نائب صدرجمہوریہ ہند جناب سی پی رادھا کرشنن نے آج دہلی قانون ساز اسمبلی میں منعقدہ ‘یومِ آئین’ کی تقریب میں بطور مہمانِ خصوصی شرکت کی اور ہندوستان کے قانون سازی کے سفر پر مبنی ایک کافی ٹیبل بُک جاری کی، جو جناب وِٹھل بھائی پٹیل کے پہلے ہندوستانی اسپیکر منتخب ہونے کے 100 برس مکمل ہونے کی مناسبت سے شائع کی گئی ہے۔

Hon’ble Vice-President Shri C. P. Radhakrishnan participated in the ‘Constitution Day’ celebrations at the Delhi Legislative Assembly and released a Coffee Table Book on India’s legislative journey, marking 100 years since Shri Vithalbhai Patel’s election as the first Indian… pic.twitter.com/d7u1nte1DJ

— Vice-President of India (@VPIndia) November 26, 2025

اپنے خطاب میں نائب صدرِ جمہوریہ نے کہا کہ ہندوستان کا آئین ایک زندہ دستاویز ہے جو ملک کے جمہوری سفر کی رہنمائی کرتا رہے گا۔ انہوں نے اس بات پر روشنی ڈالی کہ آئین حکمت، عملی تجربات، قربانیوں اور امید کے امتزاج سے تشکیل پایا، اور یہ اُن کروڑوں لوگوں کی اجتماعی بصیرت، جدوجہد اور خوابوں کا مظہر ہے جنہوں نے ملک کی آزادی کے لیے کوششیں کیں۔ انہوں نے دستور ساز کمیٹی کے چیئرمین ڈاکٹر بی آر امبیڈکر کو خراجِ عقیدت پیش کیا جن کی قیادت نے یہ یقینی بنایا کہ آئین ہندوستان کی روح اور اس کی امنگوں کو بھرپور انداز میں سموئے۔

نائب صدر نے بتایا کہ 2015 سے ہر سال  26 نومبر کوسمویدھان دیوس کے طور پر منایا جا رہا ہے، جو اب ایک ملک گیر تقریب کی شکل اختیار کر چکا ہے۔ اس تقریب کا مقصد شہریوں کے حقوق و فرائض سے آگاہی بڑھانا اور آئین کے بانیوں کے وژن کو خراجِ عقیدت پیش کرنا ہے۔ انہوں نے یاد دلایا کہ اس برس ہمارا سمودھان، ہمارا سوا بھیمان کے تحت 2024 میں شروع ہونے والی آئین کے 75 سالہ جشن کی ایک سالہ طویل اختتامی تقریبات منعقد ہو رہی ہیں۔

ہندوستان کی امرت کال  کی ترقی کا ذکر کرتے ہوئے انہوں نے کہا کہ ملک آئینی اقدار،انصاف، آزادی، مساوات اور اخوت کی رہنمائی میں مسلسل   وکست اور آتم نربھر بھارت کی طرف بڑھ رہا ہے۔

انہوں نے زور دے کر کہا کہ جس ہندوستان کو کبھی کمزور معیشت کا حامل سمجھا جاتا تھا، آج وہ دنیا کی چوتھی سب سے بڑی معیشت  بن چکا ہے اور جلد ہی   تیسری سب سے بڑی معیشت بننے کی راہ پر ہے۔

مزید یہ کہ گزشتہ دس برسوں میں 25 کروڑ افراد کو غربت سے نکالا گیا ہے  ، جو انسانی تاریخ میں ایک بے مثال کامیابی ہے۔ انہوں نے کہا کہ ڈیجیٹل ٹیکنالوجی کے ذریعے 100 کروڑ شہری   مختلف سماجی تحفظ کی اسکیموں کے دائرے میں آچکے ہیں۔انہوں نے کہا، “یہ کامیابیاں معمولی نہیں ہیں؛ یہ ایسے سنگِ میل ہیں جو ہمارے آئین سازوں کے خوابوں کی تکمیل کرتے ہیں۔”

