چھوٹی اور بہت چھوٹی اور درمیانہ درجے کی صنعتوںکی وزیر مملکت (محترمہ شوبھا کرندلاجے) نے آج لوک سبھا میں ایک تحریری جواب میں بتایا کہ چھوٹی اور بہت چھوٹی اور درمیانہ درجے کی صنعتوں (ایم ایس ایم ای) کا  سیکٹر معیشت کا ایک متحرک شعبہ ہے ۔  بھارتی حکومت ملک میں ایم ایس ایم ای کے فروغ اور ترقی کے لیے مختلف اسکیموں ، پروگراموں اور پالیسی اقدامات کے ذریعے ریاستوں/مرکز کے زیر انتظام علاقوں کی کوششوں کی تکمیل کرتی ہے۔  ان اسکیموں/پروگراموں میں پرائم منسٹر ایمپلائمنٹ جنریشن پروگرام ، پی ایم وشوکرما اسکیم ، چھوٹی اور بہت چھوٹی صنعتوں کے لیے کریڈٹ گارنٹی اسکیم ، انٹرپرینیورشپ اینڈ اسکل ڈیولپمنٹ پروگرام اسکیم ، مائیکرو اینڈ اسمال انٹرپرائزز-کلسٹر ڈیولپمنٹ پروگرام ، ایم ایس ایم ای کی کارکردگی کو بڑھانا اور تیز کرنا ، ایم ایس ایم ای چیمپئنز اسکیم وغیرہ شامل ہیں ۔ یہ اسکیمیں مینوفیکچرنگ ، خدمات ، تجارت اور خواتین کی ملکیت والے کاروباری اداروں میں روزگار فراہم کرتی ہیں ۔

حکومت نے بھاری صنعتوں کو جدید بنانے ، ہنر مندی کے فروغ کے نئے پروگراموں کو بڑھانے اور ملک میں خواتین اور پسماندہ گروپوںکی زیادہ سے زیادہ شرکت کو آسان بنانے کے لیے درجہ ذیل متعدد اقدامات کیے ہیں :

1. حکومت نے ملک میں ٹیکنالوجی مراکز/ٹول رومز کا ایک نیٹ ورک قائم کیا ہے تاکہ ایم ایس ایم ایز کو جدید مینوفیکچرنگ ٹیکنالوجیز ، تربیت اور ہنر مندی تک رسائی فراہم کرکے انہیں مسابقتی بنایا جا سکے ۔
2. ادیم رجسٹریشن (یو آر) اور ادیم اسسٹ پورٹلز (یو اے پی) پر خواتین کی ملکیت والے ایم ایس ایم ایز کی رجسٹریشن کے لیے خصوصی مہم

• iii. خواتین کاروباریوں کی مدد کے لیے ، سرکاری خرید سے متعلق پالیسی یہ حکم دیتی ہے کہ سی پی ایس ای/وزارتوں/محکموں کی طرف سے سالانہ خریداری کا 3 فیصد خواتین کی ملکیت والے مائیکرو اور چھوٹے کاروباری اداروں سے کیا جانا چاہیے ۔

4. ایم ایس ایم ای کی وزارت پرائم منسٹر ایمپلائمنٹ جنریشن پروگرام (پی ایم ای جی پی) کو نافذ کرتی ہے جو کریڈٹ سے منسلک سبسڈی پروگرام ہے جس کا مقصد روایتی کاریگروں اور دیہی/شہری بے روزگار نوجوانوں کی مدد کرکے غیر زرعی شعبے میں مائیکرو انٹرپرائزز کے قیام کے ذریعے خود کے روزگار کے مواقع پیدا کرنا ہے ۔ مجموعی پی ایم ای جی پی مستفیدین میں سے 39 فیصد خواتین ہیں اور انہیں غیر خصوصی زمرے (25 فیصدتک) کے مقابلے میں زیادہ سبسڈی (35 فیصد) فراہم کی جاتی ہے ۔
5. خواتین میں صنعت کاری کی حوصلہ افزائی کے لیے ایم ایس ایم ای کی وزارت کوئر وکاس یوجنا کے تحت ‘اسکل اپ گریڈیشن اور مہیلا کوئر یوجنا’ نافذ کرتی ہے ، جو کہ ایک خصوصی تربیتی پروگرام ہے جس کا مقصد کوئر کے شعبے میں مصروف خواتین کاریگروں کی مہارت کو فروغ دینا ہے ۔
6. ایم ایس ایم ای کی وزارت نے17 ستمبر 2023 کو ‘پی ایم وشوکرما’ اسکیم شروع کی ہے ، جس کا مقصد 18 روایتی تجارتوں میں مصروف خواتین سمیت روایتی کاریگروں اور دستکاروں کو متعدد فوائد فراہم کرنا ہے ۔
7. وزارت نے موجودہ اور خواہش مند خواتین کاروباریوں میں بیداری پیدا کرنے اور ہینڈ ہولڈنگ ، سرپرستی اور صلاحیت سازی کے ذریعے انہیں مسلسل مدد فراہم کرنے کی خاطر بیداری مہم ‘یشسوینی’ کا آغاز کیا ہے ۔

حکومت ملک بھر میں مائیکرو اینڈ اسمال انٹرپرائزز کلسٹر ڈیولپمنٹ پروگرام (ایم ایس ای-سی ڈی پی) نافذ کر رہی ہے ۔ اس اسکیم کا مقصد ایم ایس ایم ایز کو ان کی پیداواری صلاحیت اور مسابقت کو بڑھا کر مقامی اور عالمی ویلیو چین میں ضم کرنا ہے ۔ موجودہ کلسٹروں میں مشترکہ سہولت مراکز (سی ایف سی) کے قیام اور نئے/موجودہ صنعتی اسٹیٹس/علاقوں/فلیٹڈ فیکٹری کمپلیکس میں بنیادی ڈھانچے کی سہولیات کے قیام/اپ گریڈ کے لیے  بھارتی حکومت کی گرانٹ کے طور پر مالی مدد فراہم کی جاتی ہے ۔ اس اسکیم کے تحت اب تک ملک بھر میں 113 مشترکہ سہولت مراکز (سی ایف سی) اور 251 بنیادی ڈھانچے کے فروغ (آئی ڈی) مکمل ہو چکے ہیں۔

***

ش ح۔ش  م۔ م ذ

U NO:2384

(रिलीज़ आईडी: 2198877) आगंतुक पटल : 4