مرکزی وزیر جناب راجیو رنجن سنگھ عرف للن سنگھ نے 03 دسمبر 2025 کو راجیہ سبھا میں ایک سوال کے تحریری جواب میں بتایا کہ گجرات میں، 14,670 گاوؤں میں ڈرون سروے مکمل کیا جا چکا ہے، اور 9,680 گاوؤں میں تقریباً 15.7 لاکھ پراپرٹی کارڈ جاری کیے گئے ہیں۔ وزارت استفادہ کنندگان کا گھرانوں کی سطح پر الگ سے ڈیٹا برقرار نہیں رکھتی۔ ضلع وار تفصیلات ضمیمہ۔ اول میں شامل ہیں۔

گجرات میں سوامتو اسکیم کے تحت 15,025 نوٹیفائیڈ آباد گاوؤں میں سے 14,670 گاوؤں میں ڈرون سروے مکمل کیا جا چکا ہے۔ گجرات میں تیار کیے گئے سوامتو نقشے ریاست کے مختلف زمینی ریکارڈ اور ڈیجیٹل پلیٹ فارمز کے ساتھ منسلک کیے جا رہے ہیں۔ حقائق کی تصدیق اور توثیق کے لیے، گجرات میں سوامتو ڈیٹا کو ریاست کے ’گرام سودھا پورٹل‘ کے ساتھ مربوط کیا گیا ہے تاکہ مالکان کی تفصیلات حاصل کی جا سکیں۔ ریاست کے تیار کردہ پورٹل پر انکوائری کا عمل مکمل ہونے کے بعد حتمی پراپرٹی کارڈ جاری کیے جاتے ہیں۔ اسکیم کے تحت تیار کیے گئے حتمی پراپرٹی کارڈز کو ان کی دیکھ بھال اور باقاعدہ اپڈیٹ کے لیے ریاست کے ’سٹی سروے انفارمیشن سسٹم‘ کے ساتھ مربوط کیا جاتا ہے۔

گجرات میں، ریاست کی جانب سے فراہم کردہ معلومات کے مطابق، سوامتو پراپرٹی کارڈز کے ذریعے 43 قرضے، جن کی مالیت 3.73 کروڑ روپے ہے، حاصل کیے گئے ہیں۔ وزارتِ پنچایتی راج انفرادی فائدہ اٹھانے والوں کا علیحدہ ڈیٹا برقرار نہیں رکھتی۔ ان قرضوں کے استعمال کا مقصد معمولی مرمت، کاروبار میں بہتری وغیرہ ہو سکتا ہے۔

ضمیمہ 1

 

********

 

ش ح ۔ اس ۔ م ا

Urdu No-2292

(रिलीज़ आईडी: 2198262) आगंतुक पटल : 4