ستھنّاوسل  ، آرکیالوجیکل سروے آف انڈیا (اے ایس آئی) کی دیکھ بھال اور  رکھ رکھاؤ کے تحت قومی اہمیت کی حامل ایک یادگار ہے  ، جو ویرالی ملائی اسمبلی حلقہ ، ضلع پڈوکوٹائی ، ریاستِ تمل ناڈو میں واقع ہے  ۔  اس کی تاریخی اور آرکیا لوجیکل اہمیت ہے ۔ اس میں چٹانی پناہ گاہ شامل ہے  ، جس میں جین سنیاسیوں کے  پتھر کے بستر اور تمل برہمی نوشتہ جات  ،  نایاب ابتدائی مورل پینٹنگز وغیرہ  سے آراستہ 7 ویں-9 ویں صدی عیسوی کا چٹان  کو کاٹ کر بنایا ہوا غار مندر  شامل ہیں ، جو ابتدائی جین کرداروں اور قدیم آرٹ کی روایات کی عکاسی کرتا ہے ۔

اے ایس آئی نے ستھنّاوسل  یادگاروں کے تحفظ ، تحقیق اور فروغ کے لیے مسلسل اقدامات کیے ہیں ۔ اے ایس آئی خصوصی مرمت کے کاموں ، سالانہ دیکھ بھال اور ضرورت کی بنیاد پر دیکھ بھال کے ذریعے تحفظ کو یقینی بناتا ہے ۔ دیواروں کی پینٹنگز اچھی حالت میں ہیں ۔ مزید برآں  ، ثقافتی بیداری کے پروگرام متعلقہ حلقے کے ذریعے انجام دیے جاتے ہیں  ، جن میں مقامی عوام ، طلباء شامل ہوتے ہیں تاکہ ورثے کی بہتر تفہیم اور فروغ ہو سکے ۔

فی الحال ، ستھنّاوسل  میں اضافی بنیادی ڈھانچے کی ترقی کی کوئی تجویز نہیں ہے ۔ تاہم ، یہ سائٹ پہلے سے ہی ضروری سیاحتی سہولیات جیسے بیت الخلا، پینے کے پانی ، کیو آر -کوڈ  سے متصف اشارے ، ثقافتی اور یادگار تحفظ نوٹس بورڈ ، پتھر کی بینچیں، پبلکیشن کاؤنٹر ، موٹریبل روڈ  رسائی وغیرہ سے لیس ہے ۔

یہ معلومات ثقافت اور سیاحت کے مرکزی وزیر جناب گجیندر سنگھ شیخاوت نے آج لوک سبھا میں ایک تحریری جواب میں  فراہم کیں  ۔

۔۔۔۔۔۔۔۔۔۔۔

( ش ح۔م م ۔ع ا  )

U.No. 2114

(रिलीज़ आईडी: 2197049) आगंतुक पटल : 8