ಭಾರತವು, ಈಗಾಗಲೇ ಪಳೆಯುಳಿಕೆಯೇತರ ಇಂಧನ ಮೂಲಗಳಿಂದ ಸ್ಥಾಪಿತ ವಿದ್ಯುತ್ ಸಾಮರ್ಥ್ಯದ 50% ಅನ್ನು, ಪ್ಯಾರಿಸ್ ಒಪ್ಪಂದಕ್ಕೆ ರಾಷ್ಟ್ರೀಯವಾಗಿ ನಿರ್ಧರಿಸಿದ ಕೊಡುಗೆಗಳ ಅಡಿಯಲ್ಲಿ ನಿಗದಿಪಡಿಸಿದ ಗುರಿಗಿಂತ ಐದು ವರ್ಷಗಳ ಮೊದಲೇ ಸಾಧಿಸಿದೆ. ಅಕ್ಟೋಬರ್ 2025 ರವರೆಗಿನ ಪ್ರಸ್ತುತ ಹಣಕಾಸು ವರ್ಷದಲ್ಲಿ  31.2 ಗಿಗಾವಾಟ್ ಸೇರಿಸುವ ಮೂಲಕ ಅಕ್ಟೋಬರ್ 31, 2025ರ ಹೊತ್ತಿಗೆ, ಪಳೆಯುಳಿಕೆಯೇತರ ಮೂಲಗಳಿಂದ ಸ್ಥಾಪಿತ ಸಾಮರ್ಥ್ಯವು ಒಟ್ಟಾರೆ ಸುಮಾರು 259 ಗಿಗಾವಾಟ್ ಆಗಿದೆ.

ಅಕ್ಟೋಬರ್ 31, 2025ರ ಹೊತ್ತಿಗೆ, ಹೊಸ ಮತ್ತು ನವೀಕರಿಸಬಹುದಾದ ಇಂಧನ ಸಚಿವಾಲಯದ (ಎಂ.ಎನ್.ಆರ್.ಇ.) ನವೀಕರಿಸಬಹುದಾದ ಇಂಧನ ಅನುಷ್ಠಾನ ಸಂಸ್ಥೆಗಳು (ಆರ್.ಇ.ಐ.ಎ.ಗಳು), ಅಂದರೆ ಸೌರಶಕ್ತಿ ನಿಗಮ ಆಫ್ ಇಂಡಿಯಾ ಲಿಮಿಟೆಡ್ (ಎಸ್.ಇ.ಸಿ.ಐ.), ಎನ್.ಟಿ.ಪಿ.ಸಿ. ಲಿಮಿಟೆಡ್, ಎನ್.ಹೆಚ್.ಪಿ.ಸಿ. ಲಿಮಿಟೆಡ್ ಮತ್ತು ಎಸ್.ಜೆ.ವಿ.ಎನ್.ಲಿಮಿಟೆಡ್, ಏಪ್ರಿಲ್ 2023 ರಿಂದ ಅವರು ನೀಡಿದ ನವೀಕರಿಸಬಹುದಾದ ವಿದ್ಯುತ್ ಖರೀದಿ ಟೆಂಡರ್ಗಳಿಗೆ ಸಂಬಂಧಿಸಿದಂತೆ 67,554 ಮೆಗಾವಾಟ್ ನೀಡಿಕೆ ಪತ್ರಗಳನ್ನು (ಎಲ್.ಒ.ಎ) ನೀಡಿವೆ ಮತ್ತು ಪ್ರಶಸ್ತಿ ಪತ್ರಗಳನ್ನು ನೀಡಿದ ನಂತರ ಯಾವುದೇ ರದ್ದತಿಗಳನ್ನು ಮಾಡಲಾಗಿಲ್ಲ.