نائب صدرِ جمہوریہ نے دہلی قانون ساز اسمبلی میں مختلف پیشہ ورانہ طبقات کی نمائندگی کو سراہا اور اس بات پر اطمینان ظاہر کیا کہ اسمبلی میں بزرگ شہریوں، مخنث افراد اور معذور افراد کے لیے مخصوص کمیٹیاں قائم ہیں۔

انہوں نے دہلی کی وزیرِ اعلیٰ محترمہ ریکھا گپتا کی قیادت کی تعریف کی اوران کی قیادت کوخواتین کو  بااختیار بنانےکےلئےخواتین کی قیادت میں ترقی   کے نئے دور کی علامت قرار دیا۔

انہوں نے بتایا کہ دہلی کا قانون ساز اسمبلی بلڈنگ،جو پہلے امپیریل لیجسلیٹو کونسل اور پہلی مرکزی قانون ساز اسمبلی کے ایوان کے طورپر جانا جاتا تھا،نے حقوق، شہریت اور نمائندہ طرزِ حکمرانی پر ہونے والی کئی تاریخی اور بنیادی بحثوں کی میزبانی کی ہے۔

دہلی قانون ساز اسمبلی کی جانب سے ہندوستان کے قانون سازی کے سفر پر مبنی کافی ٹیبل بُک کے اجرا کی تعریف کرتے ہوئے نائب صدر نے 2025 میں آل انڈیا اسپیکرز کانفرنس کی کامیاب میزبانی کو یاد کیا، جو جناب وِٹھل بھائی پٹیل کی تاریخی مدت کارکے 100 برس مکمل ہونے کے موقع پر منعقد ہوئی تھی۔

انہوں نے کہا کہ اس کافی ٹیبل بُک میں نایاب تصاویر، اہم تقاریر کے اقتباسات، کانفرنس کی تصویری جھلکیاں اور جناب وِٹھل بھائی پٹیل سمیت دیگر قومی رہنماؤں کے آرکائیول مواد شامل ہیں۔ انہوں نے اس اقدام کی تعریف کرتے ہوئے کہا کہ یہ آنے والی نسلوں کو ہندوستان کی قانون سازی کی تاریخ سے جوڑے رکھنے میں معاون ثابت ہوگی۔

نائب صدر نے تمام اراکینِ اسمبلی پر زور دیا کہ وہ مکالمے، مباحثے اور مؤثر گفتگو کے ذریعے تعمیری کردار ادا کریں، کیونکہ ان کا کردار   وکست بھارت @2047   کی تعمیر میں نہایت اہم ہے۔

اپنےخطاب کے اختتام پر انہوں نے تمام شہریوں سے بنیادی فرائض کی روح کو اپنانے کی اپیل کی۔ انہوں نے کہا،“جب ہم اپنے آئین کی اقدار پر عمل کرتے ہیں تودوسروں کے حقوق کا احترام کرتے ہیں، قانون کی حکمرانی کو مضبوط کرتے ہیں، اپنے فرائض ادا کرتے ہیں اور اتحاد کو برقرار رکھتے ہیں اور ہم اس اہم دستاویز کو بہترین خراجِ تحسین پیش کرتے ہیں۔”

نائب صدرِ جمہوریہ نے دہلی اسمبلی کے احاطے میں بھارت رتن ڈاکٹر بی آر امبیڈکر اور شری وِتھل بھائی پٹیل کے مجسموں پر پھول بھی چڑھائے۔

Hon’ble Vice-President also paid floral tributes at the statues of Bharat Ratna Dr. B. R. Ambedkar and Shri Vithalbhai Patel on the Delhi Assembly premises. pic.twitter.com/bXDJkFOO7p

— Vice-President of India (@VPIndia) November 26, 2025

اس موقع پر دہلی کے لیفٹیننٹ گورنر جناب ونے کمار سکسینہ، دہلی کی وزیرِ اعلیٰ محترمہ ریکھا گپتا، دہلی قانون ساز اسمبلی کے اسپیکر جناب وجیندر گپتا، وزراء، ارکانِ اسمبلی اور دیگر معزز شخصیات موجود تھیں۔

   ********

UR-1864

(ش ح۔ع ح۔ ف ر )

(Release ID: 2194874) Visitor Counter : 7