نئی دلّی کے بھارت منڈپم میں   6  سے 7   دسمبر کو ریویمپڈ ڈسٹری بیوشن سیکٹر اسکیم (آر ڈی ایس ایس) کے تحت بجلی کی تقسیم کے شعبے میں مصنوعی ذہانت (اے آئی) اور مشین لرننگ (ایم ایل) ٹیکنالوجیز کے استعمال پر توجہ مرکوز کرنے والی دو روزہ قومی کانفرنس  کا انعقاد  کیا جائے گا  ۔

بجلی کی وزارت کے زیرِ اہتمام کانفرنس کا موضوع  ’’ اسمارٹ ، موثر اور پائیدار بجلی کی تقسیم کے لیے اے آئی/ایم ایل کا استعمال ‘‘   ہے ۔  اس میں اسمارٹ میٹر ڈاٹا اینالیٹکس ، مربوط آئی ٹی/او ٹی  نظام  اور اسمارٹ ہوم آٹومیشن سولیوشنز کے جدید ترین استعمال کے معاملات کی نمائش کی جائے گی   ، جو ملک میں اختراع کو  فروغ  دیتے ہیں ، آپریشنل استعداد کار کو بہتر بناتے ہیں  اور  بجلی کی ترسیل کرنے والی کمپنیوں (ڈسکوم) میں صارفین کے اطمینان  میں اضافہ کرتے ہیں ۔

کانفرنس کے دوران اے آئی/ایم ایل پر مبنی ڈاٹا اینالیٹکس اور اسمارٹ میٹر ٹیکنالوجی اور دیگر مربوط آئی ٹی/او ٹی نظاموں سے فائدہ اٹھانے والے عملی استعمال کے معاملات کا مظاہرہ کیا جائے گا ۔ دو روزہ ایونٹ کا مقصد بجلی کی تقسیم کے بہتر  بندوبست کے لیے بلاک چین ، انٹرنیٹ آف تھنگز (آئی او ٹی) اور اسمارٹ ہوم آٹومیشن جیسی جدید ٹیکنالوجیز کو اپنانے کو فروغ دینا اور آپریشنل کارکردگی ، گرڈ کی  قابلِ اعتماد حیثیت  اور پائیداری کے اہداف کے حصول کے لیے علم کے اشتراک اور بہترین طریقوں کو آسان بنانا ہے ۔

اس کے لیے کل 195 درخواستیں موصول ہوئی تھیں اور ان میں سے 51 کو کانفرنس میں تکنیکی حل پیش کرنے کے لیے شارٹ لسٹ کیا گیا ہے ۔ پیش کرنے والوں میں ڈسکوم ، ایڈوانسڈ میٹرنگ انفراسٹرکچر سروس پرووائڈرز (اے ایم آئی ایس پیز)  ، ٹیکنالوجی حل فراہم کرنے والے (ٹی ایس پیز) اور ہوم آٹومیشن حل فراہم کرنے والے (ایچ اے ایس پیز) شامل ہوں  گے ۔ یہ حل مانگ کی پیشن گوئی ، آمدنی کے تحفظ ، لاگت کو بہتر بنانے ، ڈیجیٹل نظام کا انضمام اور دیگر کے لیے اے آئی/ایم ایل کے حقیقی دنیا کے نفاذ کو اجاگر کریں گے ۔

کانفرنس کے دوران  ، پیش کردہ تکنیکی حل کا فیصلہ بجلی اور تکنیکی شعبے کے ماہرین پر مشتمل جیوری کے ذریعے کیا جائے گا اور اعلیٰ حل  کے انتخاب 7 دسمبر، 2025  ء تک  کو بجلی کے وزیر جناب منوہر لال کے ذریعے کئے جائیں گے ۔    کانفرنس میں بجلی کی وزارت کے سکریٹری جناب پردیپ اگروال ، ڈسکوم ، اے ایم آئی ایس پیز ، ٹی ایس پیز ، ایچ اے ایس پیز کے نمائندے ، پالیسی ساز ، ماہرین تعلیم اور بجلی  کی وزارت کے عہدیدار شرکت کریں گے۔

..................................................... ...................................................

) ش ح –   ش ت  -  ع ا )

U.No. 2495

(रिलीज़ आईडी: 2199506) आगंतुक पटल : 5