ರಾಜ್ಯಗಳು ನವೀಕರಿಸಬಹುದಾದ ವಿದ್ಯುತ್ ಖರೀದಿ ಟೆಂಡರ್ಗಳನ್ನು ಸಹ ನೀಡುತ್ತಿವೆ ಮತ್ತು ಹಸಿರು ಇಂಧನ ಮುಕ್ತ ಪ್ರವೇಶ / ಕ್ಯಾಪ್ಟಿವ್ ಮಾರ್ಗದ ಮೂಲಕ ವಾಣಿಜ್ಯ ಮತ್ತು ಕೈಗಾರಿಕಾ ವಲಯಗಳಲ್ಲಿ ನವೀಕರಿಸಬಹುದಾದ ವಿದ್ಯುತ್ ಸಾಮರ್ಥ್ಯವನ್ನು ಸೇರಿಸಲಾಗುತ್ತಿದೆ. ಹೀಗಾಗಿ, ನವೀಕರಿಸಬಹುದಾದ ಇಂಧನ ಅನುಷ್ಠಾನ ಸಂಸ್ಥೆಗಳ (ಆರ್.ಇ.ಐ.ಎ.ಗಳು), ನೇತೃತ್ವದ ಬಿಡ್ಗಳ ಮೂಲಕ ಮಾತ್ರವಲ್ಲದೆ, ನವೀಕರಿಸಬಹುದಾದ ಶಕ್ತಿಯ ಸಾಮರ್ಥ್ಯ ಸೇರ್ಪಡೆ ಬಹು ಮಾರ್ಗಗಳ ಮೂಲಕ ಪ್ರಗತಿಯಲ್ಲಿದೆ

ಸೌರಶಕ್ತಿ-ಪ್ಲಸ್-ಶೇಖರಣಾ ಮತ್ತು ರವಾನೆ ಮಾಡಬಹುದಾದ ನವೀಕರಿಸಬಹುದಾದ ಶಕ್ತಿಯ ವೆಚ್ಚ ಕಡಿಮೆಯಾಗುತ್ತಿರುವುದರಿಂದ, ವಿತರಣಾ ಕಂಪನಿಗಳು ಮತ್ತು ಅಂತಿಮ ಖರೀದಿದಾರರಲ್ಲಿ ಅಂತಹ ಪರಿಹಾರಗಳಿಗೆ ಹೆಚ್ಚಿನ ಆದ್ಯತೆ ಸಿಗುತ್ತಿದೆ. ಈ ಬದಲಾವಣೆಯೊಂದಿಗೆ ಸರಳ ಸೌರಶಕ್ತಿಯ ಬೇಡಿಕೆಯೂ ಕಡಿಮೆಯಾಗಿದೆ. ವಿಶೇಷವಾಗಿ ಗರಿಷ್ಠ ಬೇಡಿಕೆಯ ಸಮಯದಲ್ಲಿ ವಿದ್ಯುತ್ ಪೂರೈಸುವ ಸಾಮರ್ಥ್ಯದಿಂದಾಗಿ, ಸೌರಶಕ್ತಿ-ಪ್ಲಸ್-ಶೇಖರಣಾ ಸಂರಚನೆಗಳನ್ನು ಗಾಳಿ-ಸೌರ ಹೈಬ್ರಿಡ್ ಯೋಜನೆಗಳಿಗಿಂತ ಆದ್ಯತೆ ನೀಡಲಾಗುತ್ತಿದೆ. ಅಂತೆಯೇ, ಕೇಂದ್ರ ಸರ್ಕಾರವು ನವೀಕರಿಸಬಹುದಾದ ಇಂಧನ ಅನುಷ್ಠಾನ ಸಂಸ್ಥೆ(ಆರ್.ಇ.ಐ.ಎ.ಗಳು)ಗಳನ್ನು ಸರಳ ಸೌರ ಟೆಂಡರ್ಗಳಿಂದ ಇಂಧನ ಸಂಗ್ರಹಣೆಯೊಂದಿಗೆ ಸೌರಶಕ್ತಿಯ ಟೆಂಡರ್ಗಳಿಗೆ, ಗರಿಷ್ಠ ಸಮಯದಲ್ಲಿ ನವೀಕರಿಸಬಹುದಾದ ಶಕ್ತಿಯನ್ನು ಪೂರೈಸಲು ಪುನರಚನೆಯೊಂದಿಗೆ ಟೆಂಡರ್ ಗಳಿಗೆ ಮತ್ತು ಫರ್ಮ್ ಮತ್ತು ರವಾನೆ ಮಾಡಬಹುದಾದ ನವೀಕರಿಸಬಹುದಾದ ಇಂಧನ ಪೂರೈಸಲು ಪುನರಚನೆಯೊಂದಿಗೆ ಟೆಂಡರ್ ಗಳಿಗೆ ಬದಲಾಯಿಸಲು ಸೂಚಿಸಿದೆ.

