کے ممبر سکریٹری جناب پی سیواکماراور دیگر سینئر افسران بھی موجود تھے۔

وزارتِ ٹیکسٹائل کے تحت کام کرنے والے مرکزی سلک بورڈ (سی ایس بی) نے محکمہ ٹیکسٹائل، حکومتِ میگھالیہ کے تعاون سے ایکتا میگھالیہ (نمائش اور ٹیکسٹائل کے فائدے کے لیے علم کے اشتراک کا پروگرام) کے دوران نونگپوہ میں مربوط ٹیکسٹائل سیاحتی مرکز (آئی ٹی ٹی سی) میں نمائشی اسٹالز لگائے۔

مربوط ٹیکسٹائل سیاحتی مرکز (آئی ٹی ٹی سی) ، محکمہ ٹیکسٹائل ، حکومت میگھالیہ اور وزارتِ ٹیکسٹائل، حکومتِ ہند کی ایک نمایاں پہل ہے۔ آئی ٹی ٹی سی کو ایک جامع ثقافتی مرکز کے طور پر ڈیزائن کیا گیا ہے جو دستکاری، ثقافت، ہنر کے فروغ اور سیاحوں کے تجربے کو ایک ہی، منفرد تجرباتی مقام پر یکجا کرتا ہے، جبکہ میگھالیہ کی منفرد ٹیکسٹائل روایت، خصوصاً ایری سلک کو اجاگر کرتا ہے۔ ایکتا میگھالیہ سلک، ہینڈلوم، دستکاریوں، جیوٹ اور ٹیکنیکل ٹیکسٹائل کو ایک ہی پلیٹ فارم پر لاتا ہے، جس سے علم کے اشتراک، جدت طرازی، مارکیٹ روابط اور ریاستی تعاون کو فروغ ملتا ہے۔

اپنے خطاب میں جناب گری راج سنگھ نے شمال مشرقی خطے کے ٹیکسٹائل شعبے کی انقلابی تبدیلی کی صلاحیت کو اجاگر کیا اور ایری اور موگا سلک، قدر میں اضافہ اور روزگار پر مبنی ترقی پر زور دیا۔

جناب پبترا  مارگریٹا نے اپنے خطاب میں کاریگروں کو بااختیار بنانے، ہنر کے فروغ، ٹیکنالوجی کے استعمال اور نوجوانوں کی کاروباری سرگرمیوں پر روشنی ڈالی اور ایری سلک میں میگھالیہ کی قیادت کی تعریف کی۔

جناب پی سیواکمار نے سی ایس بی کی سیری کلچر ویلیو چین کو مضبوط بنانے کیلئے اقدامات کا خاکہ پیش کیا اور سائنسی اور مارکیٹ پر مبنی اقدامات کے ذریعے ایری اور موگا کی پیداوار کو بڑھانے کے لیے اپنی حمایت کا اعادہ کیا۔

*********

ش ح۔م ع ۔م الف

U. No-2598

(रिलीज़ आईडी: 2200254) आगंतुक पटल : 7