محکمہ ٹیلی مواصلات (ڈی او ٹی) نے 22.10.2025 کو ٹیلی کمیونیکیشن سائبر سیکیورٹی (ٹی سی ایس) رولز ، 2024 میں ترمیم کی ہے جو بینکنگ ، ای -کامرس اور گورننس جیسے شعبوں میں ڈیجیٹل خدمات میں ٹیلی کام شناخت کاروں کے تیزی سے انضمام کے ساتھ ابھرنے والی اہم کمزوریوں کو دور کرتی ہے ۔ یہ ترمیم محفوظ ، شفاف اور ذمہ دار ٹیلی کام آپریشنز کے لیے ہندوستان کے عزم کو تقویت دیتی ہے ۔

تازہ ترین  ضابطوں  کا مقصد موجودہ ریگولیٹری خلا کو ختم کرنا اور ٹیلی کام شناخت کاروں کا استعمال کرنے والے اداروں کے ساتھ باہمی تعاون کے ذریعے سائبر  پائیداری کو مضبوط کرنا ہے ۔ وہ طویل مدتی مسائل کو حل کرنے والے کلیدی نئے فریم ورک متعارف کراتے ہیں:

موبائل نمبر کی توثیق (ایم این وی) پلیٹ فارم: مالیاتی اور ڈیجیٹل خدمات کے ساتھ موبائل نمبروں کے غیر تصدیق شدہ روابط سے پیدا ہونے والے  میول اکاؤنٹ  اور شناختی دھوکہ دہی میں اضافے کو روکنے کے لیے ،  یہ ضابطے ایم این وی پلیٹ فارم کو ادارہ جاتی  شکل دیتے  ہیں ۔ یہ میکانزم سروس فراہم کرنے والوں کو ایک  غیر مرکوزاور پرائیویسی- کمپلینٹ  پلیٹ فارم کے ذریعے اس بات کی توثیق کرنے کے قابل بناتا ہے کہ آیا کسی سروس کے لیے استعمال ہونے والا موبائل نمبر حقیقی طور پر اس شخص کا ہے جس کی اسناد ریکارڈ  میں ہیں اوراس طرح ڈیجیٹل لین دین پر اعتماد بڑھتا ہے ۔

ری سیل ڈیوائس اسکربنگ: ہندوستان کی بڑھتی ہوئی سیکنڈ ہینڈ ڈیوائس مارکیٹ، بلیک لسٹڈ ، چوری شدہ ، یا کلون شدہ فونز کی گردش کے لیے ایک ہاٹ اسپاٹ بن گئی ہے ، جس سے حقیقی خریدار قانونی پیچیدگیوں کا شکار ہو رہے ہیں۔ ترمیم شدہ  ضابطوں میں اب  ری سیل یا ریفربشڈ  آلات  کا کام کرنے والے اداروں سے مطالبہ کیا گیا ہے کہ وہ دوبارہ فروخت سے پہلے بلیک لسٹڈ آئی ایم ای آئی کے مرکزی ڈیٹا بیس کے ذریعے ہر ڈیوائس کے آئی ایم ای آئی نمبر کو صاف کریں ، صارفین کی حفاظت کریں اور چوری شدہ آلات کا سراغ لگانے میں قانون نافذ کرنے والے اداروں کی مدد کریں ۔

ٹیلی کام آئی ڈینٹی فائر یوزر اینٹیٹی(ٹی آئی یو ای) کی ذمہ داریاں: اس بات کو تسلیم کرتے ہوئے کہ متعدد شعبے اب تصدیق اور خدمات کی فراہمی کے لیے ٹیلی کام شناخت کاروں (جیسے موبائل نمبر ، آئی ایم ای آئی  اور آئی پی) کا فائدہ اٹھاتے ہیں ، یہ رولز’’ٹی آئی یو ای‘‘ کی وضاحت کرتے ہیں اور انہیں مخصوص ، منظم حالات میں حکومت کے ساتھ متعلقہ ٹیلی کام شناخت کنندہ ڈیٹا شیئر کرنے کا حکم دیتے ہیں ۔ یہ ڈیٹا پروٹیکشن کے اصولوں کی تعمیل کو برقرار رکھتے ہوئے ٹیلی کام سے منسلک سائبر دھوکہ دہی سے نمٹنے میں زیادہ سے زیادہ پتہ لگانے ، جوابدہی اور ہم آہنگی کو یقینی بناتا ہے ۔

مجموعی طور پر ، ان ترامیم کا مقصد ٹیلی کام  کے توسط سے چلنے والی دھوکہ دہی کے خلاف ہندوستان کے ڈیجیٹل ماحولیاتی نظام کی حفاظت کرنا ، ڈیوائس کا پتہ لگانے کی اہلیت کو مضبوط کرنا اور ٹیلی کام شناخت کاروں کے ذمہ دارانہ استعمال کو یقینی بنانا ہے ۔ ٹی سی ایس امینڈمنٹ رولز ، 2025 ایک پائیدار ، انٹرآپریبل اور مستقبل کے لیے تیار ٹیلی کام سائبر سیکیورٹی فریم ورک کی طرف ایک فیصلہ کن قدم ہے جو جدت ، رازداری اور قومی سلامتی کو متوازن بناتا ہے۔

ٹیلی کمیونیکیشن سائبر سیکیورٹی (ٹی سی ایس)  امینڈمینٹ رولز ، 2025 کو ہندوستان کے گزٹ میں نوٹیفکیشن جی ایس آر  771 (ای) مورخہ 22.10.2025کے ذریعہ  نوٹیفائی کیا گیا تھا ۔  اس کے بعد ، ایک نادانستہ غلطی کی وجہ سے ، جب کہ اس کا مقصد مشاورت کے لئے ایک اور  رول  شائع کرنا تھا ، ٹیلی مواصلات سائبر سیکیورٹی (ٹی سی ایس) امینڈمینٹ رولز ، 2025 کو ہندوستان کے گزٹ میں نوٹیفکیشن جی ایس آر  796 (ای) مورخہ 29.10.2025کے ذریعہ دوبارہ شائع کیا گیا ۔اس غلطی کو اب محکمہ ٹیلی مواصلات کے ذریعہ نوٹیفکیشن جی ایس آر  863 (ای) مورخہ 25.11.2025کے ذریعہ درست کیا گیا ہے  جو ٹی سی ایس امینڈمینٹ رولز کی غیر ارادی دوبارہ اشاعت کو منسوخ کرتا ہے اور یہ منسوخی کسی بھی طرح سے ٹی سی ایس رول میں اصل ترمیم کو کالعدم قرار نہیں دیتی ہے۔

حکومت اس بات کی وضاحت اور اعادہ کرتی ہے کہ ٹیلی مواصلات سائبر سیکیورٹی (ٹی سی ایس) امینڈمینٹ رولز ، 2025 کو ابتدائی طور پر جی ایس آر  771 (ای) مورخہ 22.10.2025کے تحت  نوٹیفائی کیا گیا تھا ، نافذ العمل اور قابل نفاذ ہے ۔

 

مزید معلومات کے لیے ڈی او ٹی ہینڈلز کو فالو کریں : - X - https://x.com/DoT_India Insta- https://www.instagram.com/department_of_telecom?igsh=MXUxbHFjd3llZTU0YQ== Fb - https://www.facebook.com/DoTIndia Youtube: https://www.youtube.com/@departmentoftelecom

 

* * *

)ش ح –   م م -  م ذ(

UN.1918

(Release ID: 2195337) Visitor Counter : 10