ನವೀಕರಿಸಬಹುದಾದ ಇಂಧನ ಅನುಷ್ಠಾನ ಸಂಸ್ಥೆಗಳು (ಆರ್.ಇ.ಐ.ಎ.ಗಳು) ನೀಡುವ ಬಿಡ್ಗಳಿಗೆ ಸಂಬಂಧಿಸಿದಂತೆ ಪಿಪಿಎಗಳನ್ನು ಮತ್ತಷ್ಟು ಕಾರ್ಯಗತಗೊಳಿಸಲು ಅನುಕೂಲವಾಗುವಂತೆ, ಸರ್ಕಾರವು ಹಲವಾರು ಪೂರ್ವಭಾವಿ ಕ್ರಮಗಳನ್ನು ಕೈಗೊಂಡಿದೆ. ಇಂಧನ ಸಂರಕ್ಷಣಾ ಕಾಯ್ದೆಯಡಿಯಲ್ಲಿ ನವೀಕರಿಸಬಹುದಾದ ಬಳಕೆ ಬಾಧ್ಯತೆಯನ್ನು (ಆರ್.ಸಿ.ಒ) ಅನುಸರಿಸಲು ರಾಜ್ಯಗಳನ್ನು ಒತ್ತಾಯಿಸುವುದು ಮತ್ತು ಟೆಂಡರ್ಗಳನ್ನು ವಿನ್ಯಾಸಗೊಳಿಸುವ ಮತ್ತು ನೀಡುವ ಮೊದಲು ಡಿಸ್ ಕೊಮ್ ಗಳು ಮತ್ತು ಇತರ ಗ್ರಾಹಕರಿಂದ ಬೇಡಿಕೆಯನ್ನು ಒಟ್ಟುಗೂಡಿಸಲು ನವೀಕರಿಸಬಹುದಾದ ಇಂಧನ ಅನುಷ್ಠಾನ ಸಂಸ್ಥೆಗಳಿಗೆ ಸಲಹೆ ನೀಡುವುದು ಇವುಗಳಲ್ಲಿ ಸೇರಿವೆ. ಅನುಷ್ಠಾನದ ಸವಾಲುಗಳನ್ನು ಎದುರಿಸಲು ಮತ್ತು ಪಿಪಿಎ ಸಹಿಯನ್ನು ವೇಗಗೊಳಿಸಲು ಪ್ರಮುಖ ನವೀಕರಿಸಬಹುದಾದ ಇಂಧನ-ಸಂಗ್ರಹಣಾ ರಾಜ್ಯಗಳೊಂದಿಗೆ ಪ್ರಾದೇಶಿಕ ಕಾರ್ಯಾಗಾರಗಳನ್ನು ಆಯೋಜಿಸಲಾಗಿದೆ.

ನವೀಕರಿಸಬಹುದಾದ ಇಂಧನ ಸಚಿವಾಲಯ (ಎಂ.ಎನ್.ಆರ್.ಇ.) ಘೋಷಿಸಿದ ನವೀಕರಿಸಬಹುದಾದ ಇಂಧನ (ಆರ್.ಇ.) ಸಾಮರ್ಥ್ಯದ ಆಧಾರದ ಮೇಲೆ ಕೇಂದ್ರ ವಿದ್ಯುತ್ ಪ್ರಾಧಿಕಾರ (ಸಿಯಾ) ಪ್ರಸರಣ ಯೋಜನೆಯನ್ನು ಮುಂಚಿತವಾಗಿ ಸಿದ್ಧಪಡಿಸುತ್ತದೆ, ಇದು ಆರ್.ಇ. ಡೆವಲಪರ್ ಗಳಿಗೆ ಪ್ರಸರಣ ವ್ಯವಸ್ಥೆಯ ಸ್ಪಷ್ಟ ಗೋಚರತೆಯನ್ನು ಒದಗಿಸುತ್ತದೆ. ಪ್ರಸರಣ ವ್ಯವಸ್ಥೆಯನ್ನು ಅತ್ಯುತ್ತಮವಾಗಿಸಲು ಉತ್ಪಾದನಾ ಸಾಮರ್ಥ್ಯದ ಸೇರ್ಪಡೆಗೆ ಅನುಗುಣವಾಗಿ ಪ್ರಸರಣ ವ್ಯವಸ್ಥೆಯನ್ನು ಹಂತಗಳಲ್ಲಿ ಕಾರ್ಯಗತಗೊಳಿಸಲಾಗುತ್ತದೆ.

