حکومت ہند کی ہنرمندی کے فروغ  اور صنعت کاری کی وزارت (ایم ایس ڈی ای) کے تحت اسکل انڈیا مشن (ایس آئی ایم ) مختلف اسکیموں پردھان منتری کوشل وکاس یوجنا (پی ایم کے وی وائی) جن شکشن سنستان (جے ایس ایس) اسکیم ، اپرنٹس  شپ کو فروغ دینے کی قومی اسکیم (این اے پی ایس) اور دستکاروں کی تربیت کی اسکیم (سی ٹی ایس)، صنعتی تربیتی اداروں (آئی ٹی آئی) کے ذریعے ہنرمندی کے فروغ کے مراکز کے ایک وسیع نیٹ ورک کے تحت ملک بھر میں معاشرے کے تمام طبقات کے افراد کو  ہنرمندی ، دوبارہ ہنرمندی اور اپ اسکل کی تربیت فراہم کرتی ہے ۔   اسکل انڈیا مشن کا مقصد ہندوستان کے نوجوانوں کو مستقبل کے لیے  تیار کرنا  اور  صنعت سے متعلق مہارتوں سے انہیں  آراستہ کرنا ہے۔

مزید برآں ، پیشہ ورانہ تعلیم و تربیت کے قومی کونسل (این سی وی ای ٹی) نے نیشنل پروگرام آن آرٹیفیشل انٹیلی جنس (این پی اے آئی) اسکلنگ فریم ورک تیار کیا ہے ، جو اے آئی ، ڈیٹا سائنس اور ابھرتی ہوئی ٹیکنالوجیز میں ہنر مندی کے لیے قومی خاکہ، ڈھانچہ اور رہنما خطوط پیش کرتا ہے ، جو معیاری ، صنعت سے منسلک کورسز اور نصاب تیار کرنے کے لیے بنیادی دستاویز کے طور پر کام کرتا ہے ۔

پی ایم کے وی وائی 3.0 اور 4.0 جیسے اقدامات نے    صنعت کی مانگ کو پورا کرنے ، ڈیجیٹل تبدیلی کو آگے بڑھانے اور انڈسٹری 4.0 اور گرین منتقلی  کے لیے افرادی قوت  کارکی تیاری کے مقصد کے ساتھ مصنوعی ذہانت ، روبوٹکس اور نئے دور کی ٹیکنالوجیز پر مرکوز خصوصی قلیل مدتی اور جدید ماڈیولز متعارف کرائے ہیں۔

سی ٹی ایس کے تحت ، ملک کے نوجوانوں کی ہنرمندی اور اپ اسکلنگ کے لیے مصنوعی ذہانت ، صنعتی روبوٹکس اور آب و ہوا کی تبدیلی کی موافق ٹیکنالوجی سمیت 31 نئے دور کے کورسز میں تربیت صنعتی تربیتی اداروں (آئی ٹی آئی) اور نیشنل اسکل ٹریننگ انسٹی ٹیوٹ (این ایس ٹی آئی) کے نیٹ ورک کے ذریعے فراہم کی جاتی ہے ۔

نیز ، الیکٹرانکس اور انفارمیشن ٹکنالوجی کی وزارت (ایم ای آئی ٹی وائی) نے نیس کام کے ساتھ مل کر مصنوعی ذہانت (اے آئی) روبوٹکس پروسیس آٹومیشن (آر پی اے) سائبر سیکورٹی ، اور دیگر ڈیجیٹل مہارتوں پر کورسز اور دیگر  آفرز کی پیشکش کرکے  11 ابھرتی ہوئی ٹیکنالوجیز کے علم سے سیکھنے والوں کو لیس کرنے کے لیے فیوچر اسکلز پرائم (ایف ایس پی) پلیٹ فارم کا آغاز کیا ہے ۔

ایم ایس ڈی ای نے ایک قومی سطح کی پہل ، ایس او اے آر (اسکلنگ فار اے آئی ریڈینیس) کا آغاز کیا جس کا مقصد اسکول کے طلباء (چھٹی جماعت سے بارہویں جماعت تک) میں اے آئی بیداری اور بنیادی مہارتوں کو شامل کرنا اور اساتذہ میں اے آئی خواندگی پیدا کرنا ہے ۔  یہ پروگرام تمام جغرافیائی علاقوں میں مصنوعی ذہانت کی تعلیم تک مساوی رسائی کو یقینی بنا کر ڈیجیٹل فرق کو ختم کرنے کی کوشش کرتا ہے ، اس طرح جامع ، مستقبل کے لیے تیار ہنر مندی کے قومی ایجنڈے کی حمایت کرتا ہے ۔

