محنت اور روزگار کی وزارت حکومتِ ہند، نیشنل کیریئر سروس (این سی ایس) پورٹل چلا رہی ہے، جو کیریئر سے متعلق خدمات فراہم کرنے کے لیے ایک ڈیجیٹل پلیٹ فارم www.ncs.gov.in  کے ذریعے نجی اور سرکاری شعبوں میں ملازمتیں، آن لائن اور آف لائن جاب فیئرز کی معلومات، روزگار کے متلاشی اور میچنگ، کیریئر کاونسلنگ، پیشہ ورانہ رہنمائی، ہنر مندی کے فروغ کے کورسز کے بارے میں معلومات ، مہارت/تربیتی پروگرامز وغیرہ فراہم کرنے کے لیے ایک جامع حل ہے۔

20.11.2025 تک ، این سی ایس پورٹل پر 6.02 کروڑ سے زیادہ ملازمت کے متلاشی (خواتین ، ایس سی/ایس ٹی ، ای ڈبلیو ایس سمیت) اور 54.27 لاکھ سے زائد ملازمین رجسٹرڈ ہیں ۔  این سی ایس پورٹل پر رجسٹرڈ ملازمت کے متلاشیوں (بشمول صنفی اور زمرہ کے لحاظ سے) اورملازمین  کی سال کے لحاظ سے اور ریاست/مرکز کے زیر انتظام علاقوں کی تفصیلات https://www.ncs.gov.in/_layouts/15/ncsp/ViewStaticReport.aspx پر دیکھی جا سکتی ہیں ۔

این سی ایس پورٹل پر حتمی بھرتی کے اعداد و شمار کی اطلاع دینا لازمی نہیں ہے۔ تاہم، 20 نومبر 2025 تک پورے پورٹل پر تمام ملازمت تلاش کرنے والوں (جس میں خواتین، ایس سی/ایس ٹی ، ای ڈبلیو ایس سمیت) کے لیے 8.17 کروڑ سے زائد خالی آسامیوں کو فعال کیا جا چکا ہے۔ سالانہ اور ریاست/مرکزی علاقہ کے لحاظ سے متحرک آسامیوں کی تفصیلات https://www.ncs.gov.in/_layouts/15/ncsp/ViewStaticReport.aspx پر دیکھی جا سکتی ہیں۔

این سی ایس پروجیکٹ کے تحت، ریاستوں اور اداروں کے تعاون سے ماڈل کیریئر سینٹرز (ایم سی سی) قائم کرنے کا بھی منصوبہ شامل تھا تاکہ روزگار کی خدمات فراہم کی جا سکیں۔ 20 نومبر 2025 تک حکومت نے 407 ماڈل کیریئر مراکز کی منظوری دی ہے۔ ریاست/ مرکز کے زیر انتظام علاقوں ایم سی سی کی تفصیلات اور منظوری کے سال کے لیے یہ لنک https://www.ncs.gov.in/User_Manuals/List_of_Model_Career_Centers.pdf دیکھی جا سکتی ہے۔

یہ معلومات محنت اور روزگار کے مرکزی وزیر ڈاکٹر منسکھ منڈاویا نے آج راجیہ سبھا میں ایک سوال کے تحریری جواب میں دی ۔

ش ح۔ ش آ ۔ ن م

U. No-2391

(रिलीज़ आईडी: 2198964) आगंतुक पटल : 2