2032 ರವರೆಗೆ ಪ್ರಸರಣ ವ್ಯವಸ್ಥೆಯ ಯೋಜನೆಗಾಗಿ ಸುಮಾರು 47.2 ಗಿಗಾವಾಟ್ ಬ್ಯಾಟರಿ ಶಕ್ತಿ ಸಂಗ್ರಹ ವ್ಯವಸ್ಥೆ (ಬೆಸ್ಸ್) ಅನ್ನು ಪರಿಗಣಿಸಲಾಗಿದೆ. ಬೆಸ್ಸ್ ನಿಯೋಜನೆಯು ಗರಿಷ್ಠ ವರ್ಗಾವಣೆಯನ್ನು ಸಕ್ರಿಯಗೊಳಿಸುತ್ತದೆ, ನೆಟ್ವರ್ಕ್ ದಟ್ಟಣೆಯನ್ನು ಕಡಿಮೆ ಮಾಡುತ್ತದೆ ಮತ್ತು ಪ್ರಸರಣ ಸ್ವತ್ತುಗಳ ಬಳಕೆಯನ್ನು ಸುಧಾರಿಸುತ್ತದೆ, ಇದರಿಂದಾಗಿ ಒಟ್ಟಾರೆ ಪ್ರಸರಣ ವ್ಯವಸ್ಥೆಯನ್ನು ಅತ್ಯುತ್ತಮವಾಗಿಸುತ್ತದೆ.

ಕೇಂದ್ರ ವಿದ್ಯುತ್ ನಿಯಂತ್ರಣ ಆಯೋಗ (ಅಂತರ-ರಾಜ್ಯ ಪ್ರಸರಣ ವ್ಯವಸ್ಥೆಗೆ ಸಂಪರ್ಕ ಮತ್ತು ಸಾಮಾನ್ಯ ನೆಟ್ ವರ್ಕ್ ಪ್ರವೇಶ) (ಮೂರನೇ ತಿದ್ದುಪಡಿ) ನಿಯಮಗಳು, 2025ರ ಪ್ರಕಾರ, ಸೌರ ಮತ್ತು ಸೌರಶಕ್ತಿಯೇತರ ಸಂಪರ್ಕವನ್ನು ನೀಡಬೇಕು. ಇದು ಪ್ರಸರಣ ವ್ಯವಸ್ಥೆಯ ಪರಿಣಾಮಕಾರಿ ಬಳಕೆಗೆ ಮತ್ತಷ್ಟು ಸಹಾಯ ಮಾಡುತ್ತದೆ.  ಇದು ಹೆಚ್ಚುವರಿ ಪ್ರಸರಣ ಮೂಲಸೌಕರ್ಯಗಳ ಅಗತ್ಯವಿಲ್ಲದೆಯೇ ಹೆಚ್ಚುವರಿ ನವೀಕರಿಸಬಹುದಾದ ಇಂಧನ ಮೂಲಸೌಕರ್ಯವನ್ನು ಗ್ರಿಡ್ ಗೆ ಸಂಯೋಜಿಸಲು ಅನುವು ಮಾಡಿಕೊಡುತ್ತದೆ.

ಈ ಮಾಹಿತಿಯನ್ನು ಕೇಂದ್ರ ಹೊಸ ಮತ್ತು ನವೀಕರಿಸಬಹುದಾದ ಇಂಧನ ಸಚಿವರಾದ ಶ್ರೀ ಪ್ರಲ್ಹಾದ್ ಜೋಶಿ ಅವರು ಇಂದು ರಾಜ್ಯಸಭೆಯಲ್ಲಿ ನೀಡಿದರು.

 

*****

(रिलीज़ आईडी: 2197890) आगंतुक पटल : 8