ڈی جی ٹی نے کارپوریٹ سماجی ذمہ داری (سی ایس آر) کے تحت ہنر مندی کے اقدامات کے لیے آئی بی ایم انڈیا ، مائیکروسافٹ ، سسکو ، ایبوڈ انڈیا ، ایمیزون ویب سروسز (اے ڈبلیو ایس) فیوچر رائٹ اسکلز نیٹ ورک (ایف آر ایس این) ایڈونیٹ فاؤنڈیشن ، آٹو ڈیسک وغیرہ سمیت اداروں کے ساتھ تعاون کیا ہے ۔  یہ شراکت داریاں جدید ٹیکنالوجیز میں تکنیکی اور پیشہ ورانہ مہارت کی تربیت کی فراہمی میں سہولت فراہم کرتی ہیں ۔  سی ٹی ایس کی تجارت کے تحت روزگار کی مہارت کے موضوع پر ‘مصنوعی ذہانت (اے آئی) کا تعارف: ساڑھے سات گھنٹے’ پر مشتمل  ایک ماڈیول متعارف کرایا گیا ہے ۔

فیوچر اسکلز پرائم پلیٹ فارم کے ذریعے پیش کیے جانے والے کورسز صنعت سے منسلک ہیں اور عالمی او ای ایم شراکت داروں ، مواد کے شراکت داروں اور نیس کام کے ذریعے پیش کیے جاتے ہیں ۔  مزید ، آئی ٹی-آئی ٹی ای ایس ایس سی  نیس کام ایسی  مہارتوں کو تیار کرتا ہے جو بشمول ان کی توثیق کے صنعت کے ساتھ مشترکہ طور پر تیار کی  جاتی ہیں ۔

سیکٹر اسکل کونسلز (ایس ایس سی) فعال صنعت اور عالمی ڈومین کی شرکت کے ساتھ تشکیل دی گئی ہیں ، نصاب کو مشترکہ طور پر تیار کرتی ہیں اور ٹرینرز کی تربیت کا انعقاد کرتی ہیں ۔  صنعت کے سرکردہ شراکت دار نصاب کی مدد فراہم کرتے ہیں اور اے آئی ، روبوٹکس اور موسمیاتی ٹکنالوجی میں اپرنٹس شپ/ انٹرن شپ  تعاون  فراہم کرتے ہیں ۔

بہت سے صنعتی شراکت دار این سی وی ای ٹی کی منظوری کے لیے اپنے اے آئی اور ٹیکنالوجی کورسز بھی جمع کراتے ہیں ، جس سے صنعت کے ڈیزائن کردہ جدید ترین نصاب کو اپنانے میں مدد ملتی ہے ۔  یہ شراکت داری اجتماعی طور پر اس بات کو یقینی بناتی ہے کہ مصنوعی ذہانت سے متعلق ہنر مندی کے پروگرام متعلقہ ، اعلی معیار کے اور روزگار پر مضبوطی سے مرکوز رہیں ۔

پی ایم کے وی وائی کے تحت ایک مضبوط ، کثیر سطحی نگرانی اور اثرات کے جائزے کے فریم ورک پر عمل کیا جاتا  ہے ۔  تمام امیدواروں ، تربیت فراہم کرنے والوں اور روزگار کے نتائج کو ڈیجیٹل پلیٹ فارم (ایس آئی ڈی ایچ) پر ٹریک کیا جاتا ہے ۔  وقتاً فوقتاً تیسرے فریق کے جائزے ، اور آجر اداروں  کی رائے بہتری کی تشکیل کرتی ہے ۔  مسلسل ڈیٹا اینالیٹکس اور رپورٹنگ موافقت پذیر فیصلہ سازی اور ابھرتی ہوئی ٹیکنالوجی ہنر مندی کے اقدامات کے ثبوت پر مبنی مہارت سازی کی سہولت فراہم کرتی ہے ۔

************

ش ح۔م ع۔ ت ح

U:2135

 

(रिलीज़ आईडी: 2197123) आगंतुक पटल : 5